1 Kolinte 1:10 - Livulu lya Shukulu Kalunga

¹⁰ Njimilambelela vavusamba vange, na moko ya Mwene yetu Yesu Kilistu ngwange, lizivasaneni mu vyoshe vimwendeka, ngeci kesi kukakale kulyangunuka akati keni. Oloni litomboleni mwamuvwa, na viyongola vimo na cizango cimo.

1 Kolinte 1:10 Iomraidhean Croise

Myaso 133:1

Kengeni muvwapwa vuvwa nakuvwaelela omo vanu va Njambi vakala amo na mbunge imo.

Njelemiya 32:39

Njikavana ciyongola cimo mukuyoya kwavo, mukunjisingimika simbu yoshe, omwo a vuvwa vwavo, na a vuvwa vwa vatekulwila vavo.

Mateo 9:16

“Naumo wai atongela citopeko ca nanga yaiha a kazaku kalaja, omwo cije citopeko caciha citavula nanga yalaja, co cikaseza mbengwa yakama.

Mako 2:21

“Naumo wai atongela citopeko ca nanga yaiha a kazaku kalaja, omwo cije citopeko caciha citavula nanga yalaja, co cikaseza mbengwa yakama.

Mako 3:24

Nga vumwene vulyangunuka mu vimunga vije vililwisa akati kavyo, vumwene vuje vukanyonga.

Yowano 10:19

Kwakele lalo kulyangunuka akati ka vanu omwo majwi awa.

Yowano 17:23

yange muli vakevo nove muli yange, ngeci vapwe vamutunu, ngeci vaka-kaye vazivuke ngwavo kuma yove wanjitumine, co uvazema ngwe omo wanjizema.

Yowano 7:43

Ngecivene, akele kulyangunuka akati ka mbunga ije omwo ali Yesu.

Yowano 9:16

VaFaliseo vamo vendekele ngwavo, “Munu ou nalingi eci katundile kuli Njambi, omwo kononokele Litangwa Lyakuhwima.” Oloni vamo ngwavo, “Muka-vuvi asa kulinga vati vizivukiso ngeci evi?” Co valipangele akati kavo.

Vilinga vya Miluwa 4:32

Mbunga ya vaka-kukulaela vakele na mbunge imolika na viyongola vimolika, naumo wai watumbwile vyuma vyendi vije vyafukile kupwa vyendi, oloni valipangezelele vyoshe vyavo vije vivakele navyo.

Loma 1:13

Vakwetu, munapande kwanuka ngweni visimbu vyavingi njakele na vutumbe vwakwija oko nakumisikamesa, oloni kuli cuma cimo cinanjivindika. Njishaka kukoka vanu akati keni, ngwe munjinalingi akati ka vaje kesi vaYunda.

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

Loma 12:16

Yoyeni mulizivasano umo na mukwavo. Kesi mulyalese, oloni likeeseni mu vipangi. Kesi muliyongole yeni vavenya ngwe munapu vaka-kunyanyama.

Loma 15:30

Njimilambelela vakwetu, ali Mwene yetu Yesu Kilistu na a cizemo ca Munzinzime ngwange, likumbasaneni amo nange mukunjilombelela manene kuli Njambi.

Loma 16:17

Njimilambelela vakwetu ngwange, nyanyameni kuli vaje vanena kulyangunuka nakutanganesa kukulaela kwa vanu nakulwisa vilongesa vije vimwatambwile. Vashondolokeni!

1 Kolinte 1:11

Omwo vanu vamo va ku naanga ya Koloe vananjileka ngwavo akati keni vavusamba vange ali vimata.

1 Kolinte 11:18

Omwo akulivanga, vananjileka ngwavo mu vikungulukilo vyeni muli vimunga vyakulitepa-tepa, co njakulaela eci cinapu ca vushunga vene.

1 Kolinte 12:25

Co kukwesi kutepesa mu muvila, oloni cilyo cimo na cimo cili na cishota-mbunge ku cilyo cikwavo.

1 Kolinte 3:3

omwo mucili nakuyoya ngwe vaka-kaye kano. Omwo akati keni ali lifuwa, co mulinakulizunga umo na mukwavo, kuma eci kucimwesa ngeci munapu vaka-kaye kano nakuyoya ngwe ku futisi ya kaye ndi?

1 Kolinte 4:16

Njimilomba ngeci munjitembunwine.

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

2 Kolinte 13:11

Akumanesa, vakwetu, saleniho! Kakateyeni kulumbunuka, tolilileni kukulambela kwange, kaleni na mbunge imo, kaleni mu kwoloka. Co Njambi muka-cizemo na kwoloka akakala amo neni.

2 Kolinte 13:9

Tulinakuvwaelela omwo tunazeya, oloni yeni muli na nzili. Ngecivene, tulinakumilombelela lalo ngeci mupwe vakulumbunuka.

2 Kolinte 5:20

Ngecivene, omo tuli ano, tulinakwendeka vya Kilistu, ngwe ikeye vavenya Njambi alinakumilanya ali yetu. Tulinakumilambelela ali Kilistu ngwetu, lyambeni na Njambi!

2 Kolinte 6:1

Ngecivene, njimilomba ngwange, mu vipangi vyetu vyakupanga amo na Njambi, yeni munatambula mema ku mbunge a Njambi, co kesi muvyecelele ngwe vyangoco.

Ngalatiya 4:12

Njamilombo, vakwetu, pweni ngwe yange. Omwo yange njinapu ngwe yeni. Yeni kumwalingile cuma cimo cacivi kuli yange cai.

Filipu 1:27

Ngecivene, cuma cakama manene eci, myonyo yeni iyoye ngwe muushaka muzimbu wauvwa wa Kilistu, ngeci nambe njasa kwija nakumimona nambe embwe, njakuziva ngeci munemana mbe a vutumbe vuno, co na cizango cimolika mulinakulwa amolika akukulaela a muzimbu wauvwa.

Filipu 3:16

Nameme ngoco, oloni tuyeni kulutwe ngwe ku mashiko aje tunakavangeya kweta ku lelo.

1 Tesalonika 5:13

Pangeni navo na kasingimiko kakama na cizemo, omwo a vipangi vije valinakulinga. Pweni vaka-kwoloka akati keni.

2 Tesalonika 2:1

Ngwe akwija kwa Mwene yetu Yesu Kilistu naakukunguluka kwetu amolika na ikeye, njilinakumilomba, vasamba vange ngwange,

1 Timateo 5:21

Ku mesho a Njambi na ku mesho a Kilistu Yesu na ku mesho a tungelo vakujela njilinakukushika ngwange unapande kwononoka vilongesa evi kujeneka kumwesa cizemo kuli umo na civembulu kuli mukwavo, nambe kesi usompe na cin̄asi ali umo a cuma cimo yove ulinakucilinga.

2 Timateo 4:1

Ku mesho a Njambi na Kilistu Yesu, uje akasompa vaka-kuyoya na vatsi, co omwo alinakwija mukushwana kupwa Mwene, njikushika ngwange

Yoshwa 22:15

Vezile ku lifuti lya Ngilyande, kuli vanu va Luvena, na Ngande, na litambelo lya Manase wa mu Ngangela, vendekeleleko mbunga yoshe ya Shukulu Kalunga ngwavo,

1 Petulu 2:11

Vasamba vange, njilinakumilambelela, ngwe vangenzi na vaka-kwendangana mu kaye kano! Kesi mutave ku mashungu a ku muvila, aje simbu yoshe alinakulwa nzita na myonyo yeni.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.