TAITUUSI 3:2 - Mampruli

² Ka i laa n‑yɛli ba, ni, ba di sa'amni ba kpeaa yuuri, bee, m‑boori zaba; amaa ba mari nangbanyinni ni sɔkam zaa ka sigsiri ba mansi niriba zaa saani.

TAITUUSI 3:2 Iomraidhean Croise

MATIYU 11:29

Kyɛ ka man ni yarim la'am n‑tumna: di ŋmani la hoo nigi ayi ŋɔn darigri na'adoo seem, ya nin ti bamsi tuma man saani, dama ninvugmaŋni n nyɛ ma, ka laa m‑mari sufubaalim. Ya nin vuusi ni sufudoaa.

TUUMUDIMA TUMA 23:5

Ka u labsi n‑yɛli ba, “M mabiisi, ya gaafara! N da bu mi, ni, Gyeeŋŋu Toondaana n nyɛ u. Ba daa bu sɔbi lala, Naawunni yɛligu maa ni? Ni, ‘I di yɛli yɛttɔ'abeoo n‑tiri ŋɔn su i butiri fukumsi.’ ”

I KƆRINTI DIMA 6:10

ni na'ayigsi, ni beem dima, ni danyuuriba, ni minaafigsi, ni ban yɔmsiri niriba - banŋɔ sɔsɔ ku nya Naawunni naam; ba nuu ka lala faari maa yɛla ni, halli beela.

I KƆRINTI DIMA 9:19

Tɔ: ni man su n toori maa zaa, n sakki, ni, n leebi la daabri n‑ti sɔkam, ni lala ti kyɛ ka n nya niriba pam ka ba ti tuligi.

II KƆRINTI DIMA 10:1

Man, Pɔla, n‑sɔbri wa: ka n susiri ya, Kirisita sugru zugu, ni u nirilim zugu. Halli ban yɛtti n yɛla seem maa yɔri ka n susiri ya - dama ba yɛtti, ni, n yi bɛ ya saani n nyɛ la sɔ ŋɔn zɔri vi ni dabeem, amaa n yi ka ya saani muna m mari la sufukpeemni ni dablim.

II KƆRINTI DIMA 12:20

Dama n zɔri la dabeem, man ŋɔn teesi, ni, di yi pa seem n nin kyɛ na ka ku paai ya hoo man boori yan nyɛ seem la. Ka ya gba ku nya ma yan boori m bɛ seem maa. Ii, dabeem mari ma, ni, nangbankpeemni nin bɛ ni, ni nyuuri zappu, ni nyigbu, ni suuri, ni wɔligri, ni nyaanzum, ni galagala, ni karimbaani, ni basabasa zaa tuma an bu dɔli soori.

GALƐSEAA DIMA 5:22

Amaa Siiya Kasi beebu ni bɛ la hoo tiseaa kan wanni walisuma: wurilim, ni sufupeelim, ni sufudoaa n‑nyɛ a, m‑paasi sugru, ni nirilim, ni tunsuma tumpu, ni yɛdda niŋbu.

GALƐSEAA DIMA 6:1

M mabiisi, sɔ yi tumni taalli ka ya baŋŋi lala, see ka yarima ban mari Siiya Kasi maa nin zaŋŋi u n‑zaali n‑wulisi u din tu; amaa faasee ka ya niŋi lala maa baalimm baalimm. Nyin gɔsim i mammaŋŋa suŋŋa, din nin kyɛ ka nyin gba di kpɛ zamsigu puuni.

GALƐSEAA DIMA 6:10

Ka dinzugu, soori ŋɔn kur yoaai n‑ti ti maa zugu, faasee ka ti tumni suŋŋa n‑tiri sɔkam zaa, ka di mun di tam la ti yiri dima maa ban nyɛ yɛdda niŋniba la.

ƐFƐSUSI DIMA 4:2

Ya bɛ baalimm n‑sigsi ya mansi, m‑mari sugru ni taaba, ka kyɛri taaba taalli wurilim zugu.

ƐFƐSUSI DIMA 4:31

Ya yim putoo ni, ni sufu yisigri ni sufugyeaa zaa ni, ni yɛttɔ'abeeri ni nyaanzum ni; halli ya kyɛli yɛlibeeri zaa yɛla.

FILIPAAI DIMA 4:5

Ya kyɛ ka sɔkam baŋŋi ya nirilim ŋɔn nyɛ seem. Ti Dugma pɔri ti saani na.

