1 Kolinte 1:12 - Livulu lya Shukulu Kalunga

¹² Njilinakulumbununa ngwange, akati keni munu na munu alinakwendeka vyuma vyakulyangunuka. Umo endeka ngwendi, “Yange nji muka-Paulu”, mukwavo ngwendi, “Yange nji muka-Apolo”, weka ngwendi, “Yange nji muka-Petulu”, co weka ngwendi, “Yange nji muka-Kilistu.”

1 Kolinte 1:12 Iomraidhean Croise

1 Vimyene 16:21

Co vanu va Isalele valipangele, vamo vashakele Timbeni muna Nginate apwe mwene, oloni vakwavo vashakele Omeli.

Mateo 23:8

Oloni yeni kuvapandele kumitumbula ngwavo, ‘Mulongisi,’ omwo yeni muli na mulongisi weni umolika, co yeni voshe munapu vasamba kuli umo na mukwavo.

Yowano 1:42

Asinoni Anduleo watwalele Simoni kuli Yesu. Yesu wamukengele, co wendekele nendi ngwendi, “Lizina lyove yove Simoni muna Yowano, oloni vakakutumbula Kefase.” (Eli linalifu mumolika na Petulu, co lilumbunuka ngwalyo “Limanya.”)

Vilinga vya Miluwa 18:24

A simbu ije kaYunda umo lizina lyendi Apolo uje wasemukilile mu Alekizandiliya wezile ku Efeso. Wapwile munu wakwendeka mwamuvwa, co wakele na mana akulumbununa Visoneka.

Vilinga vya Miluwa 19:1

Omo Apolo wakele mu Kolinte, Paulu wendele mu mutambela wa lifuti lije, co wetele mu Efeso. Kuje wawaneneko vandongisi vamo,

1 Kolinte 1:11

Omwo vanu vamo va ku naanga ya Koloe vananjileka ngwavo akati keni vavusamba vange ali vimata.

1 Kolinte 15:5

washolokele kuli Petulu, co asinoni kuli vaje miluwa likumi na vavali.

1 Kolinte 15:50

Eci njilumbununa, vavusamba vange, cikeco eci ngwange cije cinatundu ku situ na maninga kucasa kukovela mu Vumwene vwa Njambi, co cije cakuvola kucasa kuswana cije cakujeneka kuvola.

1 Kolinte 16:12

Co ololo ali ndolome yetu Apolo. Visimbu vyavingi njikamusindiya ngeci aije amo na vaka-kukulalela veka nakumisikamesa, oloni ikeye kayongwele ngeci napande kwija a simbu ino. Oloni omo awana simbu, aija.

1 Kolinte 4:6

Omwo ali yeni, vavusamba vange, vyuma evi njinavyetesa kuli Apolo na kuli yange vavenya, mukupangesa yetu tuvavali ngwe cimweso, ngeci mulilongese muvinalumbunukila vyendeka evi ngwavyo, “Nyungeni mashiko amavwa.” Naumo wai akalyalesela ali munu umo nakushaula mukwavo.

1 Kolinte 7:29

Evi vyalumbunuka ngeci, vavusamba vange, kukwesi simbu yakama yasalako, co kutunda a simbu ino kutwala kulutwe vaka-kwambata vanapande kuyoya ngwe kesi kuvesi na vanakazi,

1 Kolinte 9:5

Kuma kunjesi na moko yakulinga vije vivalinakulinga vakwetu miluwa na vandolome va Mwene na Petulu kuya amo na munakazi wa muka-Yesu mu mangenzi ange ndi?

2 Kolinte 10:7

Yeni mulinakumona vyuma ngwe muvinafu ku mutambela wa anja. Kuma kuli munu umo alinakulimona vavenya ngwendi nakundama kuli Kilistu ndi? Eyo, mweseleni aliyongole vavenya lalo, omwo netu lalo tunapu vanu va Kilistu ngwe muje mwanafu ikeye.

2 Kolinte 9:6

Anukeni eci, munu uje akuna vimbuto vyavindondo akawana lalo vyavindondo, co uje akuna vyavingi akawana lalo vyavingi.

Ngalatiya 2:9

Yakomba, Petulu na Yowano, vaje vapwile vantwama, vamwene ngeci Njambi nanjana vipangi evi vyavivwa, co vatukwatele mu mavoko yange na Mbanambasa, kupwa cimweso ngeci yetu voshe twapwile vaka-kupangela amo. Twalizivasanene ngeci Mbanambasa nange tuye kuli vaje kesi vaYunda, co vakevo vaye kuli vaYunda.

Ngalatiya 3:17

Evi vikevyo njinayongola, Njambi walingile lizivasano na Avilahama nakumukulaesa kulinyunga. Mashiko, aje avanene omo kwetile myaka 430, kuwasa kupokola lije lizivasano nakuzimangana cikulaeso ca Njambi.