TAITUUSI 2:2 - Mampruli

² Wulisima ninvugkura la, ni, ba bɛ baalimm, ka ba beebu maa nin sum ni gyirima tisibu. Wulisima ba ka ba mari yɛddamaŋni ni wurilimmaŋni, ka kur kpalim n‑zɛ yummu, dama anŋɔ zaa tisiri alaafɛa.

TAITUUSI 2:2 Iomraidhean Croise

MAAKI 5:15

Ka niriba daa yi na ni ba ti nya yɛttɔ'aseaa kan niŋi maa. Ban daa paai na maa, ba daa nya arizindima ŋɔn yi ka kyɛ dɔsɔ la, ka u zi la suŋŋa ka yɛ u sutura ka yɛttɔ'aseaa ka u.

LUUKI 8:35

nti tisi lahabaari zaŋŋi n‑kyaŋŋi ban nya seem maa. Ka niriba pam daa siri yi na ni ba nya yɛttɔ'aseaa kan niŋi maa. Ban daa paai na, ba daa nya doo maa, ka arizimbeeri yi ka kyɛ u, ka u zi la Yisa tooni ka yɛ u sutura ka yɛttɔ'aseaa ka u. Di daa gbaai ba dabeem pam.

TUUMUDIMA TUMA 24:25

Amaa ŋɔn daa paai u kpaamni yɛla zaŋŋi n‑kyaŋŋi ninvugmaŋni tunsuma ŋɔn nyɛ seem la, ni mansɛ'asigu yɛla, ni Naawunni ŋɔn ya kari niriba sariya la, di saha ka dabeem daa gbaai Filiksi ka u daa yɛli, “Kyɛla ka kyaŋŋi pampaŋŋɔ! N yi ti nya dahama n nin booli i na yaasa.”

ROOM DIMA 12:3

Tɔ; Naawunni ŋɔn pun zaŋŋi u suŋŋsim piini n‑ti ma la zugu, n kpaamni ya zaa yinniyinni nŋɔa: ni, yan di gɔsi ya mammansi yɛla n‑teesi, ni, a veela, halli ka ya lala teesa gaari din siri nyɛ yɛlimaŋni maa. Ay! - Ya kyɛ ka ya teesa dɔli la yam maŋni, hoo Naawunni ŋɔn zaŋŋi yɛdda n‑ti ya sɔkam yinniyinni seem.

I KƆRINTI DIMA 15:34

Ya maalima n‑teesi yɛlimaŋni yɛla, ka di laa n‑tumni tumbeeri. Yaseeba bɛ ni m‑bu mi Naawunni yɛla. Ya vi yɛttɔ'a ka n yɛtti wa.

I KƆRINTI DIMA 9:25

Ŋɔn ya zɔ zoaa ni, bee, n‑ŋmɛ bɔla muna - ba zaa yi mugsiri la ba mansi ni nimmoaa m‑bamsiri deema maa. Ba niŋni la lala ni ba ti di n‑deaai yaanni kan bu yuura; tirima mun ya di seaa kan bu naara.

II KƆRINTI DIMA 5:13

Ni, yinyaari mari ti - tɔ, di yi bɛ la lala, di nyɛ la Naawunni zugu ka ti kɔŋŋi yɛm. Tin mun yi nyɛ ninvugmaŋa, di nyɛ la yarima zugu ka ti mari ninneesim.

GALƐSEAA DIMA 5:23

Niriba sigsiri ba mansi, ka mari ba mansi suŋŋa. Zaalisɛseaa ka ni n‑galimni yɛla wa taataabu.

FILIPAAI DIMA 4:8

Di naari, m mabiisi, ya kyɛ ka ya teesa zaa paali la ni bunseesi an nyɛ bunsuma, ni an sumni pɛ'abu - di nyɛ la: bunseesi an nyɛ yɛlimaŋni, ni bunveela, ni seesi an dɔli soori, m‑paasi niriba ŋɔn wuri bunseesi n‑tibgri a, ni seesi an mari gyirima.

I TƐSALƆNIKA DIMA 5:6

Dizugu di bu sum ni ti gbisira, hoo ninvugseeba ŋɔn niŋni seem la, amaa ya kyɛ ka ti neaai goom ni ka mari ti mansi suŋŋa.

I TƐSALƆNIKA DIMA 5:8

Amaa tirima n nyɛ wuntaŋŋa ni niriba: di zugu ya kyɛ ka ti mari ti maŋŋa. Ya kyɛ ka ti zaŋŋi yɛdda ni wurilim n‑leebi ti nyɔta'arigu m‑pa ti nyaari zugu, ka zaŋŋi ti tuliginsim tama n‑leebi tɔbtuusira kutti zupiliga la m‑pili.

I TIMƆTI 1:10

Zaŋŋi n‑tabli ban tumni ningbiŋŋu kɔrisi tuma, ni dɔppa ban doontiri dɔppa bee pɔ'aba ban doontiri pɔ'aba, ni ban zaŋŋni mugsigu n‑gbaasiri niriba, ni ziri ma'ariba, ni ban diri ziri sɛhara - banŋɔ zaa zugu ka Naawunni na zaali u zaaligu dima wa. A nyɛ la bankam niŋni din kyiisiri wulisimaŋni la zugu.

