TAITUUSI 3:14 - Mampruli

¹⁴ Kur kyɛ ka ti niriba maa ti bamsi tunsuma nimmoaa tumpu, ni ba ti ku ba dabsa zaa bukaata ka ku kpalim m‑bɛ yɔri.

TAITUUSI 3:14 Iomraidhean Croise

MATIYU 21:19

Ka u daa gɔsi n‑nya ka kinkaŋŋa n zɛ sɔkpaŋŋa sa; ka u daa kyaŋŋi m‑paai ka ni, amaa ŋɔn daa ti paai tii maa na, u daa bu nya sɛseelli na'ala vaari kɔkɔa. Ka Yisa daa yɛli kinkaŋŋa maa, ni, “I ku laa n‑wali walli yaasa!” Ka tii maa daa gbirigi n‑kuui di saha maa.

MATIYU 7:19

Tiseelli kam kan bu wanni walisuma, ba nin ŋmaai ka m‑basi, ka zaŋŋi ka n‑niŋi bugum ni.

GYƆNI 15:16

Pa yarima n daa yiisi ma, amaa mani n daa yiisi ya, ka tum ya ni ya yima n‑wanni wala pam ka ya wala nin ti yuui. Ka lala zugu nin kyɛ ka ya yi boori seelli m Ba saani, man yuuri zugu, ŋɔn nin zaŋŋi n‑ti ya.

GYƆNI 15:8

M Ba yuuri nin nya pɛ'abu dinŋɔ zugu, ni, ya wanni la wala pam, ka ya leebi n nyaandɔliba.

TUUMUDIMA TUMA 18:3

ka naayi kpɛ ba yiri nti gbɛa; ka ŋɔn ni ban la'am n‑tumna, dama ba zaa daa seeri la gbana ni tantidima.

TUUMUDIMA TUMA 20:35

Ka n daa niŋi lala, ni n ti wulisi ya, ni, di sumni ni ya gba tumni lala ka di nin kyɛ ka ya nin toaai n‑suŋŋni ban ka yaa la. Yan di tam ti Dugma Yisa yɛligu la, ni, ‘piini tisibu mari anfaani n‑gaari piini deaari.’ ”

ROOM DIMA 12:13

Ya suŋŋma ya nyaandɔlitaaba ban bɛ wahala ni la, ka sɛ'asi n‑deaari saamma n‑kpeesiri ya yiya ni.

ROOM DIMA 15:28

Dizugu n yi tum dinŋɔ maa, n‑zaŋŋi ban bɔ seelli maa nti ti Gyɛrusalɛm dima maa n‑naai, n nin dɔli ya saani n‑gaari n‑kyaŋŋi n Sipeen la.

ƐFƐSUSI DIMA 4:28

Ŋɔn yi zuuri zaa kyɛli zuubu ka zaŋŋi u nuusi n‑tumni tunsuma: di nin kyɛ ka u mari bunseesi ka u nin toaai n‑zaŋŋi n‑suŋŋi ban kɔŋŋni la.

FILIPAAI DIMA 1:11

Di saha ka yɛlimaŋni tuma zaa nin paali ya, ka a taabu yi la Yisa Kirisita kɔkɔ saani na: di nin kyɛ ka pɛ'abu ni tibsim ti bɛ ni n‑tiri Naawunni.

FILIPAAI DIMA 4:16

Ya laa m‑mi yaasa, ni, ya daa ti ma suŋŋsim halli man ŋɔn daa bɛ Tɛsalɔnika tiŋŋa gba, ka di daa pa la yummu.

FILIPAAI DIMA 4:17

Di pa la m boori la piini, amaa n nya ka piini tisibu paasiri ya la nyoori.

KƆLOOSIDIMA 1:10

Ni, lala nin kyɛ ka ya bɛ beesisuŋŋu din sumsi ti Dugma niriba, ka kyɛnni tooni n‑wanni wala - di nyɛ la: yan tumni tunsuma zaa ka ya Naawunni bamsim gba zoaari sahakam.

I TƐSALƆNIKA DIMA 2:9

Ti mabiisi, ya teaama tin daa tumni seem la yɛla, halli ni ti yaa tɔriga, ni tin daa di wahala seem la. Ti daa kur tumni la wuntaŋŋa ni yuŋŋu, ni di kyɛ ka ti yɛla ku mugsi ya, ka ti toaai n‑yiisi lahabasuŋŋu kan yi Naawunni saani la n‑ti ya na.

II TƐSALƆNIKA DIMA 3:8

Ti daa bu di diseelli sɔ saani ka bu yɔ di samni. Amaa ti daa yi tumni ti tuma halli ka di wum ti; ti daa tumni la sahakam zaa, ni ti di ziili ya zitibsiri.

TAITUUSI 2:8

ni i yɛttɔ'a zaa bɛ suŋŋa ka sɔ ku toaai n‑galim i. Dinŋɔ nin kyɛ ka ban bu sakki i yɛligu maa di vi, dama ba ku nya yɛttɔ'abeoo ni ba ti zaŋŋi n‑galim ti beebu soori.

TAITUUSI 3:8

Yɛligu wa nyɛ la yɛlimaŋni ka i nin toaai n‑niŋi ka yɛdda. M boori la i wulisiri yɛla wa zaa ni nimbirimoaa. Ka lala zugu nin kyɛ ka ninvugseeba ban pun niŋi Naawunni yɛdda la kur nin teesiri tunsuma tumpu yɛla saha kam. Dama lala nin suŋŋi niriba ka niŋi sɔkam zaa anfaani.

II PIITA 1:8

Ya yi mari anŋɔ zaa ka a yi bɛ ya saani n‑zoaai, ya ku zi yɔri n‑ka bukaata; ya nin mi ti Dugma Yisa Kirisita ni yɛlimaŋni.