TAITUUSI 2:13 - Mampruli

¹³ Ti niŋma dinŋɔ ka guusiri ti tama paalu yiibu na - Yisa Masiiya ŋɔn ti ya zaŋŋi u gyirima n‑yi paalu ni na nla, ka u nyɛ la ti Naawuntitaari, ni ti Tuligra.

TAITUUSI 2:13 Iomraidhean Croise

MATIYU 16:27

Ya bu nya? - Ninsaala Bii maa siri nin zaŋŋi u Ba Naawunni gyirima ka kyɛ ka Naawunni malaakadima dɔli u ka u kyɛ na: lala saha maa ka u nin yɔ sɔkam samni hoo di daama tuma ŋɔn daa bɛ seem la.”

MATIYU 25:31

Ni, “Dama Ninsaala Bii ŋɔn ya zaŋŋi u gyirima neesim n‑kyɛ na sahanseaa la, ka malaakadima zaa ŋɔn nin la'am n‑dɔli u, di saha u nin zini u naam ziziveelli zugu.

MATIYU 26:64

Ka Yisa daa labsi n‑ti u, ni, “I yɛliya; amaa n yɛtti ya, ni, zuna zaŋŋi n‑kyɛnna#:- ‘Ya nin nya Ninsaala Bii maa’ ‘Ka u zi Naawunni Yaadaana maa nudirigu ya'ari’ ‘Ka kyɛnni na ka saazugu sangbana gyiligi u.’ ”

MAAKI 14:62

Ka Yisa daa labsi, ni, “Mani nla; ka#:- ‘Ya nin nya Ninsaala Bii maa’ ‘Ka u zi Naawunni Yaadaana maa nudirigu ya'ari’ ‘Ka kyɛnni na ka saazugu sangbana gyiligi u.’ ”

MAAKI 8:38

Ninvugsɔ yi ti kpalim m‑bɛ zuna niriba wa sunsukkuni n‑zɔri vi n yɛla zugu, ni n wulisigu zugu gba, ba tumbeeri ni ba yɛdda kaalinsi zugu, di daama muna - Ninsaala Bii yi ti kyɛ na sahanseaa la, ŋɔn gba nin ti zɔ vi u yɛla zugu; dama ŋɔn Ninsaala Bii siri nin zaŋŋi u Ba Naawunni gyirima ka kyɛ ka Naawunni malaakadima n dɔli u ka kyɛ na.”

TUUMUDIMA TUMA 24:15

ka laa m‑mari tama Naawunni zugu, ni, ninvugsuma ni ninvugbeeri zaa nin ti doaai kum ni, ka lala tama ka ninvugseeba ban galimni ma la gba mara.

ROOM DIMA 15:13

Naawunni siri su tama yɛla, ka n susiri u, ni, u kyɛ ka sufumaasim ni sufudoaa ti paali ya sufu, yan niŋni yɛdda maa zugu. Ka Sii Kasi la yiiko nin kyɛ ka ya mari tama pam halli nti yakki.

ROOM DIMA 5:5

Ka tama maa paasigu ku kyɛ ka ti di vi, dama Naawunni zaŋŋi u Siiya n‑ti ti ka ti baŋŋi u wurilim ŋɔn zoaai seem di zugu.

ROOM DIMA 8:18

Man ŋɔn nya seem maa nŋɔa#:- pampaŋŋɔ namsigu wa ku toaai m‑ma'asi ni gyirima veelim seaa ban nin kasigi n‑ti ti la.

I KƆRINTI DIMA 1:7

Dinzugu ya bu kɔŋŋi Naawunni piinisuma, halli yinni gba, ka kpalim n‑guusiri ti Dugma Yisa Kirisita Masiiya yiibu na saha.

II KƆRINTI DIMA 4:4

Dama Sintaani n kyɛ ka duniya wa dima nya u n‑gyeemni u, ni, ba Naawunni. U siri kyɛ ka ban ka yɛdda la sufu zoomna, ka bu nyari neesimaŋni: lala neesim maa mun yi la lahabasuŋŋu mooligu ni na - lahabaari zaŋŋi n‑kyaŋŋi Kirisita gyirima, ka ŋɔn Kirisita mun ŋmani la Naawunni deede.

