TAITUUSI 1:2 - Mampruli

² Naawunni n daa daŋŋi m‑basi ti nangbambasiri zaŋŋi n‑kyaŋŋi nyɔvuri kan ka baasigu la pɔi ka duniya naayi piili. Ka lala nyɔvuri tama zugu ka ti mari ti yɛdda ni bamsim maa n‑zɛ yummu.

TAITUUSI 1:2 Iomraidhean Croise

MATIYU 25:34

Di saha maa ka Naa maa nin ti tɔ'asi n‑ti baseeba ban zɛ u nudirigu zii la n‑yɛli, ni, ‘Ya kyɛm na, yan zugsuŋŋu daandima wa, m Ba saani! Ya ti deaai naam maa, dama ba daa pun maali ka siri ni ka ti nyɛ ya dinni, halli duniya wa piiligu saha.

MATIYU 25:46

Ka lala niriba nin ti kyaŋŋi namsigu din ka naari ziiya, ka banŋɔ muna, ninvugsuma la, ba nin paai nyɔvuri kan ka naari ziiya.”

MAAKI 10:17

Ka Yisa ŋɔn daa ya n‑kyaŋŋi u kyɛnni maa yaasa, dɔsɔ n daa zɔ n‑kyɛ u saani na nti gbaani u tooni ka boosi u, ni, “N Karimbasuŋŋu! N ya niŋi la wula n‑nya nyɔvuri kan ka naari?”

MAAKI 10:30

di daama nin ti nya bunseesi an gaari anŋɔ zaa pampaŋŋɔ saha - u nin nya yiya kɔbkɔbga, ni mabiisi ni babiisi, ni madima ni badima ni biisi, ni puri kɔbkɔbga m‑paasi - amaa ka u nya wahala ni vɔlisa gba: ka saha din kyɛnni na u nin ti nya nyɔvuri kan ka naari.

GYƆNI 10:28

N tiri ba nyɔvuri kan ka naari, ka ba ku baasi yɔri halli saha kan ka tariga, ka sɔsɔ ku toaai n‑fa ba man saani.

GYƆNI 17:2

Dama i pun zaŋŋi yiiko n‑ti u, ni u ti su sɔkam yɛla ka zaŋŋi nyɔvuri kan ka tariga n‑ti baseeba nyini, m Ba, ŋɔn daa ti u la zaa.

GYƆNI 17:24

M Ba, ninvugseeba nyin zaŋŋi n‑ti ma la - m boori ba bɛ n saani man ŋɔn bɛ seela zaa, ka ba nin nya n gyirima - nyin ŋɔn daa zaŋŋi gyirimaseaa n‑ti ma la. Ka di nin wulisiri, ni, i daa wuri ma pɔi ka daa naayi naam duniya wa.

GYƆNI 5:39

Ya karimni Naawunni Litaafi la n‑viisira, ni, ka puuni ka ya nin nya nyɔvuri kan ka tariga; tɔ - ana n nyɛ an diri sɛhara n‑tiri man yɛla.

GYƆNI 6:54

Ŋɔn kam zaa ŋɔbi n ningbiŋŋu numni ka nyu n ziim maa mari nyɔvuri kan ka naari, ka n nin kyɛ ka u yisigi kum ni na Zaadaari maa.

GYƆNI 6:68

Ka Saimoon Piita yɛli, ni, “N dugma, ŋɔni saani ka ti ya kyaŋŋi? Nyini m mari yɛliseesi an tisiri nyɔvuri kan bu naara.

TUUMUDIMA TUMA 15:18

Sahaseaa an gaari sa ka ba daa pun baŋŋi lala.’ ”

ROOM DIMA 1:2

Lala lahabasuŋŋu wa zugu ka Naawunni daa pun daŋŋi n‑tisi noori zaŋŋi n‑kyaŋŋi ka yɛla, ka kyɛ ka u anabidima daa sɔbi a n‑dooli ŋɔn Naawunni Bukku maa puuni n‑wulisi ti.

