TAITUUSI 1:4 - Mampruli

⁴ N sɔbri n‑tiri la nyini, Taituusi, dama i nyɛ la m bimaŋni, ti zaa ŋɔn mari yɛdda yinni zugu. Ti Ba Naawunni ni Kirisita Yisa nin niŋi bunsuma zaa n‑niŋi i, ka ti i alaafɛa.

TAITUUSI 1:4 Iomraidhean Croise

LUUKI 2:11

Dama ba da dɔ'ai ya Tuligra zuna yuŋŋu wa. NaaDauda tiŋŋa ka ba da dɔ'ai u. Ŋɔna n nyɛ Masiiya, Naawunni ŋɔn daa basi nangbambasiri, ni, u zaŋŋi sɔ n‑tum na, ka u nyɛ ti Dugma la.

GYƆNI 4:42

Ka daa yɛli pɔ'a maa, ni, “Pampaŋŋɔ di pa la nyin ŋɔn yɛli seem maa zugu ka ti niŋni yɛdda, amaa ti mammaŋŋa n wum u noori nti baŋŋi, ni, u siri nyɛ la duniya dima Tiligra maa.”

ROOM DIMA 1:12

Di nyɛ la: ti kpamsiri taaba sufu, man ni yarima zaa, ti zaa ŋɔn niŋni yɛdda seem zugu.

ROOM DIMA 1:7

Tɔ: yarima ka n sɔbri gbaŋŋu wa n‑tiri ya, ya zaa ban bɛ Room tiŋŋa ka Naawunni wuri ya ka booli ya nti kyɛ ka ya leebi u niriba maa. Ti Ba Naawunni, ni ti Dugma Yisa Kirisita, tim ya bunsuma ni alaafɛ zaa.

II KƆRINTI DIMA 12:18

N daa bɛlim la Taituusi, ni, u kyɛ ya saani na, ka daa tum ti mabisɔ ni u dɔli u na m‑paasi. Tɔ, Taituusi daa fa ya neema? - Ay! u daa bu fa. Pa Sii yinni ni soori yinni maa ka ti dɔla la - m mammaŋŋa ni ban zaa?

II KƆRINTI DIMA 2:13

Amaa n daa na kpalim n‑ka sufudoaa dama n daa bu nya m mabii Taituusi la bɛni. Lala zugu ka n daa kyeoosi ba ka gaari n‑kyaŋŋi Masidoonya.

II KƆRINTI DIMA 4:13

Di sɔbi n‑dooli, ni, “N daa niŋi yɛdda; dizugu ka n daa tɔ'asi.” Tɔ, ka tirima gba niŋi yɛdda, ka lala zugu ka ti tɔ'asira.

II KƆRINTI DIMA 7:6

Amaa ni di zaa yɔri, Naawunni n nyɛ sɔ ŋɔn gɔsiri ban ka yaa yɛla n‑tiri ba maasim, ka u daa maai ti sufu, ka kyɛ ka Taituusi kyɛ ti saani na.

II KƆRINTI DIMA 8:16

M puusiri Naawunni ŋɔn daa kyɛ ka Taituusi gba nini moaai zaŋŋi n‑kyaŋŋi ya yɛla zugu.

II KƆRINTI DIMA 8:23

Taituusi muna - u nyɛ la n tuntuntaraana ya saani. Ka ti mabiisi wa mun zɛ la ba taaba zaaziiya, ba taaba mun n nyɛ baseeba ban la'amni n‑gyeemni Naawunni tinsi zaa puuni; ka ban laa n‑nyɛ seeba ban kyɛ ka Naawunni nya pɛ'abu.

II KƆRINTI DIMA 8:6

Tɔ: Taituusi daa pun daŋŋi m‑piili lala tuma maa, ka dizugu ti daa susi u, ni, u tumma tunveelli wa n‑naai yarima gba saani.

GALƐSEAA DIMA 2:3

Amaa n dɔlinkpeaa Taituusi, halli ni ŋɔn daa nyɛ Griika doo maa zaa yɔri, u daa bu nya mugsi gunibu zugu.

GALƐSEAA DIMA 3:26

Di nyɛ la Kirisita Yisa yɛdda la zugu ka yarima zaa n nyɛ Naawunni biisi.

GALƐSEAA DIMA 3:28

Ka dinzugu Yisa saani ka Yɛhudiyadima ni ban pa Yɛhudiyadima yɛla laa n‑ka ni, bee, daaba ni ban su ba mansi yɛla, bee, dappa ni pɔ'aba yɛla - anŋɔ zaa laa n‑ka ni. Ya zaasa nyɛ la bunyinni Kirisita Yisa Masiiya puuni.

ƐFƐSUSI DIMA 1:2

Ti Ba Naawunni ni ti Dugma Yisa Kirisita nin ti ti ya piinisuma, ni sufudoaa zaa.

I TIMƆTI 1:12

M puusiri ti Dugma Yisa Kirisita ŋɔn tiri ma yaa ni n tum tuma wa. M puusiri u ŋɔn nya ka yɛdda daana n nyɛ ma, ka dizugu di sumni ni u gaŋŋi ma ka zaali ma u tuma wa ni maa.

