TAITUUSI 3:7 - Mampruli

⁷ U daa niŋi lala ni u ti deaai ti hoo yɛlimaŋni dima u lala wurilim piini la zugu, ka kyɛ ka ti nin mari tama, ni, ti siri nin di nyɔvuri kan ka tɔriga hoo ti faari tɔrli.

TAITUUSI 3:7 Iomraidhean Croise

MATIYU 25:34

Di saha maa ka Naa maa nin ti tɔ'asi n‑ti baseeba ban zɛ u nudirigu zii la n‑yɛli, ni, ‘Ya kyɛm na, yan zugsuŋŋu daandima wa, m Ba saani! Ya ti deaai naam maa, dama ba daa pun maali ka siri ni ka ti nyɛ ya dinni, halli duniya wa piiligu saha.

MAAKI 10:17

Ka Yisa ŋɔn daa ya n‑kyaŋŋi u kyɛnni maa yaasa, dɔsɔ n daa zɔ n‑kyɛ u saani na nti gbaani u tooni ka boosi u, ni, “N Karimbasuŋŋu! N ya niŋi la wula n‑nya nyɔvuri kan ka naari?”

ROOM DIMA 11:6

Ka di yi nyɛ la piini maa zugu ŋɔna, di bu laa n‑dɔli la tunsuma tumpu. Di yi pa lala, kyɛ-m‑pɛŋŋi piini maa naa n‑ku nyɛ piini.

ROOM DIMA 3:24

Ka Naawunni ŋɔn tisiri ba piini yɔri, samni ka ni, la zugu, u yiisi ba taalli ni, ka zaali ba yɛlimaŋni, Kirisita Yisa ŋɔn fa ba m‑basi zugu.

ROOM DIMA 3:28

Dinŋɔna ti mari teesa, ni, niriba bɛ la yɛlimaŋni dima ba yɛdda niŋbu zugu; di pa la zaaligu la tuma zugu ka ba nya yɛlimaŋni.

ROOM DIMA 4:16

Nangbambasiri maa daa kyɛ na la yɛdda zugu, ka ka zɛ la deede, ni ka ti leebi piini n‑tiri Ibrahim nyaaŋŋa zaa, pa la seeba ban dɔli zaaligu la kɔkɔa, amaa ni seeba ban niŋni yɛdda hoo Ibrahim gba. Ka ŋɔn Ibrahim nyɛ la ti zaa ba.

ROOM DIMA 4:4

Nira ŋɔn tumni maa, see ka u deaai u yoori: u tuma samni dɔli la u tuma daana la: di pa la ba ‘yɛli’, ni, ba nin zaŋŋi n‑ti u piini.

ROOM DIMA 8:17

Tɔ, ka ti yi nyɛ la Naawunni biisi, ti laa n‑nyɛ la u faari dittiba. Ti nin di faari Naawunni saani, halli tin ni Kirisita nin la'am n‑di ka. Tin ni ŋɔn yi siri ti la'am n‑di u wahala, dinŋɔna ti ya la'amni n‑nya u gyirima gba.

I KƆRINTI DIMA 6:11

Ya seeba mun daa bɛ la lala. Amaa ya daa nya koom suubu; ba daa kyɛ ka ya leebi Naawunni niriba kasikasi; ba daa deaai ya, ni, yɛlimaŋni dima, ti Dugma Yisa Kirisita Masiiya yuuri zugu, ni ti Ba Naawunni Vuusim Kasi la saani.

GALƐSEAA DIMA 2:16

Ti baŋŋiya, ni, nira m bɛ yɛlimaŋni daana Naawunni tooni la ŋɔn kur niŋi Yisa Masiiya yɛdda zugu, ka pa la fukumsi zaalikpana ŋɔn wulisi seem dɔligu zugu. Ka dizugu ti niŋi Kirisita Yisa yɛdda, ni ti leebi la yɛlimaŋni dima lala yɛdda zugu, pa zaalikpana dɔligu zugu: dama sɔsɔ ku toaai m‑bɛ yɛlimaŋni daana kasikasi, zaalikpana dɔligu zugu.

GALƐSEAA DIMA 3:29

Ya yi nyɛ la Kirisita ŋɔn su seeba, tɔ, ka dinzugu ya nyɛ la Ibrahim nyaaŋŋa dima, ka ya nin ti deaai Naawunni ŋɔn daa basi nangbambasiseesi maa.

