TAITUUSI 2:14 - Mampruli

¹⁴ Ŋɔn Yisa n daa zaŋŋi u nyɔvuri n‑tisi, ni u yɔlisi tirima ni ti ti leebi u toori niriba maa. Ka u laa n‑yiisi ti tumbeeri kam zaa ni, ka nyeesi ti ka ti leebi kasi, ka ti sufu kur nin boori la ti tumni din veela.

TAITUUSI 2:14 Iomraidhean Croise

MATIYU 1:21

U nin ti dɔ'ai bidibga, ka i purim u yuuri Yisa, dama u nin ti tiligi u niriba ba tumbeeri taalli zaa ni.”

MATIYU 20:28

Kaman man Ninsaala Bii bu kyɛ na ni ba tumni n‑suŋŋni ma, amaa n kyɛ na ni n ti tumni n‑suŋŋni niriba, ka zaŋŋi n nyɔvuri m‑pa talima ka niriba pam nya tiliginsim.”

MATIYU 3:12

U kyɛnni na; ka pun maali u neema siri ni u pii u kabuubu tampii maa ka ka niŋi kasikasi. Ka u nin yeeli u kyi maa n‑yiisi wuurigu la ka kyɛ kabeelim. Kasuma maa ka u nin la'asi n‑su kusɔkku maa ni, ka naayi zaŋŋi wuurigu maa zaa n‑vaai m‑basi bugunseebu bun ka kpiisigu puuni.”

GYƆNI 6:51

Mani n nyɛ nyɔvuri boroboro kan yi arizana ni na maa. Ŋɔn kam zaa ŋɔbi lala boroboro maa, u nin bɛ ni halli saha kan ka naari. Boroboroseaa man ŋɔn tisiri maa nyɛ la n ningbiŋŋu, ka n zaŋŋni n‑tisira, din nin kyɛ ka duniya wa dima ti nya nyɔvuri.”

TUUMUDIMA TUMA 15:14

Simiyɔn na pun wulisi ti Naawunni ŋɔn daa daŋŋi n‑yiisi ban pa Yɛhudiyadima ninvugseeba seem, ni ba ti leebi ŋɔn Naawunni niriba.

TUUMUDIMA TUMA 15:9

Naawunni bu wulisi, ni, ti bɛ ti kɔkɔ ka kyɛ ba, dama ba gba yɛdda niŋbu zugu ka u kpiisi la ba sufu ni taalli n‑ti ba.

TUUMUDIMA TUMA 20:28

Dizugu, m Badima, n susiri ya, ni, ya gɔsim ya mansi, ka laa n‑guri ninvugseeba Sii Kasi maa ŋɔn zaŋŋi n‑niŋi ya nuusi ni ni ya gɔsiri ba maa, hoo ban guri peesi seem mooni la. Naawunni niriba n nyɛ ba, ŋɔn daa zaŋŋi u maŋtoori ziim n‑yɔ seeba samni, ni ba ti nya nyɔvuri.

TUUMUDIMA TUMA 9:36

Tɔ; ka pɔ'asɔ n daa bɛ Gyɔppa tiŋŋa, Yisa nyaandɔliba sunsukkuni, ka u yuuri boonni Tabita, bee Dookasi (di gbinni n nyɛ, ni, ‘Kparibuuwa’). U pupeelim ni u tunsuma daa ka tɔriga.

GALƐSEAA DIMA 1:4

Din yɛ n‑kyɛ ka ti tuligi n‑yi zuna tumbeeri sahabeoo puuni nŋɔa#:- ŋɔn Yisa Kirisita daa zaŋŋi u maŋŋa n‑tisi, ti tumbeeri zugu; ka di daa dɔli ti Ba Naawunni ŋɔn daa boori seem.

GALƐSEAA DIMA 2:20

Dinzugu di laa m‑pa la mani m bɛ ni, amaa di nyɛ la Kirisita m bɛ ma ni zugu. Nyɔvuriseaa ni man bɛ duniya wa ni pampaŋŋɔa, Naawunni Bii maa yɛdda zugu ka m bɛ ni, dama u wuri ma pam ka daa yiisi u nyɔvuri n‑tisi man zugu.

GALƐSEAA DIMA 3:13

Amaa Kirisita Masiiya mammaŋŋa daa leebi la mbusu tuuri, ni u ti suŋŋi ti ka yiisi ti mbusu galinsi ni na - seesi zaaligu ŋɔn daa mari ti a puuni la; dama Litaafi yɛliya, ni, “Ban zaŋŋi ninvugsɔ zaa n‑yuli doo zugu ni u ti kpi la - Naawunni mbusu bɛ la di daama zugu.”