II TIMƆTI 1:1

Mani Pɔla n sɔbri gbaŋŋu wa n‑ti i, man ŋɔn nyɛ Kirisita Yisa tuumu, ka Naawunni daa yiisi ma ni u ti diisi ma lala kpamni maa. Ŋɔn Naawunni mun daa pun basi nangbambasiri zaŋŋi n‑kyaŋŋi nyɔvuri din bɛ Kirisita Yisa saani yɛla.

II TIMƆTI 1:2

N sɔbri n‑tiri nyini, m biwuttigu Timɔti. Ti Ba Naawunni ni ti Dugma Kirisita Yisa nin zaŋŋi piinisuma n‑ti i ka zɔ i namboo, ka ti i sufudoaa ni alaafɛa!

II TIMƆTI 4:10

Dama ba zaa bakki ka kyɛ ma: Diimasi daa kyaŋŋi Tɛsalɔnika, ŋɔn wuri duniya wa buna zugu; Karɛseensi mun daa kyaŋŋi Galɛseaa, ka Taituusi kyaŋŋi Dalimɛseaa.

TAITUUSI 1:3

Ka saha maa deede ŋɔn daa ti paai, u daa kasigi u yɛligu maa n‑tiri niriba. Naawunni ŋɔn nyɛ ti tuligra la n daa zaŋŋi lahabasuŋŋu maa n‑niŋi n nuusi ni, ka m moonni ka: ka lala lahabaari puuni ka u wulisiri u yɛligu yɛla.

TAITUUSI 2:13

Ti niŋma dinŋɔ ka guusiri ti tama paalu yiibu na - Yisa Masiiya ŋɔn ti ya zaŋŋi u gyirima n‑yi paalu ni na nla, ka u nyɛ la ti Naawuntitaari, ni ti Tuligra.

II PIITA 1:1

Mani Saimoon Piita, Yisa Kirisita Masiiya tuumu, ni u daabri - mani n sɔbri n‑tiri ya. Yarima ka Naawunni Yɛlimaŋni Daana ni ti Tiligra Yisa Kirisita, daa kyɛ ka ya nya soori ni ya niŋi yɛdda - yɛdda tibsiri din ŋmanni ti dinni wa.

II PIITA 1:11

Dinŋɔ nin kyɛ ka ya nin nya soori n‑kpɛ Naawunni yiri naam maa ni, Yisa Kirisita ŋɔn nyɛ ti Dugma ni ti Tiligra zugu. Ka u mun naam ka naari.

II PIITA 2:20

Ka dinŋɔna, ba nyɛ la seeba ban daa daŋŋi n‑zɔ n‑yi duniya wa yɛla ni, hoo sɔkyɛnniba ŋɔn yi pa'ari ni m‑paai neesim zii seem maa. Ka ba daa baŋŋi ti Dugma Yisa Masiiya, ti Tiligra la, yɛla pɔi, amaa ka naayi labi nyaaŋŋa ka kyɛ ka duniya yɛlibeeri laa n‑nyaŋŋi ba. Di yi bɛ lala, ba naari nyɛ la bumbeoo, ka gaari ba piiligu beeri ŋɔn daa nyɛ seem la.

II PIITA 3:18

Ya kyɛ ka ya kur kyɛnni tooni, yan bɛ ni n‑deaari piinisuma ti Dugma ni Tiligra Yisa Kirisita saani sahanseaa la, m‑paasiri bamsim zaŋŋi n‑kyaŋŋi u yɛla gba. Ŋɔnŋɔ nin mari gyirima Zuna, ni saha din ka tɔriga. Ammi.

II PIITA 3:2

M boori la ya teaai Naawunni anabisuma maa ŋɔn daa tɔ'asi yɛttɔ'aseesi sahanseaa sa la; ka laa n‑teaai Naawunni tuumudima maa ŋɔn daa yɛli yɛliseesi n‑ti ya zaŋŋi n‑kyaŋŋi ti Dugma, ti Tiligra, zaaligu la.

I GYƆNI 5:14

Lala sufukpeemni ka ti mari m‑paari Naawunni saani, ka vi ka ti: ni, ti yi ti susi bunseelli kam u saani, ka di dɔli la u yuubu ŋɔn nyɛ seem, u nin wum n‑ti ti.

GYUUDA 1:3

M mabiisi, n wuri ya pam ka di zugu n da yi boori la n sɔbi gbaŋŋu n‑ti ya zaŋŋi n‑kyaŋŋi man ni yan zaa ŋɔn la'am n‑nya tiliginsim seem maa; amaa di kpa la talasi ni n daŋŋi n‑sɔbi yɛttɔ'a n‑susiri ya, ni, ya kpaŋŋma ya mansi n‑zaŋŋi ya kpeeŋŋu zaa m‑moora, ni ya ti zɛ yɛdda yɛla maa nyaaŋŋa - yɛdda yɛliseesi Naawunni ŋɔn daa pun zaali n‑ti u niriba la.