TAITUUSI 1:7 - Mampruli

⁷ Toondaana ŋɔn su Naawunni yiri dima tuma fukumsi zugu, di niŋi la kamaata ka u mari la beesisuŋŋu ka ka galiŋŋu. Di bu sumni ni u nyuuri bara, bee, u sufu yisigi yoomyooma. Di mun bu laa n‑sumni ni u nyɛ danyuura, bee, zabboora bee, ŋɔn ba'a zaa bɛ la ligri boobu ni.

TAITUUSI 1:7 Iomraidhean Croise

MATIYU 24:45

Ka Yisa daa laa n‑yɛli “Ninvugŋɔni n lee n‑nyɛ daabsɔ ŋɔn mari yam ni yɛdda? - ka u dugma zaŋŋi u yiri biisi maa fukumsi n‑niŋi di daama nuu ni, ni u tiri ba diibu, mɔnni basibu saha maa.

LUUKI 12:42

Ka Yisa daa gyɛrigi n‑yɛli “Ninvugŋɔni n lee n‑nyɛ daabsɔ ŋɔn mari yɛm ni yɛdda? - ka u dugma zaŋŋi u yiri maa fukumsi n‑niŋi u nuu ni, ni u basiri mɔnni n‑tiri ba, mɔnni basibu saha.

ƐFƐSUSI DIMA 5:18

Yan di nyuuri daam m‑bugra, dama galagala yɛla nŋɔa, amaa ya kyɛ ka Naawunni Siiya paali ya.

FILIPAAI DIMA 1:1

Gbaŋŋu wa yi la man, Pɔla, saani na - man ni Timɔti gba: tirim mun nyɛ Yisa Kirisita Masiiya daaba, ka ti sɔbri n‑tiri ya Naawunni niriba, yaseeba ban bɛ Filipaai tiŋŋa ka bɛ ni ni Yisa Kirisita taaba, yan ni ya gyeeŋŋu kpamma ni ban suŋŋni ba zaa.

TAITUUSI 1:5

Dinŋɔ zugu ka n daa kyɛ i, ni i kpalim m‑bɛ Kyiriti tingbaŋŋu ni, ni i dɔlisi tin daa bu naai tunseesi la ka maali n‑zaanni a. N daa laa m‑boori la i yiisi niriba n‑diisi toondaandima tinkam zaa ni, kaman man ŋɔn daa wulisi i seem maa.

TAITUUSI 2:3

Wulisima pɔ'akura la gba ka ba beebu mari gyirima; amaa ka pa ni ba leebi ban zuuri niriba nyaaŋŋa, bee, daam ŋɔn su seeba. Kyɛ ka ba wulisiri la din veela.

I PIITA 4:10

Dama Naawunni ŋɔn zaŋŋi piiniseesi n‑ti ya la, ya sɔkam zaŋŋma ŋɔn deaai piiniseaa n‑tumni n‑suŋŋi u taaba - hoo yiri dima ŋɔn suŋŋni taaba n‑tumni ba yiri tuma zaa seem.

I PIITA 5:2

Ya niŋi hoo bunkɔbguriba n‑guri Naawunni peesi n‑ti u: ba bɛ la ya saani, dizugu see ka ya guri ba suŋŋa hoo Naawunni ŋɔn boori seem, pa la sɔ ŋɔn mugsi ya zugu amaa ya sufu yuubu. Ya tumma ya tuma suŋŋa, pa la ligri boobu zugu, amaa ya maŋŋa ŋɔn boori nimmoosi ka ya tumni zugu.

II PIITA 2:10

Ka niriba wa seeba gaari ba zaa - di nyɛ la: baseeba ban zaŋŋi ba zikki zaa n‑niŋi ningbiŋŋu kɔrisi ni, ka za'asi kpamma nɔya wumpu. Lala niriba ba'a ka sɔsɔ yɛla ni, saazugu gyirima daandima ka ba bu zɔra, ka laa n‑tɔ'asiri yɛttɔ'abeeri ka zaŋŋi ba sufukpeemni n‑tuuri ba.