1 Kolinte 1:2 - Livulu lya Shukulu Kalunga

² Ku cikungulukilo ca Njambi cije cili mu Kolinte, kuli vaje voshe vavanasana ngeci vapwe vanu va Njambi vakujela, vaje vanakundama kuli ikeye amo na Kilistu Yesu, amolika na vanu voshe kwoshe-ikwoshe vaje vakalemesa Mwene yetu Yesu Kilistu, Mwene yavo na Mwene yetu.

1 Kolinte 1:2 Iomraidhean Croise

Kushangumuka 12:8

Co akutunda kuje, Avilama wakengeselele mu mbwela ku lifuti lya malundu mu ngangela ya nganda ya Mbetele. Co watungile cilombo cendi mukati ka Mbetele mu kangombe ka yambi na Ayi mu ngangela. Co watungile mutula kuje wakulemesela Shukulu Kalunga.

Kushangumuka 4:26

Co Seta wakitile mwana wa munalume wamulukile lizina lyendi Inoshe. Ikeyo simbu ije vanu vashangumukile kulemesa lizina lya Shukulu Kalunga.

Myaso 45:11

Vuvwa vwove vukavwaelelesa mwene ngeci akuzeme, ikeye napu shukulu yove, ngecivene, unapande kumwononoka.

Vilinga vya Miluwa 10:36

Munazivuka muzimbu watumine ku vanu va Isalele, mukwambulula Vin̄anda Vyavivwa vya kwoloka ali Yesu Kilistu, ikeye Mwene wa vanu voshe.

Vilinga vya Miluwa 15:9

Co kamwesele kaangu akati ketu na vakevo, oloni wavasambesele ku vivi vyavo omwo vakulaelele.

Vilinga vya Miluwa 18:1

Munima ya vyuma evi, Paulu watundile mu Atena waile ku Kolinte.

Vilinga vya Miluwa 22:16

Co ololo, vikajo uvandamena? Katuka ngeci vakumbwitike, co vivi vyove vavikushe akulombela kuli ikeye.’

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

Vilinga vya Miluwa 9:13

Oloni Ananiyasi wakumbulwile ngwendi, “Mwene, vanu vavangi vananjileka vyowo munalume na vyuma vyavingi vyavikalu vyanalingi ku vanu vove mu Yelusalema.

Vilinga vya Miluwa 9:14

Co naija lalo kuno ku Ndamasiku na moko yakutunda kuli vakulunu va vaka-kukombelela mukukwata voshe vaje vakulemesa.”

Vilinga vya Miluwa 9:21

Co voshe vaje vamuzivukile valikomokelele, co vehwile ngwavo, “Kuma ou kesi uje munalume wakele mu Yelusalema uje wakele nakutsiya voshe vaje valemesele Yesu ndi? Co kuma kezile kuno mukukwata vaka-kukulaela ngeci avatwale kuli vakulunu va vaka-kukombelela ndi?”

Loma 1:7

Ngecivene, njilinakusonekela kuli yeni voshe muli mu Loma vaje vaazema Njambi nakumisana ngeci mupwe mu vanu vendi. Njambi Tatetu na Mwene Yesu Kilistu vamyane kutetela na kwoloka.

Loma 10:12

Omwo eci cinendeka a vanu voshe, omwo kukwesi kwangula akati ka vaYunda na vaje kesi vaYunda, Njambi napu umo Shukulu Kalunga wa voshe, ikeye akavezikisa voshe vaje vatambeka kuli ikeye.

Loma 3:22

Njambi alingisa vanu ngeci vapwe vaka-vushunga akukulaela kwavo kuli Yesu Kilistu. Njambi alinga eci kuli voshe vaje vakulaela kuli Kilistu, omwo kumwesi kaangu kai,

Loma 8:28

Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

1 Kolinte 10:32

Yoya mu ngila ije kuyasa kwana vukalu nambe kuli vaYunda nambe kuli vaje kesi vaYunda nambe ku cikungulukilo ca Njambi.