ROOM DIMA 16:25

Ya kyɛ ka ti pɛ'ari Naawunni! Ŋɔna nin toaai n‑kyɛ ka ya nya yaa, ka di yi la man wulisiri lahabasuŋŋu maa ni na, ni Yisa Kirisita yɛla mooligu ni na. Di nyɛ la din wulisi yɛlisɔ'ara gbinni n‑tiri ya la. Ba daa sɔ'ai yɛla wa, piiligu ni halli ni zuna,

ROOM DIMA 2:7

Baseeba ban kpa n‑tum suŋŋa m‑boori veelim, ni gyirima, ni nyɔvuri din bu sa'amni la ziiya, ban ka Naawunni nin tisi nyɔvuri kan ka tɔriga.

ROOM DIMA 5:2

Dama ŋɔn Yisa zugu daa kyɛ ka ti nya yɛdda niŋbu soori nti kpɛ n‑zɛ tin bɛ zaazisunseaa wa ni. Di nyɛ la Naawunni ŋɔn daa tum lala tunsuma n‑ti ti maa. Dizugu ka ti mari sufupeelli, dama ti mari tama, ni, ti nin nya Naawunni gyirima veelim.

ROOM DIMA 5:21

Tumbeoo zugu n‑daa la, dama tumbeoo daa mari kum yiiko n‑su niriba fukumsi, amaa lala ka Naawunni piinisuŋŋu mari yɛlimaŋni yiiko n‑su ba fukumsi, halli ka ba ti nya nyɔvuri kan ka tɔriga, Yisa Kirisita Masiiya zugu.

ROOM DIMA 5:4

Sugru mun paasiri ti beesisuŋŋu, ka beesisuŋŋu mun paasiri ti tama.

ROOM DIMA 6:23

Dama Ala'akyi yoori yoori n‑tiri ka tuntumniba, ka lala yoori nyɛ la kum. Amaa Naawunni mun tiri la u piini yɔriyɔri, ka lala piini nyɛ la nyɔvuri kan ka tɔriga, Kirisita Yisa ti Dugma saani.

KƆLOOSIDIMA 1:27

Ban muna - ŋɔn Naawunni boori u wulisi yɛlisɔ'ara maa tibsim ni gyirima ŋɔn nyɛ seem maa n‑ti ba, ka a bɛ la ban pa Yɛhudiyadima maa saani gba. Ka di gbinni nyɛ la: ni, Kirisita bɛ la ya saani, ka di nyɛ la tama n‑tiri ya, ni, ya nin nya gyirima.

I TƐSALƆNIKA DIMA 2:15

Ban Izraɛli dima n daa zaŋŋi ti Dugma Yisa n‑ku u, ni anabidima gba, ka daa kari ti n‑yiisi. Ba kur tumni la din kyɛ ka Naawunni nini bu tigra, ka kur ŋmeeri nangbankpeemni ninsaalidima zaa saani.

I TƐSALƆNIKA DIMA 5:8

Amaa tirima n nyɛ wuntaŋŋa ni niriba: di zugu ya kyɛ ka ti mari ti maŋŋa. Ya kyɛ ka ti zaŋŋi yɛdda ni wurilim n‑leebi ti nyɔta'arigu m‑pa ti nyaari zugu, ka zaŋŋi ti tuliginsim tama n‑leebi tɔbtuusira kutti zupiliga la m‑pili.

I TIMƆTI 6:12

Kur bari n‑zaani m‑mɔ suŋŋasuŋŋa. Gbaam nyɔvuri kan ka tɔriga yɛla gba kirikiri. Naawunni daa booli i, ni i ti mari lala nyɔvuri maa, ka nyin mun daa tɔ'asi n‑wulisi lala paalu ni, ka niriba pam daa wum.

I TIMƆTI 6:19

Ba yi ti niŋi lala, ba la'amni la arizikki ni ba zaali ni di ti ku ba bukaata, sahaseaa kan kyɛnni na maa. Lala nin ŋmanni hoo ban dooli nyeebsuŋŋu pɔi ka naayi mɛ ka zugu seem la. Dinŋɔ nin kyɛ ka ba nyaŋŋi n‑nya nyɔvuri din nyɛ nyɔvurimaŋni la.

II TIMƆTI 1:1

Mani Pɔla n sɔbri gbaŋŋu wa n‑ti i, man ŋɔn nyɛ Kirisita Yisa tuumu, ka Naawunni daa yiisi ma ni u ti diisi ma lala kpamni maa. Ŋɔn Naawunni mun daa pun basi nangbambasiri zaŋŋi n‑kyaŋŋi nyɔvuri din bɛ Kirisita Yisa saani yɛla.