GALƐSEAA DIMA 4:7

Ka dinzugu pampaŋŋɔ i laa m‑pa la u daabri amaa u biiya. Ka nyin ŋɔn nyɛ u bii maa zugu, Naawunni nin zaŋŋi ŋɔn mari bunseela ni u tisi u biisi la n‑ti i.

II TƐSALƆNIKA DIMA 2:16

Ti Dugma Yisa Masiiya mammaŋŋa kpamsima ya sufu, ŋɔn ni Naawunni ti Ba zaa, dama Naawunni wuri ti, halli nti tisi ti sufudoaa din ka naari, ni tama suŋŋu wa. Ka ti Dugma Yisa ni ti Ba Naawunni nin laa n‑kpaŋŋi ya, ya tunsuma ni ya yɛttɔ'asuma kam zaa ni.

TAITUUSI 1:2

Naawunni n daa daŋŋi m‑basi ti nangbambasiri zaŋŋi n‑kyaŋŋi nyɔvuri kan ka baasigu la pɔi ka duniya naayi piili. Ka lala nyɔvuri tama zugu ka ti mari ti yɛdda ni bamsim maa n‑zɛ yummu.

TAITUUSI 2:11

Dama Naawunni n siri wulisi u wurilim paalu ni, ni, u piinisuma zugu ka sɔkam nin toaai n‑nya tuliginsim.

TAITUUSI 2:13

Ti niŋma dinŋɔ ka guusiri ti tama paalu yiibu na - Yisa Masiiya ŋɔn ti ya zaŋŋi u gyirima n‑yi paalu ni na nla, ka u nyɛ la ti Naawuntitaari, ni ti Tuligra.

HIBRUU DIMA 1:14

Di zugu malaakadima maa yi dee nyɛ la bɔa? - Ba nyɛ la siseeba ban gyeemni Naawunni ka laa n‑nyɛ ŋɔn Naawunni ŋɔn tumni seeba ka ba ti suŋŋni u niriba - ninvugseeba ban ti ya nya tiliginsim.

HIBRUU DIMA 11:7

Yɛdda zugu ka Nuhu daa sakki Naawunni kpaaŋŋu halli u nini daa na bu nya koom maa gba, ka daa kpaasi nyariŋŋu maa ka ka daa ti tiligi ŋɔn ni u yiri dima maa. Ka di zugu ba daa kari ninvugseeba ban daa bu niŋi yɛdda lala maa sariya yɛttɔ'a n‑lusi ba, ba yɛdda kaalinsi zugu. Ka ŋɔn Nuhu daa naayi di faari kan nyɛ la yɛlimaŋni yuuri kan yi yɛdda niŋbu ni na.

HIBRUU DIMA 11:9

Yɛdda zugu yaasa ka u daa gɔ n‑gɔ u faari tingbaŋŋu maa puuni, hoo saana bee sɔkyɛnna: u daa gbeeri la suga ni, ka Yisahaaku ni Yaakubu gba daa goori n‑gbeeri lala, halli ni Naawunni daa la'am ba Ibrahim saani m‑basi nangbambasiri, ni, u nin ti ba faari maa.

HIBRUU DIMA 6:17

Naawunni sufu ŋɔn daa ti bɛ ni, ni, u ti kyɛ ka Ibrahim nyaaŋŋa dima maa baŋŋi suŋŋasuŋŋa, ni, u sufu yuubu bɛ la nangbambasiri maa ni, ka di yɛla ku ti takki halli saha kan ka tariga; dizugu u daa zaŋŋi u nangbampɔri m‑pɔa.

GYEEMSI 2:5

N zɔsuma, ya wumma! Naawunni n daa yiisi duniya wa nɔndaandima ni ba ti niŋi u yɛdda, ka dizugu ba nyɛ la bundaandima u saani. Ba nin di faari nti su Naawunni naam beebu, hoo ŋɔn daa basi nangbambasiri n‑zaali ban wuri u la seem maa.

I PIITA 3:7

Ya pɔ'a daandima, see ka ya gba bɛ lala maa taabu: ya teesim pam zaŋŋi n‑kyaŋŋi yan ni ya pɔ'aba beesigu ziiya. Ya niŋni ba hoo ya suŋŋniba ban yaa bu paai, amaa ka yan ni ban nin la'am n‑di nyɔvuri hoo ya faari - di nyɛ la Naawunni piini zaa - Ŋɔn tiri ya bunseaa u wurilim zugu. Ka lala nin kyɛ ka seelli ku ta'ai ya wunsusigu.