TAITUUSI 3:5 - Mampruli

⁵ ti daa nya tuliginsim. Di daa pa la ti tunsuma zugu, amaa ŋɔn Naawunni daa zɔ ti namboo zugu. U daa zaŋŋi u Sii Kasi maa n‑niŋi ti ni, ka zaŋŋi u kɔsuŋŋu n‑su ti, nti peaai ti tumbeeri m‑basi, ni ti ti maali n‑dɔ'ai n‑nya nyɔvuri paalli.

TAITUUSI 3:5 Iomraidhean Croise

MATIYU 3:11

Ka daa laa n‑yɛli, ni, “Koom ka man mari n‑suuri ya wa, ni ya takki ya halibeoo ni ya teesibeeri tuma: amaa sɔ m bɛ n nyaaŋŋa n‑kyɛnni na, ŋɔn nin zaŋŋi Sii Kasi ni bugum n‑suuri ya. Ŋɔna n kpeem n‑gaari ma halli ka mani bu sumsi ni m kpikkri u namna n‑ti u gba.

LUUKI 1:50

Ka ban zɔri u la muna - Ban ka ŋɔn mun zɔri ba namboo saha kam.

LUUKI 1:54

U suŋŋi u daaba Izraɛli dima, Ka teaai ti yɛla n‑zɔ ti namboo;

LUUKI 1:72

Naawunni n daa pɔ noori n‑ti ti yaaba Ibrahim, Ni, u nin yiisi ti ti dindima nuusi ni, Ka kyɛ ka ti gyeemni u ka dabeem ka ti: Ka ti niŋi ninvugsuma m‑bɛ u tooni kasikasi, Halli ni ti nyɔvuri tɔriga. Dizugu ka u daa zɔ ti yaadima namboo, Ka daa bu tam u yɛlisuŋŋu ŋɔn nyɛ seem maa.

LUUKI 1:78

Dama Naawunni zɔ ti namboo pam. Ka u kyɛ ka neesim yi saazugu n‑kyɛ ti saani na,

ROOM DIMA 11:14

N teesiri, ni, di pa seem n Yɛhudiyataaba nin ti zabi nyuuri, ka lala nin kyɛ ka ba ninvugseeba ti nya fa-m‑basi.

ROOM DIMA 11:6

Ka di yi nyɛ la piini maa zugu ŋɔna, di bu laa n‑dɔli la tunsuma tumpu. Di yi pa lala, kyɛ-m‑pɛŋŋi piini maa naa n‑ku nyɛ piini.

ROOM DIMA 12:2

Yan di kyɛ ka duniya wa dima beesigu mugsi ya, ni ya gba bɛ la lala; amaa ya kyɛ ka ya beesigu takki n‑dɔli ya nini ŋɔn neaai n‑nya sɔpaalli la. Ya tumma Naawunni yuubu tuma nti baŋŋi a gbinni, ni, a veela ka laa n‑nyɛ bunsuma zaa ka Naawunni nini n tigri a.

ROOM DIMA 3:20

Din laa m‑paasi, ninsaala zaa ku toaai n‑dɔli zaaligu soori ka naayi yi Naawunni sariya karibu ni na, ni, yɛlimaŋni daana n nyɛ u. Dama zaaligu maa tuma nyɛ la lala: di kur kyɛ ka taalli yɛla yi paalu.

ROOM DIMA 3:28

Dinŋɔna ti mari teesa, ni, niriba bɛ la yɛlimaŋni dima ba yɛdda niŋbu zugu; di pa la zaaligu la tuma zugu ka ba nya yɛlimaŋni.

ROOM DIMA 4:5

Amaa ŋɔn bɛ ni u yɛdda zugu la, ka pa u tuma zugu, dama u niŋni Naawunni yɛdda, ni, u nyɛ la sɔ ŋɔn zaŋŋni tumbeeri daana taalli yɛla zaa m‑pɛŋŋni u, di daama mun yɛttɔ'a maa ni ka ba ‘yɛli, ni, u nyɛ la yɛlimaŋni daana’.

ROOM DIMA 9:11

Amaa u daa na bu dɔ'ai u gyeesi maa, ka di zugu u biisi wa na bu tum tunseelli zaa - bunsuŋŋu, bee, bumbeoo - ka lala saha ka Naawunni daa yɛli, ni, “Bikpeema la nin ti gyeemni u tunzɔ.” U daa niŋi lala ni u ti kyɛ ka ŋɔn Naawunni yuubu ti zɛ suŋŋa, dama u boori ni u ninvuggamsa yiiri na, pa ba tuma zugu, amaa ŋɔn Naawunni ŋɔn boonni ba la zugu.

ROOM DIMA 9:16

Dizugu di zaa pa la ninsaala yuubu, bee, ninsaala ŋɔn moori n‑tumni seem la zugu, amaa di bɛ la Naawunni nambɔzoaa maa zugu.