II TIMƆTI 1:9

Ŋɔn Naawunni n daa tuligi ti ka booli ti, ni di kyɛ ka ti bɛ kasi. Di pa la ti tunsuma zugu, amaa di nyɛ la u mammaŋŋa ŋɔn daa pun gbaai seem: dama u daa daŋŋi n‑yiisi u bunsuma, ni u ya n‑zaŋŋi n‑ti ti Kirisita Yisa zugu pɔi, ka sahaseelli din daa pun gaari la daa na bu piili.

II TIMƆTI 2:10

Dizugu ka n niŋni sugru, wahala yɛla zaa puuni. N niŋni lala ni n ti suŋŋi ninvugseeba Naawunni ŋɔn daa gamsi la, ni di kyɛ ka ba gba nin toaai n‑nya tuliginsim din bɛ Kirisita Yisa saani, ka mari gyirima din ku naai la.

II TIMƆTI 2:13

Ti yi bu zɛ yummu, Ŋɔn kur zɛ la yummu, Dama u ku toaai n‑za'asi u mammaŋŋa.”

II TIMƆTI 2:15

Zaŋŋma i maŋŋa n‑ti Naawunni n‑wulisi, ni, i nyɛ la tuntumnisɔ ŋɔn ku di vi u tuma ni, ka tumni suŋŋa n‑wulisiri Naawunni yɛlimaŋni ŋɔn nyɛ seem.

TAITUUSI 2:13

Ti niŋma dinŋɔ ka guusiri ti tama paalu yiibu na - Yisa Masiiya ŋɔn ti ya zaŋŋi u gyirima n‑yi paalu ni na nla, ka u nyɛ la ti Naawuntitaari, ni ti Tuligra.

TAITUUSI 2:7

Bunseelli kam zaasa puuni i maŋtoori tunveela nin wulisi ba din sum ni ba bɛ seem. I yi wulisiri ba, nyin zaanma deede; ka kyɛ ka i nini m moaai

TAITUUSI 3:7

U daa niŋi lala ni u ti deaai ti hoo yɛlimaŋni dima u lala wurilim piini la zugu, ka kyɛ ka ti nin mari tama, ni, ti siri nin di nyɔvuri kan ka tɔriga hoo ti faari tɔrli.

I GYƆNI 2:25

Tɔ, dinŋɔ ka Naawunni daa basi noori n‑ti ti maa - nyɔvuri kan ka naari.

I GYƆNI 5:20

Ti mi, ni, Naawunni Bii maa daa kyɛ na ni u ti ti ti bamsim, ni ti baŋŋi Naawummaŋni maa. Ka ti bɛ la Naawummaŋni maa saani - di nyɛ la: ti bɛ la u Bii Yisa Kirisita saani. Ŋɔna n nyɛ Naawummaŋni, ka laa n‑nyɛ nyɔvuri kan ka naari maa.

GYUUDA 1:21

ka kur kpalimma Naawunni wurilim la puuni. Ya dim sugru n‑guusiri ti Dugma Yisa Kirisita nambɔzoaa saha la, dama lala saha maa ka ya nin ti nya nyɔvuri kan ka tariga.

KASIGRI 13:8

Ka sɔkam ŋɔn bɛ duniya tingbaŋŋu zugu zaa nin gyeemni u, ŋɔnkam yuuri bu sɔbi n‑dooli nyɔvuri bukku maa ni; lala bukku ka Pɛbila maa mara, Pɛbilisɔ ban daa kɔrigi duniya piiligu ni halli ni zuna.

KASIGRI 17:8

Ni, “Nyin nya bunkɔbsɔ maa nyɛ la ŋɔn daa pun bɛ ni, ka laa n‑ka ni pampaŋŋɔa, ka u ti ya n‑du n‑yi bɔ'azuliŋŋu maa ni na. Amaa u kur wa la baasiyɔri ziiya. Ka duniya dimseeba ban yuya pa la an daa pun sɔbi nyɔvuri bukku maa puuni duniya piiligu saha maa - di nin niŋi ba alahazibu pam, ban gɔsi n‑nya bunkɔbbeoo maa yɛla, ni, ŋɔn daa bɛ ni, ka laa n‑ka ni, ka mun ya n‑kyɛ na.