TAITUUSI 1:16 - Mampruli

¹⁶ Ba yɛliya, ni, ba mi Naawunni, amaa ka ba tuma zaa kyiisiri u ni. Ba tuma zaa nyɛ la din kyisira, ni noori za'asigu. Dinzugu ba ku nyaŋŋi n‑tum tunsuŋŋu zaa.

TAITUUSI 1:16 Iomraidhean Croise

ROOM DIMA 1:28

Ban daa bu sakki ni ba baŋŋi Naawunni maa zugu n kyɛ ka Naawunni daa zaŋŋi ba m‑basi ba toori teesiyɔya ni, nti tumni tunseesi an bu tuusi.

ƐFƐSUSI DIMA 5:6

Tɔ: ka dinŋɔna yan di kyɛ ka sɔsɔ zaŋŋi u yɛttɔ'ayɔya n‑yɔmsi ya; dama lala zugu ka Naawunni sufuyisigri paari ban bu wumni u noori la.

I TIMƆTI 1:9

Ka di kpa la talasi ni ti baŋŋi, ni, Naawunni bu zaali u zaaligu dima maa ninvugsuma zugu, amaa u zaali a la zaaligu za'asiriba zugu, ni tuppuwumni dima, ni ban bu gyeemni Naawunni, ni ala'akyi dima zugu. U laa n‑zaali a la ban beebu bu bɛ kasi ka ba ba'a ka Naawunni yɛla ni la zugu, ni ban nyɛ ninvugkuuriba n‑kuuri ba badima ni ba madima la.

I TIMƆTI 5:8

Ninvugsɔ yi bu gɔsiri u dɔ'ariba, halli m‑bu gɔsiri u toori yiri dima gba, u kyiisiri la u yɛdda niŋbu soori, halli ni ninvugsɔ ŋɔn pa Yisa nyaandɔla n nyɛ bunsuŋŋu n‑gaari u.

II TIMƆTI 3:17

Dizugu Naawunni nira nin toaai n‑tumni ŋɔn Naawunni sufuyuubu ka laa m‑mari yɛm ni yiiko ni u ti tum tunsuma zaa.

TAITUUSI 3:1

Teaama i niriba n‑yɛtti ba, ni, ba kyɛ ka ba sufu bɛ nadima ni, ni ba tinkpamma ni, ka wumni ba noori yɛligu ka tumni tunsuma saha kam zaa.

TAITUUSI 3:3

Tirima mun gba daa zi Naawunni yɛla. Ka ti daa niŋni gyɛrilim, ka daa dɔli ti mammaŋŋa sufu yuubu ni kɔribeeri, ka burigri n‑yi sɔsuŋŋu ni. Ti daa za'asi ŋɔn Naawunni yɛligu ka daa sa'amni ti taaba yuya ka laa n‑zabri ba nyuuri. Ka niriba daa yaai ti, ka ti mun gba daa bu boori ba yɛla.

I GYƆNI 2:4

Ninvugsɔ yi yɛli, ni, “M mi u.”, ka bu dɔli u zaaligu maa, lala nira nyɛ la ziri daana ka yɛlimaŋni ka u ni.

GYUUDA 1:4

Dama ninvugseeba pun sɔ'ai n‑kpɛ ya saani na, ka za'asiri Naawunni gyeeŋŋu yɛla. Halli ba daa pun sɔbi lala niriba yɛla, ni, ba nin kari ba sariya n‑lusi ba. Ninvugbeeri wa n kur zeemni ti Dugma Naawunni piinisuma, halli nti takki Naawunni yɛla ka a leebi la da'ari tuma an bu dɔli soori; ka ba za'asiri ti Dugma Yisa Masiiya yɛla, halli ni ŋɔn kɔkɔ ŋɔn su ti yɛla zaa gba.

KASIGRI 21:27

Da'ari halli fiiŋ ku kpɛ tiŋŋa maa puuni, bee ŋɔn tumni vi bee ziri tuma, na'ala ban yuya bɛ Pɛbila ŋɔn su nyɔvuri bukku maa ni la.

KASIGRI 21:8

Amaa dabeem dima, ban ka yɛdda, ni putoo dima, ni ninvugkuuriba ni ban tumni zina, ni ban tumni tiima ka gyeemni buga ni ziri kam zaa dima - ban zaa ziiya nyɛ la farinwuta bugum mɔ'ari maa ni. Lala bugum mɔ'ari maa nyɛ la kum din paasiri buyi maa.”