TAITUUSI 1:10 - Mampruli

¹⁰ Dama niriba pam siri bɛ ni ban mari tuppuwumni ka kur tɔ'asiri yɛttɔ'akyɔ'ama ni ba ti yɔmsiri niriba. Seeba ban na kur dɔli la Yɛhudiyadima addiini kaya soori maa bɛ la lala halli.

TAITUUSI 1:10 Iomraidhean Croise

TUUMUDIMA TUMA 11:2

Ka Piita ŋɔn daa kyaŋŋi Gyɛrusalɛm sahanseaa la, baseeba ban daa dɔli Yɛhudiyadima kaari ni nimmoaa la daa ŋmɛ nangbankpeemni n‑galimni u,

TUUMUDIMA TUMA 15:1

Tɔ. Ninvugseeba daa yi Gyuudii tingbaŋŋu ni n‑kyɛ Antiyɔkku tiŋŋa na. Lala niriba daa wulisiri ninvugseeba ban dɔli Yisa la, ni, see ka ba guni hoo Musa ŋɔn daa zaali seem la; ni, di yi pa lala ba ku toaai n‑nya tuliginsim.

TUUMUDIMA TUMA 15:24

Ti wumiya, ni, seeba daa yi ti saani m‑paai ya na - tirima mun daa bu tum ba - ka daa daamni ya n‑sa'amni ya sufu ni yɛttɔ'aseesi ban yɛtti maa.

TUUMUDIMA TUMA 20:29

M mi halli, ni, n yi ti bakki, di nin ti bɛ kaman kunduna putoo dima nin ti kpɛ na, ka ba ku ti zɔ bunkɔbri maa namboo halli beela.

GALƐSEAA DIMA 2:4

Ay! - di daa nyɛ la yɔmsigu dima maa zugu, baseeba ban daa ma'ai ziri, ni, ba nyɛ la ban niŋi yɛdda: niriba wa daa kpɛ ti saani na, ni ba ti sɔ'ai m‑baŋŋi ti yɔlisimma yɛla maa - tin mari yɔlisinseaa Yisa Masiiya dɔligu zugu la - dama ba daa boori la ba zaŋŋi ti n‑leebi daaba.

GALƐSEAA DIMA 3:1

Yarim Galɛseaa dima wa! Yan gyɛra dima wa! Ŋɔni n lee n‑zaŋŋi u tiima n‑kyirim ya wa? Ya mammantoori nini n daa nya m‑baŋŋi Yisa Masiiya kum maa yɛla, ni, ba daa kpaasi u n‑tabli dɔpulli zugu!

ƐFƐSUSI DIMA 4:14

Ka ti ku laa n‑nyɛ bileesi, ti ku laa n‑dɔli wulisigu balibubalibu hoo pɛsigu ŋɔn zɛ ti yɔriyɔri seem; ti ku laa n‑kyɛ ka yɔsimyɔmsiriba nin ma'ai ti ziri n‑yɔmsiri ti.

I TIMƆTI 1:4

Ni, ba kyɛli daadaa yɛla bamsigu - lahabaseesi an ka yɛlimaŋni, ni dɔ'am kpamma yuya kaaligu din ka tɔriga la. Dama a kur taasiri la nangbankpeemni kɔkɔ na, ka bu wulisiri Naawunni yuubu soori, dama dinŋɔ nyɛ la yɛdda niŋbu puuni.

I TIMƆTI 1:6

Ninvugseeba mun ŋmaligi ni, ka kyɛ anŋɔa zaa; ka bɔrigi n‑kpalim la yɛttɔ'akyɔ'ama tɔ'asigu ni.

I TIMƆTI 1:9

Ka di kpa la talasi ni ti baŋŋi, ni, Naawunni bu zaali u zaaligu dima maa ninvugsuma zugu, amaa u zaali a la zaaligu za'asiriba zugu, ni tuppuwumni dima, ni ban bu gyeemni Naawunni, ni ala'akyi dima zugu. U laa n‑zaali a la ban beebu bu bɛ kasi ka ba ba'a ka Naawunni yɛla ni la zugu, ni ban nyɛ ninvugkuuriba n‑kuuri ba badima ni ba madima la.

II TIMƆTI 3:13

Halli ka teesibeeri dima ni ziri dima zaa nin maali n‑gbarigi ba tumbeeri zugu. Ba yɔmsiri niriba, ka niriba mun yɔmsiri ba gba.

II TIMƆTI 4:4

Ba nin za'asi yɛlimaŋni wumpu, ka zaŋŋi ba ba'aba zaa n‑niŋi kurimbu ni sa lahabaya an ka yɛlimaŋni.

TAITUUSI 1:6

I yi diisi sɔ toondaana, see ka di daama mari la beesisuŋŋu ka ka galiŋŋu. See ka u mari la pɔ'a yinni, ka u biisi n nyɛ seeba ban niŋni yɛdda, ka niriba ku nya taalli ba saani, ni, ba bu gbaari ba mansi suŋŋa, bee, ba bu deaari ba badima maa noori.

GYEEMSI 1:26

Sɔ yi teesi, ni, u nyɛ la zaaligu sɔdɔla amaa ka bu gbaai u zulimni garigɛ suŋŋa, u yɔmsiri la u maŋŋa, ka sɔseaa ŋɔn dɔla maa ka anfaani.

I GYƆNI 2:18

M biisi, saha maa nŋɔa. Ba daa pun yɛli ya, ni, Masiiya Dindaana maa nin ti kyɛ na; tɔ, ka u dindaandima pam pun kyɛ na. Dinŋɔ nin kyɛ ka ti baŋŋi, ni, saha maa nŋɔa.

I GYƆNI 2:4

Ninvugsɔ yi yɛli, ni, “M mi u.”, ka bu dɔli u zaaligu maa, lala nira nyɛ la ziri daana ka yɛlimaŋni ka u ni.

I GYƆNI 4:1

M mabiisi, yan di deaai sɔkam zaa ŋɔn yɛnni, ni, u mari Naawunni Sii maa, n‑niŋi u yɛligu yɛdda; amaa ya zamsim di daama n‑nya u yɛligu yiiko yi la Naawunni Sii maa saani na, bee? - Dama ziri anabidima pam pun yi duniya wa na.

KASIGRI 2:14

Amaa m mari yɛttɔ'aseesi ni n nin yɛli n‑galim ya, ni, ninvugseeba bɛ ya saani ban dɔli la Beelɛm wulisigu yɛla. Dama ŋɔn Beelɛm daa nyɛ dɔsɔ ŋɔn daa wulisi NaaBalakku ŋɔn nin niŋi seem n‑kyɛ ka Izraɛli dima tum tumbeeri. Ka lala daa kyɛ ka ba daa burigi soori, n‑tɔtti maaligu numni n‑dira, ka a daa yi la ziri wuna la sara ni na; ka u daa laa n‑kyɛ ka ba tumni zina m‑paasi.

KASIGRI 2:6

Halli bunsuŋŋu na kpalim m‑bɛ ya saani. Dama ya ku sakki Nikɔlaati dima yɛla, hoo man gba ŋɔn ku sakki ba yɛla seem.”