I TƐSALƆNIKA DIMA 2:7

Halli ti daa mari soori ni ti toaai n‑susi bunseesi ya saani, tin nyɛ Masiiya tuumudima la zugu. Amaa ti daa nyɛ la ban bɛ baalimm ya saani, ka mari ya suŋŋa hoo pɔ'a ŋɔn dɔ'ai ŋɔn mari u bileaa seem la.

I TIMƆTI 3:11

Ka di laa m‑bɛ la lala pɔ'aba saani gba; di kpa la talasi ka ba mari beesisuŋŋu ka niriba tiri ba gyirima. Di bu sum ni ba nyɛ seeba ban zuuri niriba nyaaŋŋa, amaa ban gbaari ba mansi suŋŋa ka zɛ yummu bunseelikam zaa ni.

I TIMƆTI 3:3

Di bu sumni ni u nyɛ ŋɔn nyuuri daam m‑bugra, bee ŋɔn nyɛ zabboora; amaa di sumni ni u nyɛ la ŋɔn bɛ baalimm ka pa ŋɔn ŋmeeri nangbankpeemni, bee, ŋɔn sufu wuri ligri nti yakki.

GYEEMSI 3:17

Amaa yam din yi arizana ni na nyɛ la halaali; ka din pa dinŋɔ zugu nyɛ la din kpamsiri sufudoaa ni baalimm beebu. Lala yam kyɛ ka nira deaari wulisigu, ka laa n‑nyɛ din kyɛ ka u zɔri la namboo zaa, ka tumni la tunsuma zaasa. U nin zɛ yummu n‑niŋi yɛdda daana, ka ka birikɔnsi halli beela.

GYEEMSI 4:11

M mabiisi, yan di tɛrisiri taaba. Nira yi tɛrisiri u taraansɔ ŋɔn nyɛ Kirisita biiya, bee, u yi kari u sariya, u tɛrisiri Naawunni zaaligu ka katti zaaligu sariya. Tɔ, ka dinŋɔna i yi ti katti zaaligu sariya, i laa m‑pa ninvugsɔ ŋɔn deaai zaaligu maa n‑tumna, amaa i leebi la di sarikatta.

I PIITA 2:1

Ya yiisim din bu veela zaa m‑basi - yɔmsa, ni ziri, ni nyuuri, ni nangbammalisim.

I PIITA 3:10

Dama di sɔbi n‑dooli, ni#:- “Sɔkam ŋɔn nin wuri duniya wa beesigu Ni u ti nya dabsisuma - Di sumni u gbaai la u zilimni ka kyɛ yɛttɔ'abeoo, Ka u noori mun di mi ziri yɛla.

I PIITA 3:8

Dinŋɔ zaa nyaaŋŋa, ya zaa la'am m‑bɛ ni taaba suŋŋa. Ya zɔm taaba namboo. Ya wuri taaba hoo mabiitiri. Ya mari namboo ni taaba ka di duusiri ya mansi.

I PIITA 4:4

Di yi niŋi ba alahazibu pam, yan bu laa n‑la'amni ba saani m‑bɛ ban bɛ beesiseaa ni maa, kan nyɛ bumbeoo zaa maa zugu; ka ba tuuri ya di zugu.

II PIITA 2:10

Ka niriba wa seeba gaari ba zaa - di nyɛ la: baseeba ban zaŋŋi ba zikki zaa n‑niŋi ningbiŋŋu kɔrisi ni, ka za'asi kpamma nɔya wumpu. Lala niriba ba'a ka sɔsɔ yɛla ni, saazugu gyirima daandima ka ba bu zɔra, ka laa n‑tɔ'asiri yɛttɔ'abeeri ka zaŋŋi ba sufukpeemni n‑tuuri ba.

GYUUDA 1:10

Amaa niriba wa muna - ba yi bu baŋŋi bunseelli gbinni, kana ka ba tuura. Halli ba yi ti baŋŋi bunseesi, ba mari la yam hoo bunkɔbri ŋɔn mari seem m‑baŋŋi a, ka bamsim din bu tuusi wa mun kyɛ ka ba basi la yɔri.

GYUUDA 1:8

Tɔ, ka lala deede ka niriba wa zaasiri zaasibeeri, ka di zugu ba sa'amni la ba maŋtoori ningbina, ka za'asiri la fukumsi ka tuuri la gyirima daandima.