1 Kolinte 1:20 - Livulu lya Shukulu Kalunga

²⁰ Ngecivene, muka-mana ali kuli? Nambe vaka-kulilongesa? Nambe muka-vimata wa mutongwe wa ano a kaye? Njambi namwesa ngeci mana a ano a kaye anapu a vulema!

1 Kolinte 1:20 Iomraidhean Croise

2 Samwele 15:31

Omo Ndaviti vamulekele ngwavo Ahitofele nalipandakana na Avisalome mukumutengulukila, co Ndaviti walombelele ngwendi, “Shukulu Kalunga, pwisa kunangula kwa Ahitofele kupwe kwangoco!”

2 Samwele 16:23

Kunangula kwanangwile Ahitofele a matangwa aje, kwapwile vene ngwe lijwi lya Njambi, mukemwo mukwapwile kunangula kwa Ahitofele kuli Ndaviti na kuli Avisalome.

2 Samwele 17:14

Avisalome na vaIsalele voshe vendekele ngwavo, “Kunangula kwa Hushai kunapu kwakuvwa manene kutuvakana kunangula kwa Ahitofele.” Shukulu Kalunga wavwaesele ngeci kunangula kwakuvwa kwa Ahitofele kesi vacikave, ngeci vukalu vukaije ali Avisalome.

2 Samwele 17:23

Omo Ahitofele wamwene ngeci kuvakavele kunangula kwendi, walondele a cimulu cendi welukile kwimbo lyendi. Omo wamanesele kuvwaesa vyendi vyoshe, walishukikile ikeye vavenya. Vamutsindile mu mbumbo ya naanga yendi.

Yombi 12:17

Ikeye akatundisa mana a vaka-kushwana, co apangesa vantwama ngwe vilema.

Yombi 12:20

Ikeye olwesa vanu vaje vavanakulaela, co akatundisa mana a vakulunu.

Yombi 12:24

Ikeye atundisa mana ku vantwama va asi, co avendesa mu mambo mwakujeneka ngila.

Isaya 33:18

Mukalihula yeni vavenya ngweni, “Vali kulijo vamyata vaje vatujujwisile nakutufwetesa lisimu lyakama?”

Isaya 44:25

Vaka-kutaa njivapwisa vilema, nakuvindika vimona vya vaka-makuli. Majwi a vaka-kunyanyama, njikawapwisa angoco, nakumwesa ngeci mana avo anapu vulema.

Isaya 53:1

Vanu vakumbulula ngwavo, “Iyajo asa kukulaela muzimbu wetu? Iyajo namono nzili ya Shukulu Kalunga mu vyuma evi?

Njelemiya 10:7

Iyajo kasa kukusingimika, yove mwene wa miyati yoshe? Yove wafwila kasingimiko. Kukwesi weka wakulifwa nove akati ka miyati yoshe ya vaka-mana, nambe akati ka vimyene vavo.

Mateo 13:22

Vimbuto vije vyawililile akati ka mambimbo vinapu ngwe vaje vaziva lijwi, oloni lipakeso lya mwonyo na cizemo ca vufuko vitundisisa lijwi, co kuvemi vushuka.

Yowano 12:31

Ololo simbu yakusompa inaija kuli vaka-kaye, ololo muka-kushwana kano kaye vakamusheka.

Vilinga vya Miluwa 17:18

Vamo valongisi va munga ivatumbwile ngwavo Epikulyu na munga ya Sitoike valikananganene nendi. Vamo vavo vehwile ngwavo, “Vika ashaka kwendeka ou cilema wa kulyalesa?” Veka vendekele ngwavo, “Cisholoka ngwe alinakwendeka vya vinjambi veka.” Vendekele evi omwo Paulu wakele nakwambulula vya Yesu na cisangukilo.

Loma 1:20

Tunde aje Njambi watangele kaye, vifwa vyendi vije kutwasa kumona, nzili yendi ya myaka yoshe na cifwa cendi ca vu Njambi, vinasholoka mwamuvwa, vanu vasa kuvizivukila mu vyuma vije vyanalingi Njambi. Ngecivene, vanu ava kuvasa kulisambesa embwe!

Loma 1:22

Vendeka ngwavo vanapu vaka-mana, oloni vanapu vilema,

1 Kolinte 1:19

Omwo visoneka vyendeka ngwavyo, “Njikanyongesa mana a vaka-kunyanyama, nakuzimangana mana a vaka-kulilongesa.”

1 Kolinte 1:26

Omwo ololo vavusamba vange, anukeni mumwafwile laja, omo Njambi wamisanene. Kweseka na viyongola vya vanu, vavandondo lika akati keni vapwile vaka-mana, nambe vaka-nzili, nambe vaka-vulemu.

1 Kolinte 1:27

Oloni Njambi mu cizango cendi waangwile vije vivayongwele vaka-kaye ngwavo vyangoco ngeci azivise shwamwa vaka-mana, co lalo waangwile vije vivayongwele vaka-kaye ngwavo vyakuzeya ngeci azivise shwamwa vaka-nzili.

1 Kolinte 1:28

Ikeye waangwile vije vivashawile vaka-kaye nakuviyeluwisa nakuviyongola ngeci vinapu vyangoco, ngeci anyongese vije vivayongola vaka-kaye ngwavo vinapu vya vulemu.

1 Kolinte 11:32

Oloni Mwene alinakutuhisa nakutunyanyamesa, ngeci kesi vakatuhise amo na vaka-kaye.

1 Kolinte 2:6

Oloni njambulula muzimbu wa mana kuli vaje vanakolo mu munzinzime. Oloni kesi mana aje anakundama muno mu kaye nambe ku vaka-kushwana va kaye kano, vaka-kushwana vaje nzili yavo ilinakuvatunda.

1 Kolinte 2:8

Naumo wai muka-kushwana wa ano a kaye wazivukile mana awa. Nga vawazivukile, nga kuvashukikile Mwene wa vumpau.

1 Kolinte 3:18

Kesi ulikwise yove vavenya. Nga umo akati keni aliyongola ngwendi ali na mana a ano a kaye, co pwa cilema, ngeci ukale na mana.

1 Kolinte 3:19

Omwo vije vayongola vaka-kaye ngwavo vinapu vya mana, ku mesho a Njambi vinapu vya vulema. Ngwe muvyendeka visoneka ngwavyo, “Njambi akakwata vaka-mana mukunyanyama kwavo”,

1 Kolinte 6:2

Kuma kumwazivukile ngweni vanu va Njambi vakasompa vaka-kaye ndi? Co nga mukasompa vaka-kaye, kuma kumwasa kusompa vin̄anda vyavindondo ndi?

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.