TAITUUSI 1:15 - Mampruli

¹⁵ Bunseelli kam zaa nyɛ la kasi n‑ti ninvugseeba ban nyɛ kasi; amaa ban tumni da'ari tuma ka bu niŋni yɛdda la, bunseelli n ka ni n‑nyɛ kasi n‑ti ba. Ba sufu, ni ba sufu ni teesa zaa nyɛ la da'ari.

TAITUUSI 1:15 Iomraidhean Croise

MATIYU 15:18

Amaa din yiiri ninsaala noori ni na, u sufu ni na ka di yiira, ka din mun nin toaai n‑sa'am ninvugkasi.

TUUMUDIMA TUMA 10:15

Ka kukɔri maa maali n‑yɛli u, ni, “Naawunni ŋɔn tisi bunseelli, ni, ‘bunsuŋŋu’, nyin di kyisiri ka, ni, ‘da'ari’!”

ROOM DIMA 14:14

Man ŋɔn bɛ Kirisita ni maa kyɛ ka man bu nya ka bundiriseaa kyisiri ka toori; amaa sɔ yi teesi u sufu ni, ni, ka kyisira, dinŋɔna ka siri kyisiri n‑ti di daama.

ROOM DIMA 14:20

Yan di kyɛ ka bundirigu zugu ti sa'am Naawunni ŋɔn maali seelli. Bundiriseelli bu kyisira, amaa di bu veeli ni i di seelli ka di nin kyɛ ka i mabii maa lu tumbeoo ni.

ROOM DIMA 14:23

Amaa ŋɔn birisiri ŋɔn di seelli maa zugu, ka naayi di, Naawunni nin galim di daama di zugu, dama u bu dɔli la u yɛdda soori. Ka seelli zaa din bu dɔli yɛdda nyɛ la tumbeoo.

I KƆRINTI DIMA 10:23

Ni, ‘M mari la seelikam yiiko.’ - tɔ, amaa pa seelikam zaa m paasiri suŋŋsim. Ni, ‘M mari la seelikam yiiko.’ - tɔ, amaa pa seelikam zaa m paasiri niriba beesisuŋŋu.

I KƆRINTI DIMA 10:25

Ya ŋɔbma nakoosidima numkoosa zaa, amaa di boosiri numseesi yɛla ni ya ti nya galinsi a zugu.

I KƆRINTI DIMA 10:31

Dizugu ya yi diri diibu, bee, n‑nyuuri bunnyuura, bee, ya yi niŋni seelli zaa, ya kyɛ ka ya tumni lala n‑tiri Naawunni gyirima.

I KƆRINTI DIMA 8:7

Yɛlimaŋni nla: amaa pa sɔkam zaa m mari bamsim wa. Seeba na kpalim m‑miili la ba'a yɛla, halli ka ba yi ti di lala diibu ba teesiri, ni, ba diri a ni n‑tiri ba'ari maa. Lala ka ban bu mi taalli ni din tu la yɛla galimiya ni.

I TIMƆTI 6:5

Niriba wa taabu teesa sa'amiya zaa, ka ba daamni la taaba dizugu; ba kɔŋŋni la yɛlimaŋni zaa gba, ka teesiri, ni, Naawunni soori zugu nin kyɛ ka ba nya arizikki n‑niŋi bundaandima.

HIBRUU DIMA 10:22

Dizugu, ya kyɛ ka ti pɔri na n‑kpɛ Naawunni saani. Ti yi ya kpɛa, see ka ti sufu zɛ yummu, ka ti niŋi yɛdda ni yɛlimaŋni. Ya kyɛ ka ti sufu nyɛ sufuveela an bu galimni ti, dama ba pun zaŋŋi kɔsuŋŋu n‑su ti ningbina zaa, ka di ŋmani la hoo ban zaŋŋi ziim n‑niŋi ti, kaman zaalikurigu da'ari peaari soori ŋɔn daa nyɛ seem la.

HIBRUU DIMA 12:15

Ya mari ya mansi ka di kyɛ ka sɔ kɔŋŋi Naawunni bunsuma, miri ka putoo yɛla kpɛ na ka taasi galinsi na n‑sa'amni niriba pam yɛla.

HIBRUU DIMA 9:14

Dinŋɔna Yisa Kirisita ŋɔn daa ka galimni ka zaŋŋi u maŋŋa n‑ti Naawunni hoo ban maanni bunkɔbri seem maa, u lala maaligu gaari ban dinni. Naawunni Siiya daa sakki, ni, u zaŋŋi u maŋŋa n‑tisi; ka u tuma wa kyɛ ka ti sufu ni teesa bu laa n‑galimni ti ti tumbeeri zugu, tunseesi an daa kuuri ti la. Ka ti naayi baŋŋi n‑gyeemni Naawunni Nyɔvuri Daana.