TAITUUSI 2:11 - Mampruli

¹¹ Dama Naawunni n siri wulisi u wurilim paalu ni, ni, u piinisuma zugu ka sɔkam nin toaai n‑nya tuliginsim.

TAITUUSI 2:11 Iomraidhean Croise

MATIYU 28:19

Dizugu ya kyɛma n‑yi m‑paai duniya wa lugri kam zaa n‑wulisiri tinsi zaa niriba. Ya deaama ba n‑su Naawunni koom ya Ba Naawunni yuuri zugu, ni u Biiya, ni u Siiya Vuusim Kasi yuuri zugu gba.

MAAKI 16:15

Ka u daa yɛli ba, ni, “Ya kyam nti gyili duniya lugri kam zaa m‑mooli lahabasuŋŋu wa yɛla n‑ti Naawunni ŋɔn naam sɔ zaa.

LUUKI 24:47

Ni, ba nin zaŋŋi Masiiya yuuri m‑piili Gyɛrusalɛm timpuuni m‑moonni lahabaari maa n‑ti duniya wa zaa niriba, ni, ba ŋmaligma ka kyɛ ba tumbeeri tuma, ni ba ti nya ba taalli kyɛ-m‑pɛŋŋi.

LUUKI 3:6

Ka ninsaala zaa nin ti nya M‑baŋŋi Naawunni ŋɔn nin tuligi u niriba seem la.’ ”

GYƆNI 1:14

Tɔ: ka Yɛligu maa daa ti labgi la ninsaala. U daa bɛ ti saani, ka veelim ni yɛlimaŋni daa bɛ u ni n‑gaari sɔkam. Tirima n daa nya u gyirima ŋɔn bɛ seem maa; u Ba Naawunni ka biiya m‑paasi u zugu, ka bigaŋŋa gyirima n nyɛ u dinni.

GYƆNI 1:9

Neesimaŋni n‑daa la; din neaari n‑niŋni ninsaalidima zaa. Lala saha maa ka neesim maa daa kyɛnni duniya wa na.

TUUMUDIMA TUMA 11:23

Ŋɔn daa paai bɛni nti nya Naawunni ŋɔn daa pun tisi piinisuma n‑tiri bɛni niriba maa, u sufu daa maaya: ka u daa kpamsi ba, ni, ba kpaŋŋma ba mansi n‑zɛ ti Dugma maa nyaaŋŋa ni nimbirimoaa.

TUUMUDIMA TUMA 13:43

Ka niriba maa ŋɔn daa wurigi n‑naai, Yɛhudiyadima maa pam, ni seeba ban daa dɔli ba Naawunni soori la, daa dɔli Pɔla ni Baanabasi; ka ba daa tɔ'asi n‑ti ba, n‑kpaamni ba, ni, ba mari Naawunni piiniseaa ban deaai la suŋŋasuŋŋa.

TUUMUDIMA TUMA 13:47

Dama lala ka Naawunni daa zaali ti noori, ni#:- ‘N yiisi i, ni i ti leebi neesim, N‑neaai n‑ti tinzundima ban pa ya niriba; Ka laa n‑leebi tuliginsim soori N‑tiri duniya wa lugri kam zaa dima.’ ”

TUUMUDIMA TUMA 17:30

Sahanseaa din gaari la Naawunni daa pun di sugru zaŋŋi n‑kyaŋŋi ninsaalidima tuma la ni, dama ba daa na zi u yɛla. Amaa pampaŋŋɔ u kpaamni la nira kam zaa, ban bɛ seelikam zaa maa, ni ba takkma ba teesibeeri ka kyɛ ba ala'akyi tuma.

TUUMUDIMA TUMA 20:24

Amaa m ba'a ka m maŋtoori nyɔvuri maa ni, see ka n dɔli n beebu soori nti paai ka naari; ka ti tum tunseaa ti Dugma Yisa ŋɔn zaali ma zaa, halli nti wulisi Naawunni piinisuma lahabaari ŋɔn nyɛ seem zaa.

ROOM DIMA 10:18

Amaa zaŋŋi n‑kyaŋŋi Yɛhudiyadima maa yɛla ka m boosiya, ni, “Ba siri daa bu wum, bee bɔa?” - Ay! Dama Litaafi yɛliya, ni#:- “Ba kukɔya gyili duniya lugri kam zaa, Ka ba yɛligu paai tingbaŋŋu zaa tɔriga.”

ROOM DIMA 5:15

Amaa Naawunni piini yiiko bu ŋmanni tumbeoo dinni. Ay! - di gaari lala zugu pam. Ti mi halli, ni, ninvugyinni taalli zugu ka niriba pam daa kpi; amaa Naawunni piini zoaari m‑paasiri n‑suŋŋni niriba pam, ka lala gba yiiri la ninvugyinni zugu ni na - di nyɛ la: Yisa Kirisita Masiiya zugu.

ROOM DIMA 5:2

Dama ŋɔn Yisa zugu daa kyɛ ka ti nya yɛdda niŋbu soori nti kpɛ n‑zɛ tin bɛ zaazisunseaa wa ni. Di nyɛ la Naawunni ŋɔn daa tum lala tunsuma n‑ti ti maa. Dizugu ka ti mari sufupeelli, dama ti mari tama, ni, ti nin nya Naawunni gyirima veelim.

