TAITUUSI 1:5 - Mampruli

⁵ Dinŋɔ zugu ka n daa kyɛ i, ni i kpalim m‑bɛ Kyiriti tingbaŋŋu ni, ni i dɔlisi tin daa bu naai tunseesi la ka maali n‑zaanni a. N daa laa m‑boori la i yiisi niriba n‑diisi toondaandima tinkam zaa ni, kaman man ŋɔn daa wulisi i seem maa.

TAITUUSI 1:5 Iomraidhean Croise

TUUMUDIMA TUMA 11:30

Ba daa niŋi lala, ka kyɛ ka Baanabasi ni Sɔla deaai ba piini maa n‑zi n‑kyaŋŋi kpamma maa saani.

TUUMUDIMA TUMA 14:23

Ya'aseaa zaa Yisa nyaandɔliba ŋɔn daa la'am m‑bɛ ni, Pɔla dima daa zaŋŋi ba nuusi m‑pa seeba zugri ni ba diisi ba Yisa tuma kpamma. Ba daa lɔ la noori n‑susi Naawunni, ni, u gɔsi ban daa niŋi u yɛdda maa ka guri ba yɛla suŋŋa.

TUUMUDIMA TUMA 2:11

Yɛhudiyadima n nyɛ ti, ni seeba ban dɔli Yɛhudiyadima kaari: Kyiriti dima n nyɛ ti, ni Arabii dima m‑paasi. Ka ti sɔkam zaasa wumni ka ba tɔ'asiri Naawunni ŋɔn tum tunkara seesi n‑ti ti, ti toori yɛttɔ'a puuni!”

TUUMUDIMA TUMA 27:12

Ban daa bɛ seelli maa pa la zaazisuŋŋu, dama waari saha ka pɛsiŋŋu nin zeeri n‑kpeeri bɛni n‑daamni ba. Dizugu ba niriba pam daa ŋmɛ saawara n‑gbaai, ni, ba bakkma bɛni n‑du n‑kyaŋŋi; ni, di bu ya'ai ni ba ti paai Kyiriti tinseaa ban boonni Fiiniksi la, dama bɛni ba nin toaai n‑kpɛ ya'aseaa kan veeli n‑ti nyarima, waari saha maa, halli ni kan bɛ seem maa ku kyɛ ka lala pɛsima ti kpɛ na.

TUUMUDIMA TUMA 27:13

Tɔ; ban daa ti nya ka pɛsisuŋŋu daa zeeri n‑yiiri ba nyaaŋŋa na, ba daa teesi, ni, ba nin toaai n‑kyaŋŋi ba kyɛnni ban daa gbaai seem la, ka daa foaai buntibsiri kan ta'ari kyɛnni la, n‑du n‑dɔli Kyiriti tingbaŋŋu gbiriŋŋu ziiya.

TUUMUDIMA TUMA 27:21

Tɔ; ka tin daa bu di diibu ka di yuui la, Pɔla daa zɛ saazugu ba zaa sunsukkuni n‑yɛli, “N zɔdima, ya yi daa wum n noori la ka daa bu yisigi Kyiriti tin daa bɛ seela maa, di naa n‑sɔa. Lala yisigri zugu ka ti yɛla sa'am maa.

TUUMUDIMA TUMA 27:7

Ti daa du n‑kyaŋŋi; ka di daa niŋi lala, ka ti kyɛnni daa mukki ti pam, ka ti kyɛnni beelabeela ka naayi paai Kunidoosi tiŋŋa. Di saha ka pɛsiŋŋu daa tuusi ti, ka dizugu ti daa ŋmaligi n‑yakki nti dɔli Kyiriti tingbaŋŋu ni. N‑kyɛnni n‑kyɛ ka tiŋŋa wa bɛ ti nudirigu ya'ari sa, n‑kyaŋŋi n‑gaari Salimooni tiŋŋa;

I KƆRINTI DIMA 11:34

Kɔm yi mari sɔa, ŋɔn dima u yiri ni pɔi, ka lala nin kyɛ ka ya yi la'am taaba ya ku nya galinsi di zugu. Tɔ: n yi ti kyɛ ya saani na, n nin laa n‑wulisi ya din kpalim la zaa.

I KƆRINTI DIMA 14:40

See ka bunseelikam niŋi suŋŋa ka dɔli soori deede.

I KƆRINTI DIMA 4:17

Dinŋɔ zugu ka n tum Timɔti ya saani na; u nyɛ la m biwuttigu ni yɛlimaŋni, ka laa n‑nyɛ sɔ ŋɔn zɛ yummu ti Dugma yɛla zugu. Ŋɔna nin toaai n‑teaari ya man Kirisita beesigu sɔya yɛla, hoo man ŋɔn wulisi seem lugri kam man la'amni ni Naawunni niriba zaa.

KƆLOOSIDIMA 2:5

Ni n ziiya ŋɔn wa'a ni ya beebu zii maa zaa, n sufu ni teesa, ni n sii maa, bɛ la ya saani. N sufu maaya pam, man nya yan dɔli soori maa suŋŋa seem, ka laa m‑baŋŋi ya Kirisita yɛdda niŋbu ŋɔn zɛ yummu seem la zaa.

I TIMƆTI 1:3

Tɔ, teaama man daa gatti n‑kyaŋŋi Masidoonya ka yɛli i seem la. Ni, see ka i kpalim m‑bɛ Ɛfɛsusi timpuuni sa: ni, ninvugseeba m bɛ bɛni n‑wulisiri ziri wulisigu. Ka dizugu m boori ni i yɛli ba, ka ba kyɛ lala wulisigu maa.

II TIMƆTI 2:2

I pun wum Naawunni yɛttɔ'asuma man saani, ka niriba pam gba daa la'amni i saani n‑wumna. Tɔ: ka dinŋɔna zaŋŋma anŋɔ n‑wulisiri ninvugseeba ban zɛ yummu ka nyɛ ban gba nin toaai n‑zaŋŋi a n‑wulisiri ba taaba.

TAITUUSI 1:12

Kyiriti dima maa muna - halli ba maŋtoori anabisɔ gba daa yɛli ba yɛla, ni#:- “Kyiriti dima kur nyɛ la ziri dima saha zaa; Ka nyɛ ninvugbeeri, ka nyɛ gbinnya'adima: Beem dima ban wuri bundirigu pam yɔri.”