1 Kolinte 12:27

Yeni voshe munapu muvila wa Kilistu, co munu na munu napu cilyo ca muvila ou.

1 Kolinte 8:6

oloni kuli yetu kwali Njambi umolika, Tatetu, ikeye Ishamatanga wa vyuma vyoshe, muli ikeye mukemwo mutuli nakuyoyela, co kuli Mwene umolika, Yesu Kilistu, muli ikeye vyuma vyoshe vavitangele, co muli ikeye mukemwo mutuli nakuyoyela.

2 Kolinte 1:1

Mukanda wakutunda kuli yange Paulu, muluwa wa Kilistu Yesu ku cizango ca Njambi, unatundu lalo kuli Timateo ndolome yetu. Tulinakusonekela ku cikungulukilo ca Njambi cili mu Kolinte, na kuli vanu va Njambi voshe vali mu Akaya.

2 Kolinte 4:5

Omwo kesi ngwe yetu tulyambulula yetu vavenya embwe, oloni tulinakwambulula Yesu Kilistu ikeye Mwene, co netu tunapu tu vangamba veni a lizina lya Yesu.

Ngalatiya 1:2

Vakwetu voshe njilinavo kuno tulinakutuma viindu ku vikungulukilo vya mu Ngalatiya ngwetu,

Efeso 5:26

Walingile eci mukukundika cikungulukilo kuli Njambi na lijwi lyendi, anima yakucijelesa akucijwelesa mu mema,

1 Tesalonika 1:1

Mukanda wakutunda kuli yange Paulu na Silasi na Timateo. Kuli vanu va cikungulukilo ca mu Tesalonika, vaje vanakundama kuli Njambi Tate na Mwene Yesu Kilistu. Kutetela na kwoloka vikale neni.

1 Tesalonika 4:7

Omwo Njambi katusanene ngeci tuyoye mu vupangala embwe, oloni mukujela.

2 Tesalonika 1:1

Mukanda wakutunda kuli Paulu na Silase na Timateo. Kuli vanu va ku cikungulukilo ca mu Tesalonika, vaje vanakundama kuli Njambi Tatetu na Mwene Yesu Kilistu.

1 Timateo 2:8

Yange njishaka vanalume ngeci valombele, vanalume vaje vanalyana kuli Njambi, co vasa kujundula mavoko avo kwilu nakulomba kujeneka kuluvala nambe vimata.

1 Timateo 3:15

Oloni nga njishwala, ou mukanda ukewo wakumileka ngeci muzivuke vati futisi yetu inapande kupwa ku vanu mu naanga ya Njambi, ikeyo cikungulukilo ca Njambi wakuyoya, manda na vwimaneno vwa vushunga.

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

2 Timateo 2:22

Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela.

VaHevelu 10:10

Omwo Yesu Kilistu walingile vije vyashakele Njambi ngeci avilinge, yetu voshe tunajele ku vuvi a n̄ombelo ije yalingile ya muvila wendi vavenya, wailingile lumo lika.

VaHevelu 13:12

Mu cifwa cije vene lalo Yesu watsililile anja ya cikolo ca nganda, mukusambesa vuvi vwa vanu na maninga endi.

VaHevelu 2:11

Ikeye ajelesa vanu ku vuvi vwavo, co ikeye na vaje vanajelesa voshe vali na lshavo umolika. Ngeci Yesu kesi na shwamwa yakuvatumbula ngwendi vasamba vendi.

Yunda 1:1

Mukanda wakutunda kuli Yunda, ngamba ya Yesu Kilistu, ikeye lalo ndolome ya Yakomba. Kuli vaje vavanasana kuli Njambi, vaje vayoya mu cizemo ca Njambi Tate namukunyunga kwa Yesu Kilistu.

Kujombolola 19:16

A cikoveyo cendi cacilaja na a myanja yendi vasonekeleo lizina ngwavo, “Mwene ya vimyene na Shukulu ya vashukulu.”