TAITUUSI 2:1 - Mampruli

¹ Amaa nyin mun kur wulisima wulisigu seelli din dɔlisi kan nyɛ yɛlimaŋni.

TAITUUSI 2:1 Iomraidhean Croise

I TIMƆTI 1:10

Zaŋŋi n‑tabli ban tumni ningbiŋŋu kɔrisi tuma, ni dɔppa ban doontiri dɔppa bee pɔ'aba ban doontiri pɔ'aba, ni ban zaŋŋni mugsigu n‑gbaasiri niriba, ni ziri ma'ariba, ni ban diri ziri sɛhara - banŋɔ zaa zugu ka Naawunni na zaali u zaaligu dima wa. A nyɛ la bankam niŋni din kyiisiri wulisimaŋni la zugu.

I TIMƆTI 6:3

Ka ŋɔnkam wulisiri wulisigu din bɛ di kɔkɔa, ka bu dɔli ti Dugma Yisa Kirisita yɛligu din mari alaafɛ la, bee, Naawunni soori wulisigu tin dɔli seaa la,

II TIMƆTI 1:13

I pun wum yɛttɔ'asuma man saani. Kur kyɛ ka a wulisi i bunseesi an mari alaafɛ ŋɔn bɛ seem. Ka kpalim m‑mari yɛdda ni wurilim, dama lala ka Kirisita Yisa boori ni ti tumna.

TAITUUSI 1:9

Di laa n‑niŋi kamaata ka u mari Naawunni yɛligu din nyɛ yɛlimaŋni maa kirikiri, hoo ban daa wulisi ti seem la. Lala zugu nin kyɛ ka u nin toaai n‑kpamsi u taaba ka wulisi ba yɛm ni alaafɛ sɔya ŋɔn bɛ seem; ka dinŋɔna u nin wulisi ban kyiisiri ti yɛla ba buriginsim ŋɔn nyɛ seelli.

TAITUUSI 3:8

Yɛligu wa nyɛ la yɛlimaŋni ka i nin toaai n‑niŋi ka yɛdda. M boori la i wulisiri yɛla wa zaa ni nimbirimoaa. Ka lala zugu nin kyɛ ka ninvugseeba ban pun niŋi Naawunni yɛdda la kur nin teesiri tunsuma tumpu yɛla saha kam. Dama lala nin suŋŋi niriba ka niŋi sɔkam zaa anfaani.

I PIITA 4:11

Dinŋɔna ŋɔn tɔ'asiri yɛttɔ'a, ŋɔn tɔ'asim Naawunni ŋɔn zaŋŋi yɛttɔ'aseesi n‑ti u la; ka ŋɔn tumni n‑suŋŋni niriba, ŋɔn zaŋŋma yaseaa Naawunni ŋɔn zaŋŋi n‑ti u la n‑tumna. Lala zugu ka Naawunni nin nya pɛ'abu Yisa Kirisita zugu, dama ŋɔn Yisa nyɛ yiiko daana ni gyirima daana, n‑su a ni, halli ni saha din ka naari. Ammi.