II KƆRINTI DIMA 4:6

Naawunni daa yɛli, ni, “Kyɛ ka neesim neaai zibsim ni!”: tɔ, ŋɔn Naawunni kyɛ ka u neesim neaai ti sufu ni gba, ni di ti ti ti bamsim zaŋŋi n‑kyaŋŋi Naawunni gyirima din bɛ Yisa Kirisita nindaa ni la.

KƆLOOSIDIMA 1:23

Ya siri nin kpalim m‑bɛ lala, ya yi bari n‑zaani kpeeŋŋa ya yɛdda maa ni, ka bu birisira. Ya zɛ lala, ka kur kpalim m‑mari tama. Ya teaama lahabasuŋŋu la yɛla, yan daa pun wum lahabaseaa maa - ya tama n‑siri la. Ba daa tɔ'asi lahabasuŋŋu wa yɛla n‑tisi bunvuya zaa duniya wa puuni, halli ka man, Pɔla, leebi la ŋɔn tumni lahabaari maa tuma.

KƆLOOSIDIMA 1:27

Ban muna - ŋɔn Naawunni boori u wulisi yɛlisɔ'ara maa tibsim ni gyirima ŋɔn nyɛ seem maa n‑ti ba, ka a bɛ la ban pa Yɛhudiyadima maa saani gba. Ka di gbinni nyɛ la: ni, Kirisita bɛ la ya saani, ka di nyɛ la tama n‑tiri ya, ni, ya nin nya gyirima.

KƆLOOSIDIMA 1:5

Ya bɛ lala ya tama zugu, dama ya siri mari tama, ni, ya guusiri ya faari diibu saha, ka di bɛ la arizana ni. Ya daa pun wum di lahabaari maa, yan daa wum yɛlimaŋni lahabasuŋŋu maa sahanseaa la.

KƆLOOSIDIMA 3:4

Halli ya nyɔvuri n nyɛ Kirisita la, ka ŋɔn Kirisita yi ti yiisi u mammaŋŋa paalu ni, ya gba nin la'am m‑bɛ u saani n‑yi paalu na ni gyirima.

II TƐSALƆNIKA DIMA 2:16

Ti Dugma Yisa Masiiya mammaŋŋa kpamsima ya sufu, ŋɔn ni Naawunni ti Ba zaa, dama Naawunni wuri ti, halli nti tisi ti sufudoaa din ka naari, ni tama suŋŋu wa. Ka ti Dugma Yisa ni ti Ba Naawunni nin laa n‑kpaŋŋi ya, ya tunsuma ni ya yɛttɔ'asuma kam zaa ni.

II TƐSALƆNIKA DIMA 2:8

Di saha ka Zaaliguza'asira maa nin yi paalu. Di saha ka ti Dugma Yisa nin ti zaŋŋi u vuusim pɛsiŋŋu din yiiri u noori ni na n‑ku u, ka u lappu na gyirima nin ti sa'am u yɛla zaa.

I TIMƆTI 1:1

Man Pɔla n sɔbri gbaŋŋu ŋɔa: Yisa Kirisita Masiiya tuumu n nyɛ ma, ka Naawunni ŋɔn nyɛ ti tuligra wa daa zaali ma lala tuma, ŋɔn ni Yisa Masiiya ŋɔn nyɛ ti tama la.

II TIMƆTI 1:2

N sɔbri n‑tiri nyini, m biwuttigu Timɔti. Ti Ba Naawunni ni ti Dugma Kirisita Yisa nin zaŋŋi piinisuma n‑ti i ka zɔ i namboo, ka ti i sufudoaa ni alaafɛa!

II TIMƆTI 4:1

Naawunni zugu ka n ya n‑tɔ'asi yɛttɔ'a wa n‑kpaam i, Kirisita Yisa zugu; dama ŋɔn Yisa nin ti kari ban nɛ ni ban kpi zaa sariya. Ŋɔn Yisa Masiiya lappu na zugu, ni u naam diibu la zugu, ka n ya n‑yɛli i ni, ni, i niŋma nŋɔa#:-

II TIMƆTI 4:8

Seela bu laa n‑kpalim n‑ti ma, di yi pa la n yɛlimaŋni tuma wa laara deaari. Ti Dugma Yɛlimaŋni Daana nin ti kari sariya Zaadaari maa, ka ŋɔn saani ka n nin deaai ka. Laara n dɔya n‑guri ma, ka di pa la man kɔkɔ ka u ti ya n‑zaŋŋi ka n‑tisi, amaa u nin ti zaŋŋi n‑ti bankam zaa sufu boori u lappu na.

