TAITUUSI 2:12 - Mampruli

¹² U wurilim piini wa lahabaari n wulisiri ti, ni, ti za'asima din bu dɔli Naawunni soori, ni din nyɛ duniya wa kɔribeeri, amaa ka kur mari mangbaari, ka zɛ deede, ka laa m‑mari beebu seelli din dɔli la Naawunni soori, saha kanŋɔna.

TAITUUSI 2:12 Iomraidhean Croise

MATIYU 12:32

Halli ŋɔn tɔ'asi yɛttɔ'abeeri n‑galim man Ninsaala Bii maa gba, u nin toaai n‑nya kyɛ-m‑pɛŋŋi; amaa ŋɔn mun yɛli seelli n‑galim Sii Kasi maa, di daama ŋɔn kur ku nya u taalli kyɛ-m‑pɛŋŋi, zuna halli ni sahaseelli zaa.”

MATIYU 16:24

Tɔ; ka Yisa daa yɛli u nyaandɔliba maa zaa, ni, “Ŋɔnkam boori u kyɛ n saani na, see ka u za'asi u mammaŋŋa, ka kpikki u kum dɔpulli n‑dɔli ma.

MATIYU 28:20

Ya wulisima ba, ni, ba dɔla man zaali ya noori seem maa zaa. Ka ya baŋŋma, ni, n nin bɛ ya saani, halli ni duniya wa saha maa naari.”

LUUKI 1:6

Ka babayi maa zaa daa nyɛ la ninvugsuma Naawunni saani, ka daa dɔli ti Dugma Naawunni zaaligu soori ni u kaya zaa, ka ka galinsi.

GYƆNI 14:30

N ku laa n‑toaai n‑tɔ'asiri n‑tiri ya, bee, n‑diri azama, ka di ti yuui, dama ŋɔn su duniya wa fukumsi la kyɛnni na. U bu su la mani,

GYƆNI 6:25

Ka ban daa ti paai u ka u bɛ mɔ'ari ya'ari sa maa, ba daa boosi u n‑yɛli, ni, “Ti Ba Rabbi, bɔn saha ka i paai kpa na?”

TUUMUDIMA TUMA 24:16

Lala zugu ka n kur moori saha kam ni nimbirimoaa, ni n sufu ni teesa ku diisiri ma galinseelli zaa vi, zaŋŋi n‑kpa Naawunni, ni ninsaalidima ni.

TUUMUDIMA TUMA 24:25

Amaa ŋɔn daa paai u kpaamni yɛla zaŋŋi n‑kyaŋŋi ninvugmaŋni tunsuma ŋɔn nyɛ seem la, ni mansɛ'asigu yɛla, ni Naawunni ŋɔn ya kari niriba sariya la, di saha ka dabeem daa gbaai Filiksi ka u daa yɛli, “Kyɛla ka kyaŋŋi pampaŋŋɔ! N yi ti nya dahama n nin booli i na yaasa.”

ROOM DIMA 12:2

Yan di kyɛ ka duniya wa dima beesigu mugsi ya, ni ya gba bɛ la lala; amaa ya kyɛ ka ya beesigu takki n‑dɔli ya nini ŋɔn neaai n‑nya sɔpaalli la. Ya tumma Naawunni yuubu tuma nti baŋŋi a gbinni, ni, a veela ka laa n‑nyɛ bunsuma zaa ka Naawunni nini n tigri a.

ROOM DIMA 6:12

Ya ningbina nyɛ la seesi an kpiira, ka di zugu yan di kyɛ ka Tumbeoo su a fukumsi nti kyɛ ka a dɔli Tumbeoo kɔribeeri yɛla.

ROOM DIMA 6:19

Tɔ, n tɔ'asiri la ninsaala duniya wa puuni beesigu yɛla n‑tiri ya, dama a gbinni bamsim bu tɔa; ka yan bɛ la duniya wa puuni la zugu n kyɛ ka ya na ka yaa zaŋŋi n‑kyaŋŋi yɛlizulima yɛla. Ya daa kyɛ ka ya ningbina luga zaa leebi hoo daaba n‑ti da'ari tuma ni zaaligu za'asigu. Amaa pampaŋŋɔ ya zaŋŋi ya ningbina n‑leebi la daaba n‑ti Naawunni yɛlimaŋni la, n‑tumni tunsuma kasikasi.