ƐFƐSUSI DIMA 1:11

Tɔ: ŋɔn Yisa saani ka ba daa yiisi ti gba, hoo Naawunni ŋɔn daa pun zaali di seem la. Dama u maanni la bunseelikam ni di dɔli u sufu yuubu ŋɔn boori seem.

ƐFƐSUSI DIMA 2:10

Dama Naawunni nuusi tuma n nyɛ ti, ka u maali ti la Kirisita Yisa saani. U maali ti, ni ti tumni la tunsuma - tunseesi Naawunni ŋɔn pun daŋŋi n‑zaali ni ti ti tumni maa.

ƐFƐSUSI DIMA 5:2

Ya kyɛ ka ya beesigu zaa kur nyɛ la wurilim, hoo Kirisita ŋɔn daa wuri ti ka zaŋŋi u maŋŋa m‑maali n‑tisi Naawunni, nti kyɛ ka ŋɔn Naawunni daa wum u sara wa nya'asim.

I TIMƆTI 1:15

Yɛttɔkku wa nyɛ la yɛlimaŋni, ka sumni ni nira deaai ka zaa; ni, Yisa Kirisita daa kyɛ duniya wa na ni u ti tuligi tumbeeri dima. Man muna n nyɛ ŋɔn tum tumbeeri wa n‑gaari sɔkam.

I TIMƆTI 2:10

Ay! See ka ba zaŋŋi tunsuma m‑maanni ba mansi: lala ka di sum ni pɔ'aba ban gyeemni Naawunni bɛ ni.

I TIMƆTI 2:6

Ŋɔn Yisa daa zaŋŋi u maŋŋa m‑pa talima sɔkam zaa zugu, ni u yɔlisi ba. Dinŋɔa n daa niŋi sahasuŋŋu maa deede nti wulisi, ni, di zaa nyɛ la yɛlimaŋni.

I TIMƆTI 6:18

See ka i kpaam ba yaasa, ni, ba tumma din veela; ka nyɛ bundaandima tunsuma tumpu ziiya. Di nyɛ la: ba putti ban mari bunseela la n‑tiri niriba.

TAITUUSI 2:7

Bunseelli kam zaasa puuni i maŋtoori tunveela nin wulisi ba din sum ni ba bɛ seem. I yi wulisiri ba, nyin zaanma deede; ka kyɛ ka i nini m moaai

TAITUUSI 3:8

Yɛligu wa nyɛ la yɛlimaŋni ka i nin toaai n‑niŋi ka yɛdda. M boori la i wulisiri yɛla wa zaa ni nimbirimoaa. Ka lala zugu nin kyɛ ka ninvugseeba ban pun niŋi Naawunni yɛdda la kur nin teesiri tunsuma tumpu yɛla saha kam. Dama lala nin suŋŋi niriba ka niŋi sɔkam zaa anfaani.

HIBRUU DIMA 1:3

Bii maa n wulisiri Naawunni gyirima ŋɔn ŋmanni seem la; ka na mari Naawunni mammaŋŋa beebu, halli ni Naawunni ŋɔn bɛ seem la, ŋɔn gba bɛ la lala. U yɛligu kan mari yiiko pam maa ka u zaŋŋni m‑mari bunseelli kam. Ŋɔn daa ti maali soori ni daadam nya ala'akyi kyɛ-m‑pɛŋŋi n‑naai, u daa zinni la Naawunni Ŋɔn Galisi maa nudirigu zizii maa arizana ni.

HIBRUU DIMA 10:24

Ya kyɛ ka ti sufu bɛ taaba yɛla ni, n‑suŋŋni taaba ni ti zaa kyaŋŋi tooni n‑wuri niriba ka tumni tunsuma.

HIBRUU DIMA 9:14

Dinŋɔna Yisa Kirisita ŋɔn daa ka galimni ka zaŋŋi u maŋŋa n‑ti Naawunni hoo ban maanni bunkɔbri seem maa, u lala maaligu gaari ban dinni. Naawunni Siiya daa sakki, ni, u zaŋŋi u maŋŋa n‑tisi; ka u tuma wa kyɛ ka ti sufu ni teesa bu laa n‑galimni ti ti tumbeeri zugu, tunseesi an daa kuuri ti la. Ka ti naayi baŋŋi n‑gyeemni Naawunni Nyɔvuri Daana.