TAITUUSI 1:2

Naawunni n daa daŋŋi m‑basi ti nangbambasiri zaŋŋi n‑kyaŋŋi nyɔvuri kan ka baasigu la pɔi ka duniya naayi piili. Ka lala nyɔvuri tama zugu ka ti mari ti yɛdda ni bamsim maa n‑zɛ yummu.

TAITUUSI 1:4

N sɔbri n‑tiri la nyini, Taituusi, dama i nyɛ la m bimaŋni, ti zaa ŋɔn mari yɛdda yinni zugu. Ti Ba Naawunni ni Kirisita Yisa nin niŋi bunsuma zaa n‑niŋi i, ka ti i alaafɛa.

TAITUUSI 3:4

Amaa Naawunni ti tuligra ŋɔn daa ti wulisi u sufupeelli maa soori, ni u wurilim,

HIBRUU DIMA 9:28

lala ka Yisa zaŋŋi u maŋŋa m‑maali yummu maa. Ka u nin ti labi na yaasa: ka di pa la u kari tumbeeri sariya zugu, amaa ni u tiligi seeba ban ziya n‑guusiri u ni nimbirimoaa la.

I PIITA 1:3

Kyɛ ka ti pɛ'ai Naawunni, ŋɔn nyɛ ti Dugma Yisa Kirisita Ba la, u namboo la zugu. Ŋɔn daa yisigi Yisa Kirisita kum ni la zugu, u daa yiisi nyɔvuri paalli na n‑ti ti. Ka lala zugu ti mari tama, ni, ti ti nya beesigu paalli ti kum nyaaŋŋa.

I PIITA 1:7

Wahala balibubalibu wa nin kyɛ ka ya yɛdda nin nya zamsigu kaman ban yi zamsiri salima bugum ni seem la. Amaa salima ŋɔn nin ti naai, ya yɛdda mun nin zamsi n‑yi bummaŋni, ka mari anfaani pam. Di nin ti ti ya pɛ'abu, ni gyirima, ni tibsim, Yisa Kirisita yi ti yi paalu sahanseaa la.

II PIITA 1:1

Mani Saimoon Piita, Yisa Kirisita Masiiya tuumu, ni u daabri - mani n sɔbri n‑tiri ya. Yarima ka Naawunni Yɛlimaŋni Daana ni ti Tiligra Yisa Kirisita, daa kyɛ ka ya nya soori ni ya niŋi yɛdda - yɛdda tibsiri din ŋmanni ti dinni wa.

II PIITA 3:18

Ya kyɛ ka ya kur kyɛnni tooni, yan bɛ ni n‑deaari piinisuma ti Dugma ni Tiligra Yisa Kirisita saani sahanseaa la, m‑paasiri bamsim zaŋŋi n‑kyaŋŋi u yɛla gba. Ŋɔnŋɔ nin mari gyirima Zuna, ni saha din ka tɔriga. Ammi.

I GYƆNI 4:14

Ka ti gba nya ka yɛtti n‑wulisiri tin ŋɔn nya seem maa, ni, ti Ba maa tum la u Bii la na ni u ti leebi duniya wa Tiligra.

GYUUDA 1:21

ka kur kpalimma Naawunni wurilim la puuni. Ya dim sugru n‑guusiri ti Dugma Yisa Kirisita nambɔzoaa saha la, dama lala saha maa ka ya nin ti nya nyɔvuri kan ka tariga.

KASIGRI 1:7

Ya gɔsima n‑nya! U bɛ sangbana ni n‑kyɛnni na; Di saha ya zaa nini nin nya u - Halli ninvugseeba ban daa kusi u maa gba: Dizugu ninsaala bura zaa niriba Nin kum ka fabli u zugu. Lala n nyɛ di. Ammi.