II KƆRINTI DIMA 6:1

Naawunni tuntuntaaba n nyɛ ti, ka Naawunni pun zaŋŋi u piini n‑ti ti, halli ka ti bu sumsi lala; tɔ, ka di zugu ti kpamsiri ya, ni, yan di kyɛ ka Naawunni piini wa basi yɔri.

GALƐSEAA DIMA 2:21

Man mun ku sakki, ni, n za'asi Naawunni piini suma wa. Amaa di yi nyɛ la fukumsi zaaligudima zugu ka nira nin toaai n‑yi taalli puuni Naawunni saani hoo yɛlimaŋni daana, dinŋɔna Kirisita Masiiya kum maa daa ka gbinni!

ƐFƐSUSI DIMA 2:5

Ka lala zugu u daa kyɛ ka ti la'am Masiiya saani n‑neaai kum ni, halli ni ti tumbeeri daa ku ti maa zaa yɔri. Piiniseaa tin bu sumni ka la zugu ka ya nya tuliginsim.

ƐFƐSUSI DIMA 2:8

Dama piiniseaa tin bu sumni ka la zugu ka ya nya tuliginsim, ya yɛdda niŋbu zugu. Ka di pa la ya mammantoori yiiko zugu: piini maa yi la Naawunni saani n‑ti ya na.

KƆLOOSIDIMA 1:23

Ya siri nin kpalim m‑bɛ lala, ya yi bari n‑zaani kpeeŋŋa ya yɛdda maa ni, ka bu birisira. Ya zɛ lala, ka kur kpalim m‑mari tama. Ya teaama lahabasuŋŋu la yɛla, yan daa pun wum lahabaseaa maa - ya tama n‑siri la. Ba daa tɔ'asi lahabasuŋŋu wa yɛla n‑tisi bunvuya zaa duniya wa puuni, halli ka man, Pɔla, leebi la ŋɔn tumni lahabaari maa tuma.

KƆLOOSIDIMA 1:6

Lahabasuŋŋu wa siri pun paai ya saani. Ka bɛ la duniya wa lugrikam zaa ni, n‑wanni ka wala ka zoaara; ka lala ka ka wanni wala yarim gba saani. Ka daa wanni la lala yan daa daŋŋi n‑wum ka yɛla - dabsiseaa yan daa ti baŋŋi Naawunni piini ŋɔn siri nyɛ seem la - halli ni zuna.

II TƐSALƆNIKA DIMA 2:16

Ti Dugma Yisa Masiiya mammaŋŋa kpamsima ya sufu, ŋɔn ni Naawunni ti Ba zaa, dama Naawunni wuri ti, halli nti tisi ti sufudoaa din ka naari, ni tama suŋŋu wa. Ka ti Dugma Yisa ni ti Ba Naawunni nin laa n‑kpaŋŋi ya, ya tunsuma ni ya yɛttɔ'asuma kam zaa ni.

I TIMƆTI 1:14

Di saha maa ka ti Dugma daa zaŋŋi u wurilim piinisuma, an galisi nti yakki la, n‑ti ma; ka ti ma yɛdda ni wurilim din bɛ Yisa Masiiya ni la.

I TIMƆTI 2:4

ka boori ni sɔkam zaa ti tuligi ka baŋŋi yɛlimaŋni ŋɔn nyɛ seelli.

II TIMƆTI 1:10

Halli nti paai zuna, ka pampaŋŋɔ di yi kasigi n‑wulisi ti, Kirisita Yisa Masiiya, ŋɔn nyɛ ti Tuligra, kyɛnni na la zugu. Ŋɔna n nyɛ ŋɔn daa nyaŋŋi kum zaa, ka laa n‑kyɛ ka ti nini neaai. U lahabasuŋŋu puuni u wulisi ti nyɔvuri yɛla, nyɔvuri seaa kum ŋɔn laa n‑ka ni la.

II TIMƆTI 4:17

Amaa ti Dugma daa zaani n nyaaŋŋa, ka ti ma yaa, nti kyɛ ka lahabasuŋŋu maa mooligu ti yi paalu, ka ban pa Yɛhudiyadima maa zaa wum di. Ti Dugma daa yiisi ma gbugimni noori ni na ni alaafɛa.

HIBRUU DIMA 12:15

Ya mari ya mansi ka di kyɛ ka sɔ kɔŋŋi Naawunni bunsuma, miri ka putoo yɛla kpɛ na ka taasi galinsi na n‑sa'amni niriba pam yɛla.

HIBRUU DIMA 2:9

Kulla Yisa ka ti nya, ka u siri daa ‘poaai malaakadima’ saha beela, ni u ti di wahala n‑kpi. Ka ti laa n‑nya u, ka u mari gyirima pampaŋŋɔa. Dama Naawunni wurilim zugu ka u daa sakki, ni, u ti baŋŋi kum toom ŋɔn nyɛ seem, n‑niŋi lala daadam kam zugu.