TAITUUSI 3:8 - Mampruli

⁸ Yɛligu wa nyɛ la yɛlimaŋni ka i nin toaai n‑niŋi ka yɛdda. M boori la i wulisiri yɛla wa zaa ni nimbirimoaa. Ka lala zugu nin kyɛ ka ninvugseeba ban pun niŋi Naawunni yɛdda la kur nin teesiri tunsuma tumpu yɛla saha kam. Dama lala nin suŋŋi niriba ka niŋi sɔkam zaa anfaani.

TAITUUSI 3:8 Iomraidhean Croise

MATIYU 20:4

Tɔ, ka u daa yɛli ba, ni, ba gba kyɛma nti tum u tuma maa, ka u ti yɔ ba din tuusi.

GYƆNI 12:44

Yisa mun daa tasi pampam n‑yɛli, ni, “Sɔkam n niŋni ma yɛdda, pa mani ka u niŋi yɛdda maa, amaa Sɔ ŋɔn daa tum ma na la ka u niŋna.

GYƆNI 5:24

Ni, “Yɛlimaŋni ka n yɛtti ya wa, ni, ŋɔn kam zaa wum n yɛttɔ'a wa ka niŋi ŋɔn tum ma na maa yɛdda, di daama mari nyɔvuriseaa kan ka naari. Ba bu ti yɛ kari u sariya, amaa u pun yi kum ni n‑kpɛ nyɔvuri ni.

TUUMUDIMA TUMA 12:15

Ka ba daa yɛli u, “Gyɛrigu wa!”, amaa u daa kur tɔ'asiri ni nimmoaa, ni, di nyɛ la yɛlimaŋni. Ka ba daa labsi n‑yɛli u “U malaaka n nyɛ u.”

ROOM DIMA 4:5

Amaa ŋɔn bɛ ni u yɛdda zugu la, ka pa u tuma zugu, dama u niŋni Naawunni yɛdda, ni, u nyɛ la sɔ ŋɔn zaŋŋni tumbeeri daana taalli yɛla zaa m‑pɛŋŋni u, di daama mun yɛttɔ'a maa ni ka ba ‘yɛli, ni, u nyɛ la yɛlimaŋni daana’.

II KƆRINTI DIMA 4:13

Di sɔbi n‑dooli, ni, “N daa niŋi yɛdda; dizugu ka n daa tɔ'asi.” Tɔ, ka tirima gba niŋi yɛdda, ka lala zugu ka ti tɔ'asira.

ƐFƐSUSI DIMA 4:28

Ŋɔn yi zuuri zaa kyɛli zuubu ka zaŋŋi u nuusi n‑tumni tunsuma: di nin kyɛ ka u mari bunseesi ka u nin toaai n‑zaŋŋi n‑suŋŋi ban kɔŋŋni la.

I TIMƆTI 1:15

Yɛttɔkku wa nyɛ la yɛlimaŋni, ka sumni ni nira deaai ka zaa; ni, Yisa Kirisita daa kyɛ duniya wa na ni u ti tuligi tumbeeri dima. Man muna n nyɛ ŋɔn tum tumbeeri wa n‑gaari sɔkam.

I TIMƆTI 2:8

M boori la dɔppa ban bɛ lugri kam zaa n nyɛ Naawunni niriba maa ti wukki ba nuusi saazugu m‑puusiri Naawunni, ka sufugyeaa bee nangbankpeemni ŋmeebu ka di puuni.

I TIMƆTI 5:10

See ka sɔkam mi u tunsuma yɛla - tunsuma wa nyɛ la: u wulisi u biisi suŋŋa, n‑deaari saamma, n‑tumni n‑tiri Yisa nyaandɔliba, n‑suŋŋni ban bɛ wahala ni, ka zaŋŋi u maŋŋa zaa n‑tum la tunsuma balibu kam.

II TIMƆTI 1:12

Ka lala zugu ka n diri wahala wa. Amaa vi bu mari ma, dama n mi man ŋɔn niŋi sɔ yɛdda, ka mi, ni, u nin toaai mari bunseelli man ŋɔn zaŋŋi n‑niŋi u nuu ni la, halli nti paai Zaadaari.

TAITUUSI 1:9

Di laa n‑niŋi kamaata ka u mari Naawunni yɛligu din nyɛ yɛlimaŋni maa kirikiri, hoo ban daa wulisi ti seem la. Lala zugu nin kyɛ ka u nin toaai n‑kpamsi u taaba ka wulisi ba yɛm ni alaafɛ sɔya ŋɔn bɛ seem; ka dinŋɔna u nin wulisi ban kyiisiri ti yɛla ba buriginsim ŋɔn nyɛ seelli.

TAITUUSI 2:14

Ŋɔn Yisa n daa zaŋŋi u nyɔvuri n‑tisi, ni u yɔlisi tirima ni ti ti leebi u toori niriba maa. Ka u laa n‑yiisi ti tumbeeri kam zaa ni, ka nyeesi ti ka ti leebi kasi, ka ti sufu kur nin boori la ti tumni din veela.

TAITUUSI 2:7

Bunseelli kam zaasa puuni i maŋtoori tunveela nin wulisi ba din sum ni ba bɛ seem. I yi wulisiri ba, nyin zaanma deede; ka kyɛ ka i nini m moaai

TAITUUSI 3:1

Teaama i niriba n‑yɛtti ba, ni, ba kyɛ ka ba sufu bɛ nadima ni, ni ba tinkpamma ni, ka wumni ba noori yɛligu ka tumni tunsuma saha kam zaa.

TAITUUSI 3:14

Kur kyɛ ka ti niriba maa ti bamsi tunsuma nimmoaa tumpu, ni ba ti ku ba dabsa zaa bukaata ka ku kpalim m‑bɛ yɔri.

FAILIIMƆN 1:11

Ŋɔn Ɔneesima yuuri maa gbinni nyɛ la ‘anfaani’, amaa u daa ka anfaani n‑ti i; ŋɔn mun yi niŋi tuuba wa, u mari la anfaani n‑tiri mani ni nyini zaa.

HIBRUU DIMA 10:24

Ya kyɛ ka ti sufu bɛ taaba yɛla ni, n‑suŋŋni taaba ni ti zaa kyaŋŋi tooni n‑wuri niriba ka tumni tunsuma.

I PIITA 1:21

Naawunni daa neaai u kum ni, ka ti u gyirima. Ŋɔnŋɔ zugu ka ya niŋni Naawunni yɛdda, ka ya kur kyɛ ka ya yɛdda niŋbu ni ya tama zaa bɛ la Naawunni saani.