ROOM DIMA 8:13

dama ya yi ti dɔli ningbina beesibeoo soori ya nin kpi. Amaa ya beesigu yi dɔli la Sii maa soori, lala yi kyɛ ka ningbinkɔrisi kpi, ka yarima mun nin neaai.

II KƆRINTI DIMA 1:12

Tɔ: ka dinŋɔna tin nyuuri bara yɛttɔ'aseaa zugu la nyɛ la: ni, ti sufu ni bamsim wulisiri ti, ni, ti bɛ la beesisuŋŋu duniya wa ni. Ni, di pa la duniya wa yamgɔliŋŋu soori ka ti dɔla, amaa sɔsuŋŋu ka ti dɔli n‑tiri Naawunni kasikasi. Naawunni ŋɔn daa suŋŋi ti seem la, lala ka ti bɛ ni, halli yarima saani ka ti beesigu siri daa pun bɛ lala.

II KƆRINTI DIMA 7:1

Tɔ, m mabiwutta, ba pun basi nangbambasiri wa n‑ti ti na, ka di zugu ya kyɛ ka ti leebi Naawunni niriba kasikasi. Ka kyɛ ka da'ari ka ti ni, ti ningbina ni ti siisi zaa; ka laa n‑zɔri Naawunni, ni u ti su ti beesigu yɛla zaa.

GALƐSEAA DIMA 1:4

Din yɛ n‑kyɛ ka ti tuligi n‑yi zuna tumbeeri sahabeoo puuni nŋɔa#:- ŋɔn Yisa Kirisita daa zaŋŋi u maŋŋa n‑tisi, ti tumbeeri zugu; ka di daa dɔli ti Ba Naawunni ŋɔn daa boori seem.

GALƐSEAA DIMA 5:24

Ka ban kam zaa nyɛ la Kirisita Yisa dina pun zaŋŋi ninsaatiri teesa n‑kpaasi n‑tabli dɔpulli zugu n‑ku - ana ni kɔribeeri boorimma zaa.

ƐFƐSUSI DIMA 1:4

U daa yiisi ti ni, n‑niŋi ti u maŋtoori dina pɔi, ka naayi naam duniya wa. U daa yiisi ti lala, ni ti ti leebi u dina, m‑bɛ kasi, ka laa n‑ka taalli u saani. U wurilim zugu

ƐFƐSUSI DIMA 2:2

Anŋɔ zaa puuni ka ya daa bɛ ni, yan daa dɔli duniya wa yɛla soori maa, n‑gyeemni Sibɛsɔ ŋɔn su saazugu ni pɛsigu fukumsi. Pampaŋŋɔ ka ŋɔna na tumni ban bu wumni Naawunni noori la sufu ni.

KƆLOOSIDIMA 1:22

Amaa pampaŋŋɔ Naawunni Bii la daa zɔ ya sindaani Naawunni saani ka kyɛ ka nangbanyinni maali n‑niŋi. U daa zaŋŋi u ninsaatiri ningbiŋŋu n‑niŋi lala, dama u daa mari ka halli nti kpi. Dinŋɔ zugu ka u mari ya n‑taasi Naawunni saani ka kyɛ ka ya ku mari taaliseaa, ka ya leebi Naawunni niriba kasi, ka ka galiŋŋu u saani.

I TƐSALƆNIKA DIMA 4:7

Naawunni daa bu booli ti, ni ti tum la ningbiŋŋu kɔri tuma; amaa u daa booli ti, ni ti dɔli kasitiri beesigu soori.

I TƐSALƆNIKA DIMA 4:9

Di bu kpa talasi ni n‑sɔbi n‑wulisi ya yan nin wuri taaba seem, dama Naawunni pun wulisi ya yan nin wuri ya mabiisi seem, ka ya bamsi lala u saani suŋŋa.

I TIMƆTI 4:12

Di kyɛ ka sɔ zeemni i, nyin ŋɔn bu kurigi zaa zugu. Amaa kyɛ ka i yɛttɔ'a wulisi yɛddaniŋniba maa din sum ni ba bɛ seem - i yɛttɔ'a, ni i beebu, ni i wurilim, ni i yɛdda niŋbu, ni i tuma kasikasi tumpu la zaa.

I TIMƆTI 6:17

See ka i kpaam duniya wa bundaandima maa, ni, ba di mari karimbaani, bee, n‑zaŋŋi ba tama n‑niŋi arizikki din bu ya yuui saha zaa. Amaa ba zaŋŋma ba tama n‑niŋi Naawunni ŋɔn tiri ti bunseelli kam din nin nya'asa n‑ti ti.