I TIMƆTI 1:14

Di saha maa ka ti Dugma daa zaŋŋi u wurilim piinisuma, an galisi nti yakki la, n‑ti ma; ka ti ma yɛdda ni wurilim din bɛ Yisa Masiiya ni la.

I TIMƆTI 1:2

N sɔbri ka n‑tiri nyini, Timɔti, m bimaŋni ti yɛdda niŋbu soori maa ni. Ti Ba Naawunni ni ti Dugma Yisa Kirisita nin zɔ i namboo ka niŋi bunsuma n‑niŋi i ni, ka ti i sufudoaa.

I TIMƆTI 1:5

Naawunni yuubu wa daliiri nyɛ la, ni, di kpamsi wurilim; wurilim mun yiiri sufu kasi ni na, ni sufu ni teesa an ka galiŋŋu, ni yɛddamaŋni niŋbu ni na.

I TIMƆTI 3:11

Ka di laa m‑bɛ la lala pɔ'aba saani gba; di kpa la talasi ka ba mari beesisuŋŋu ka niriba tiri ba gyirima. Di bu sum ni ba nyɛ seeba ban zuuri niriba nyaaŋŋa, amaa ban gbaari ba mansi suŋŋa ka zɛ yummu bunseelikam zaa ni.

I TIMƆTI 3:2

Ka di kpa la talasi ni Naawunni niriba toondaana bɛ la beesisuŋŋu ka ka galiŋŋu. Di sumni ni u mari la u pɔ'a yinni, ka laa m‑mari u maŋŋa suŋŋa, m‑mari mangbaari, ka niriba tiri u gyirima. Di sum ni u nyɛ la sɔ ŋɔn deaari saamma ka niŋni ba saanni, ka nyɛ ŋɔn nin toaai n‑wulisi niriba suŋŋa m‑paasi.

I TIMƆTI 3:4

Di kpa la talasi ni u nyɛ la ŋɔn mari u maŋtoori yiri suŋŋa, ka u biisi deaari u noori ka tiri u gyirima bunseelli kam zaa ni.

I TIMƆTI 3:8

Di bɛ la lala gba ban suŋŋni ya toondaandima saani. Di kpa la talasi ka ba mari la beesisuŋŋu ka niriba tiri ba gyirima. Di laa n‑sum ni ba zɛ la yummu ka tɔ'asiri yɛlimaŋni. Ba di nyuuri daam m‑bugra, bee, ba sufu wuri ligri nti yakki.

I TIMƆTI 5:1

Di tasi ninvugkurigu n‑nyikki u; amaa kpamsim u kaman i ba. Ka laa n‑deaai na'akyimbisi la hoo i tunzɔppa,

TAITUUSI 1:13

Yɛlimaŋni n‑kur la. Dinzugu kpaasim ba zugri ni suŋŋa. Dinŋɔ nin kyɛ ka ba yɛdda maali n‑kpaŋŋi suŋŋa.

TAITUUSI 1:8

See ka u deaari la saamma u yiri ni, ka wuri din veela. Toondaana sumni la u nyɛ yɛm daana ni yɛlimaŋni daana, ni ninvugsɔ ŋɔn bɛ kasi ka mari u maŋŋa suŋŋa.

TAITUUSI 2:7

Bunseelli kam zaasa puuni i maŋtoori tunveela nin wulisi ba din sum ni ba bɛ seem. I yi wulisiri ba, nyin zaanma deede; ka kyɛ ka i nini m moaai

FAILIIMƆN 1:9

Amaa man ŋɔn wuri i la zugu ka n susiri i ni, ni, i suŋŋi ma. Ii: man Pɔla, ŋɔn nyɛ Kirisita Yisa kpambari la - halli ka pampaŋŋɔ ba gbaai ma n‑kyaŋŋi nti kpari Yisa yɛla zugu -

I PIITA 1:13

Anŋɔ zaa zugu, see ka ya maali siri ya sufu ni, ka mari ya mansi. Ya zaŋŋma ya sufu ni teesa ba'aba zaa n‑niŋi ya tama maa yɛla ni, zaŋŋi n‑kyaŋŋi bunsunseesi Naawunni ŋɔn ya n‑zaŋŋi n‑ti ya, Yisa Masiiya ŋɔn ti ya yi paalu na dahinseaa la.

I PIITA 4:7

Bunseelli kam zaa naari ni maa, dizugu ya mari ya mansi n‑guri suŋŋa, ka susiri Naawunni.

I PIITA 5:8

Ya gbaam ya mansi suŋŋa sahakam, dama Sintaani ŋɔn nyɛ ya dindaana maa kur goori hoo gbigimni la n‑kaasiri m‑boori sɔ ni u gbaai n‑ŋɔbi.

II PIITA 1:6

ka mari ya mansi m‑paasi bamsim zugu; ka laa m‑paasi sugru ni Naawunni gyeeŋŋu sɔsuŋŋu anŋɔ zaa zugu.