TAITUUSI 1:11 - Mampruli

¹¹ Ba yɛttɔ'a ka soori - see ka i kyɛ ka ba sina, dama ba wulisiri la wulisiseelli din da bu sumni ni ba wulisi. Lala wulisigu maa ŋmaari la yiya. Nyoori zugu ka ba niŋni lala maa.

TAITUUSI 1:11 Iomraidhean Croise

MATIYU 23:13

Zugbeoo bɛ yarima karimbadima ni Farisidima zugu! Yan birikɔnsi dima wa! Dama ya kpari la bamsim bamsigu za'anɔri, ka niriba ku toaai n‑kpɛa. Yarima mammansi ku sakki n‑kpɛa, ka laa n‑ta'ari ban kpeeri la soori.

LUUKI 20:40

Ka dinŋɔ nyaaŋŋa sɔ daa bu laa n‑nya sufukpeemni ni u boosi u boosa yaasa.

GYƆNI 10:12

Ba yi ti yɔ tuntumnisɔ ni u tum pɛgura tuma, amaa u pa la pɛgurisɔ ŋɔn su peesi maa la, di daama yi nya ka kunduŋŋu kyɛnni na, u nin kyɛ peesi maa ka zɔa. Ka kunduŋŋu maa nin gbaai bunkɔbsɔ, ka kyɛ ka ban kpalim maa zɔ n‑wurigi.

ROOM DIMA 3:19

Tɔ; ka ti mi halli, ni, zaaligu sɔppu ŋɔn yɛli seem la, ka yɛtti n‑tiri la zaaligu niriba la - di nyɛ la, Izraɛli dima maa. Lala zugu ka ba ku laa n‑nya kukɔri, ka baŋŋi, ni, duniya niriba zaa mari la yɛttɔ'a ni ba ti tɔ'asi Naawunni tooni.

II KƆRINTI DIMA 11:10

Kirisita yɛlimaŋni ŋɔn saligi m‑bɛ n saani wa ŋɔna, ya Akaaya tingbaŋŋu ni sɔ ku toaai n‑ta'ai ma bara wa nyuubu ni.

I TIMƆTI 5:13

Din paasi dinŋɔ zugu nyɛ la#:- ba bamsiri la gbinnya'ari sɔya, ka sa'amni la ba saha n‑gyinni n‑kpeeri yiya, ka laa n‑zuuri niriba nyaansi, ka kpeeri ba yɛla ni yɔri, ka tɔ'asiri yɛttɔ'aseesi an bu sumni ni ba tɔ'asi.

I TIMƆTI 5:4

Amaa pukɔsɔ yi mari biisi bee ya'ansi, nyin kyɛ ka ba baŋŋi, ni, see ka ba daŋŋi n‑gɔsi ba toori yiri dima suŋŋa. Ba yi niŋi lala ba nin labsi n‑yɔ sanseaa ba badima ni ba yaadima maa ŋɔn daa tum tunseelli zaa n‑ti ba la. Lala n kyɛ ka Naawunni nini tigra.

I TIMƆTI 6:5

Niriba wa taabu teesa sa'amiya zaa, ka ba daamni la taaba dizugu; ba kɔŋŋni la yɛlimaŋni zaa gba, ka teesiri, ni, Naawunni soori zugu nin kyɛ ka ba nya arizikki n‑niŋi bundaandima.

II TIMƆTI 2:18

ban kyɛ yɛlimaŋni soori m‑burigi: ba yɛtti, ni, kpiimma kum ni neaari saha pun gaari. Lala ka ba niŋni n‑gbarigri seeba yɛdda.

II TIMƆTI 3:6

Niriba wa taabu yi kur yɔmsiri n‑kpeeri yiya ni, ni ba ti la'ari pɔ'aseeba ban ka yaa n‑gbaasiri ba ni ba ti leebi ba nyaandɔliba. Lala pɔ'aba mun dɔli ba, ba maŋtoori tumbeeri yɛla zugu, ni ba kɔribeeri yɛla zugu m‑paasi.

TAITUUSI 1:7

Toondaana ŋɔn su Naawunni yiri dima tuma fukumsi zugu, di niŋi la kamaata ka u mari la beesisuŋŋu ka ka galiŋŋu. Di bu sumni ni u nyuuri bara, bee, u sufu yisigi yoomyooma. Di mun bu laa n‑sumni ni u nyɛ danyuura, bee, zabboora bee, ŋɔn ba'a zaa bɛ la ligri boobu ni.

TAITUUSI 1:9

Di laa n‑niŋi kamaata ka u mari Naawunni yɛligu din nyɛ yɛlimaŋni maa kirikiri, hoo ban daa wulisi ti seem la. Lala zugu nin kyɛ ka u nin toaai n‑kpamsi u taaba ka wulisi ba yɛm ni alaafɛ sɔya ŋɔn bɛ seem; ka dinŋɔna u nin wulisi ban kyiisiri ti yɛla ba buriginsim ŋɔn nyɛ seelli.

TAITUUSI 3:10

Ninvugsɔ ŋɔn boori wɔligri muna - kur kpamsim u napɔmbuyi pɔi, ka u yi na za'asira, nyin naayi kyɛli u ka di laa m‑puusiri u.