I TIMƆTI 6:9

Ninvugseeba ban sufu kur boori ni ba leebi bundaandima maa pun zaŋŋi ba mansi n‑kpeesi zamsigu ni, hoo kyɛ'ariga ni. Ba laa n‑zaŋŋni ba mansi n‑kpeesiri la gyɛrilim ni, ni kɔriseesi an lusiri daadam ka basiri ba yɔri.

II TIMƆTI 3:12

Yɛlimaŋni, ninsaala kam ŋɔn boori ni u dɔli sɔsuŋŋu ka gyeemni Kirisita Yisa nin nya namsigu.

II TIMƆTI 4:10

Dama ba zaa bakki ka kyɛ ma: Diimasi daa kyaŋŋi Tɛsalɔnika, ŋɔn wuri duniya wa buna zugu; Karɛseensi mun daa kyaŋŋi Galɛseaa, ka Taituusi kyaŋŋi Dalimɛseaa.

TAITUUSI 3:3

Tirima mun gba daa zi Naawunni yɛla. Ka ti daa niŋni gyɛrilim, ka daa dɔli ti mammaŋŋa sufu yuubu ni kɔribeeri, ka burigri n‑yi sɔsuŋŋu ni. Ti daa za'asi ŋɔn Naawunni yɛligu ka daa sa'amni ti taaba yuya ka laa n‑zabri ba nyuuri. Ka niriba daa yaai ti, ka ti mun gba daa bu boori ba yɛla.

HIBRUU DIMA 8:11

Ba ku laa n‑wulisiri taaba, bee, ba yɛtti taaba, ni, “Baŋŋma ti Dugma la.”, Dama ba zaa nin ti mi ma, Ba tarimma zaŋŋi m‑paai zuguraandima.

GYEEMSI 1:27

Ti Ba Naawunni ŋɔn sakki sɔseaa, ni, kana n nyɛ bunkasi ka ka lasim nŋɔa#:- ni, ti gɔsim kpibisi ni pukɔya ba wahala ni n‑suŋŋi ba, ka kyɛ ka ti duniya wa yɛla di sa'am ti.

II PIITA 2:9

Anŋɔ zaa zugu ka ya ti baŋŋi, ni, ti Dugma siri mi ŋɔn nin niŋi seem n‑fa ninvugsuma m‑basi; ka laa m‑mi sariya karibu yɛla, ka kyɛ ka ninvugseeba ban bu dɔli soori la bɛ wahala puuni halli ni ba sariya karibu daari.

II PIITA 3:11

Dizugu, m mabiisi, a zaa yi ya sa'am lala, n ya m‑boosi ya n‑nya#:- wula niriba ka di sumni ni ya n nyɛa? Ay! - See ka ya beebu nyɛ kasi ka ya zaŋŋi ya mansi n‑ti Naawunni kɔkɔa!

I GYƆNI 2:27

Yarima muna - ya daa pun deaai Naawunni kpaam soosigu. Lala piini maa nin ti kpalim m‑bɛ ya saani. Di zugu di pa la ya boori ninsaalisɔ ni u ti wulisi ya yam yɛla, dama Naawunni Siiya soosigu wulisiri ya yɛla kam zaa bamsim ŋɔn nyɛ seem; ka yɛtti ya yɛlimaŋni, ka bu ma'ari ziri. Dinzugu ya kpalimma m‑bɛ u saani, hoo ŋɔn daa wulisi ya seem maa.

I GYƆNI 2:6

Ŋɔnkam yɛnni, ni, u la'am m‑bɛ la Yisa saani, di sumni ni di daama bɛ la hoo Yisa ŋɔn daa bɛ seem la.

I GYƆNI 5:19

Ti laa m‑mi, ni, Naawunni n su ti yɛla, ka duniya wa zaa mun bɛ la ŋɔn su tumbeeri fukumsi maa nuusi ni.

GYUUDA 1:18

Ni, ba daa yɛli, “Saha nin ti kyɛ na din nyɛ naari saha ka ninvugseeba nin ti bɛ ni n‑niŋni ansarisi, n‑dɔli la ba kɔribeeri, ka za'asiri Naawunni yɛla.”

KASIGRI 14:12

Kpa wa ka ti nya Naawunni niriba ban zɛ yummu ka di sugru seem maa: ba kpalim n‑dɔli Naawunni zaaligu yɛla suŋŋa, ka niŋi yɛdda ni Yisa.