GYEEMSI 4:8

Ya vuum m‑pɔri Naawunni saani, ka u gba nin ti pɔri ya saani na. Yaseeba ban nyɛ tumbeeri dima, ya peaam ya nuusi da'ari m‑basi; yaseeba ban nyɛ birikɔ'anu dima, ya kyɛ ka ya sufu zɛ yimmu n‑niŋi kasi.

I PIITA 1:18

Dama ya mi halli, ni, Naawunni ŋɔn daa tiligi ya n‑yiisi ya ya badima yɛttɔ'akyɔ'ama tuma maa ni, pa anzulifa ka u daa zaŋŋi m‑pa talima n‑yiisi ya, bee, salima, bee lala bunseelli zaa kan sa'amna.

I PIITA 1:22

Ya pun dɔli la yɛlimaŋni soori, ka deaai Naawunni noori n‑leebi u dinni. Ka lala yi kyɛ ka ya siri wuri ya mabiisi ka yɔmsa ka ni. Dizugu ya na wuri ba, ya sufu ni, ni nimmoaa.

I PIITA 2:12

Ka bɛ beesisuŋŋu ban bu dɔli Naawunni maa saani. Ka halli ba yi daŋŋi n‑tuuri ya m‑boonni ya, ni, ninvugbeeri, lala nin kyɛ ka ba nin laa n‑nya ya tunsuma ka mari pɛ'abu n‑tiri Naawunni, u kyɛnni na dabsiri daari maa.

I PIITA 2:9

Yarima gba ka ba daa sɔbi ya yɛla, ni, ‘zuliyaseaa ban yiisi maa, naam gyeeŋŋu toondaandima, Naawunni niriba butiri, ban daa yiisi ninvugseeba n‑zaali kpaŋŋa n‑ti Naawunni ni ba ti mooli Naawunni gyirima yɛla’ - dama ŋɔn Naawunni daa booli ya n‑yiisi ya zibsim ni, ni ya ti kpɛ u alahazibu neesim ni la.

I PIITA 3:18

Ya bu nya? Kirisita daa kpi yimmu ti tumbeeri zugu, ka a yɛla naai; ŋɔna yɛlimaŋni zaa daana daa kpi tirim halibeoo dima zugu, ni u ti zaŋŋi ti n‑taasi Naawunni saani. Ba daa ku u ningbiŋŋu, amaa u siiya daa doaai n‑na vu.

I GYƆNI 1:7

Amaa ti yi bɛ neesim ni - hoo Ŋɔn bɛ neesim ni seem maa - dinŋɔna tin ni ŋɔn beesigu maa sakkri n‑tiri taaba. Ka Naawunni Bii Yisa ŋɔn daa kpi n‑ti ti maa zugu, u ziim nin ti peaari ti n‑yiisiri ti tumbeeri zaa taalli ni.

I GYƆNI 1:9

Amaa ti yi ti yiisi ti tumbeeri yɛla n‑yɛli Naawunni, u nin niŋi hoo ŋɔn daa pun yɛli seem la, ka tum din nyɛ deede; u nin kyɛ ti tumbeeri taalli m‑pɛŋŋi ti, ka nyeesi ti galiŋŋu yɛla ni a da'ari zaa m‑basi.

I GYƆNI 3:2

N zɔsuma, pampaŋŋɔ ti nyɛ la Naawunni biisi, ka ti na bu baŋŋi tin nin nyɛ seem. Amaa tin mi bunseelli nŋɔa: ni, u yi ti yi paalu na, ti nin ti nya u hoo ŋɔn nyɛ seem ni yɛlimaŋni, ka dizugu ti nin ŋmanni hoo ŋɔn bɛ seem maa.

KASIGRI 1:5

Yisa Kirisita n daa tuui n‑neaai kum ni, ka nyɛ yɛdda daana ni sɛharaditta maa; ŋɔn gba nin zɔ ya namboo ka ti ya sufudoaa. Dama ŋɔna n nyɛ duniya zaa nadima Naaba. Ŋɔn Yisa wuri ti pam, ka lala zugu ka u daa kpi n‑yiisi ti ti tumbeeri taalli ni.

KASIGRI 5:9

Ka ba daa yuumni n‑yɛtti, ni#:- “Nyin n sumsi ni i deaai bukku maa, I mun sumsi ni i lakki ka buntabinna! Dama nyini ka ba daa pun kɔrigi, Ka i lala kum zugu daa yɔ sɔkam samni N‑da ba n‑ti Naawunni na: Zuliya pam, ni yɛttɔ'azuna pam dima, Ni tinsi pam niriba, ni bura pam.