TAITUUSI 3:12 - Mampruli

¹² Tɔ: ka n gbaai la gbaari, ni, n nin kpalim m‑bɛ Nikɔpɔlisi tiŋŋa see ka waari saha ti naai: dizugu n yi ti tum Aritimasi bee Tikyikusi i saani na, nyin kpaŋŋma i maŋŋa ka kyaŋŋi ni i ti paai ma bɛni.

TAITUUSI 3:12 Iomraidhean Croise

TUUMUDIMA TUMA 20:4

Ninvugseeba ban daa dɔli u n‑kyaŋŋi la daa yi la u tuma tingbana zaa ni na; ba mun yuya nŋɔa: Pirusi bii Soopata la, sɔ ŋɔn daa yi Bɛriiya ni na; Arisitaakusi ni Sɛkundusi mun yi Tɛsalɔnika ni na; Gayusi mun yi Dɛribee ni - m‑paasi Timɔti zugu; Tikyikusi ni Tirɔfimusi mun yi Ɛseaa ni na.

I KƆRINTI DIMA 16:6

ka di bu ya'ai ka n niŋi dabsa ayi ya saani, bee, n nin kpalim ya saani halli ni waari saha ti naai. Lala ka ya nin nyaŋŋi n‑zaali ma soori ni, ni n ti kyaŋŋi n kyɛnni maa, di yi nyɛ Gyɛrusalɛm bee seela zaa.

ƐFƐSUSI DIMA 6:21

Tikyikusi nyɛ la m mabisuŋŋu, ka laa n‑nyɛ yɛdda daansɔ ŋɔn suŋŋni ma ti Dugma zugu, ka n wuri u pam. U yi ti paai ya na, u nin yɛli ya din bɛ ni maa zaa, ka ya gba baŋŋi n lahabaari - man ŋɔn nya seem la, ni man tumni seem maa zaa.

KƆLOOSIDIMA 4:7

Tɔ. Tikyikusi nin yɛli ya n lahabaya zaa. U nyɛ la ti mabisuŋŋu n‑suŋŋni ti, ka ti la'amni taaba n‑tumni n‑tiri ti Dugma.

II TIMƆTI 4:12

Man mun daa tum la Tikyikusi, ni u kyaŋŋi Ɛfɛsusi.

II TIMƆTI 4:21

Kpaŋŋma i maŋŋa n‑kyɛ na ka waari saha na bu piili. Yubulusi puusiri i ni, ŋɔn ni Pudɛnsi ni Linusi ni Klɔdiya, zaŋŋi n‑tabli ti mabiisi ban kpalim la zaa.

II TIMƆTI 4:9

Tɔ: ka kpaŋŋma i maŋŋa n‑kyɛ n saani na yoomyooma.