ROOM DIMA 9:30

Ka ti ya yɛli la wula yaasa? Ni, ban pa Yɛhudiyadima maa daa bu boori Naawunni yɛlimaŋni ziiya, amaa ba daa nya ka. Yɛdda zugu yɛlimaŋni beebu ziiya ka ba daa paai.

I KƆRINTI DIMA 6:11

Ya seeba mun daa bɛ la lala. Amaa ya daa nya koom suubu; ba daa kyɛ ka ya leebi Naawunni niriba kasikasi; ba daa deaai ya, ni, yɛlimaŋni dima, ti Dugma Yisa Kirisita Masiiya yuuri zugu, ni ti Ba Naawunni Vuusim Kasi la saani.

GALƐSEAA DIMA 2:16

Ti baŋŋiya, ni, nira m bɛ yɛlimaŋni daana Naawunni tooni la ŋɔn kur niŋi Yisa Masiiya yɛdda zugu, ka pa la fukumsi zaalikpana ŋɔn wulisi seem dɔligu zugu. Ka dizugu ti niŋi Kirisita Yisa yɛdda, ni ti leebi la yɛlimaŋni dima lala yɛdda zugu, pa zaalikpana dɔligu zugu: dama sɔsɔ ku toaai m‑bɛ yɛlimaŋni daana kasikasi, zaalikpana dɔligu zugu.

ƐFƐSUSI DIMA 2:4

Amaa Naawunni wurilim daa galisi ka u nambɔzɔrigu daa zoaai, ka u mari n‑ti ti.

ƐFƐSUSI DIMA 4:23

Ni, ka kyɛ ka ya teesa leebi teesipaala.

ƐFƐSUSI DIMA 5:26

U daa niŋi lala ni u ti kyɛ ka ba leebi Naawunni niriba kasikasi, ka su ba koom m‑peaai ba, yɛligu maa zugu.

KƆLOOSIDIMA 3:10

ka laa n‑yɛ kparipaalli, bunveelli. Ka beesipaalli wa mari yɛmpaalli ka di yi Naawunni ŋɔn naam ka maa saani na, ka kur ŋmanni la Ŋɔna.

II TIMƆTI 1:9

Ŋɔn Naawunni n daa tuligi ti ka booli ti, ni di kyɛ ka ti bɛ kasi. Di pa la ti tunsuma zugu, amaa di nyɛ la u mammaŋŋa ŋɔn daa pun gbaai seem: dama u daa daŋŋi n‑yiisi u bunsuma, ni u ya n‑zaŋŋi n‑ti ti Kirisita Yisa zugu pɔi, ka sahaseelli din daa pun gaari la daa na bu piili.

TAITUUSI 3:4

Amaa Naawunni ti tuligra ŋɔn daa ti wulisi u sufupeelli maa soori, ni u wurilim,

HIBRUU DIMA 10:22

Dizugu, ya kyɛ ka ti pɔri na n‑kpɛ Naawunni saani. Ti yi ya kpɛa, see ka ti sufu zɛ yummu, ka ti niŋi yɛdda ni yɛlimaŋni. Ya kyɛ ka ti sufu nyɛ sufuveela an bu galimni ti, dama ba pun zaŋŋi kɔsuŋŋu n‑su ti ningbina zaa, ka di ŋmani la hoo ban zaŋŋi ziim n‑niŋi ti, kaman zaalikurigu da'ari peaari soori ŋɔn daa nyɛ seem la.

HIBRUU DIMA 4:16

Dizugu ya kyɛ ka ti niŋi sufukpeemni n‑vuui m‑pɔri Naawunni naam ziziiya, dama ŋɔna n nyɛ alibarika daana ka tisiri u piinisuma yɔri. Lala nin kyɛ ka u zɔ ti namboo. Ka laa n‑niŋi ti alibarika din nin toaai n‑suŋŋi ti sahaseaa tin boori suŋŋsim zaa.

I PIITA 1:3

Kyɛ ka ti pɛ'ai Naawunni, ŋɔn nyɛ ti Dugma Yisa Kirisita Ba la, u namboo la zugu. Ŋɔn daa yisigi Yisa Kirisita kum ni la zugu, u daa yiisi nyɔvuri paalli na n‑ti ti. Ka lala zugu ti mari tama, ni, ti ti nya beesigu paalli ti kum nyaaŋŋa.

I PIITA 2:10

Ya yɛla gba ka u daa tɔ'asi, ni#:- “Sahanseaa sa la ya daa pa u niriba, Amaa pampaŋŋɔ ya yi nyɛ la Naawunni niriba. Sahanseaa sa maa Naawunni sugru daa ka ya ni, Amaa pampaŋŋɔ u sugru maa paai ya na.”

I PIITA 3:21

Tɔ, ka lala koom wulisi ya ya Naawunni kɔsuubu yɛla, din fa ya m‑basi seem. Di pa la ya su koom m‑peaai ya ningbina da'ari m‑basi, amaa ya ŋmaligi Naawunni saani ni u ti peaai ya sufu ni taalli m‑basi. Ka u niŋi lala Yisa Kirisita kum yisigri zugu.