TAITUUSI 1:1 - Mampruli

¹ Gbaŋŋu wa yi la man Pɔla saani na. Man mun nyɛ daabri n‑ti Naawunni, ni tuumu n‑ti ti Dugma Yisa Kirisita Masiiya. Naawunni n daa gaŋŋi ma ka tum ma ni n‑kyaŋŋi nti kpamsi u ninvuggamsa la yɛdda. U daa laa n‑tum ma ni n kyaŋŋi nti kyɛ ka ba baŋŋi yɛlimaŋni zaŋŋi n‑kyaŋŋi Naawunni soori ni.

TAITUUSI 1:1 Iomraidhean Croise

LUUKI 18:7

Kala, ya teesiya, ni, Naawunni ku ti wum ninvugseeba ban kumni m‑paari u wuntaŋŋa ni yuŋŋu, ni, u suŋŋma ba maa ka zɔ ba namboo, ka fa ba m‑basi?

TUUMUDIMA TUMA 13:48

Ka ninvugseeba ban pa Yɛhudiyadima la ban daa ti wum lala, ba mari la sufupeelli pam m‑pɛ'ari ti Dugma yɛligu maa. Ka ba seeba daa nyɛ seeba ban ya n‑nya nyɔvuri kan ka naari, ka daa niŋi Yisa yɛdda di zugu.

ROOM DIMA 1:1

Man Pɔla n sɔbri gbaŋŋu wa n‑tiri ya. Mani n nyɛ sɔ Naawunni ŋɔn booli ma ni n ti leebi u tuumu la, ka laa n‑gaŋŋi ma n‑zaali u lahabasuŋŋu tuntumna.

II KƆRINTI DIMA 1:1

Man Pɔla n‑sɔbri gbaŋŋu wa - man ŋɔn nyɛ Yisa Kirisita Masiiya tuumu, Naawunni yuubu zugu - man ni ti mabii Timɔti: ti sɔbri n‑tiri ya, yan bɛ Kɔrinti tiŋŋa n‑la'amni n‑gyeemni ti Dugma la, ni Naawunni niriba zaa ban bɛ Akaaya tingbaŋŋu ni.

ƐFƐSUSI DIMA 2:8

Dama piiniseaa tin bu sumni ka la zugu ka ya nya tuliginsim, ya yɛdda niŋbu zugu. Ka di pa la ya mammantoori yiiko zugu: piini maa yi la Naawunni saani n‑ti ya na.

FILIPAAI DIMA 1:1

Gbaŋŋu wa yi la man, Pɔla, saani na - man ni Timɔti gba: tirim mun nyɛ Yisa Kirisita Masiiya daaba, ka ti sɔbri n‑tiri ya Naawunni niriba, yaseeba ban bɛ Filipaai tiŋŋa ka bɛ ni ni Yisa Kirisita taaba, yan ni ya gyeeŋŋu kpamma ni ban suŋŋni ba zaa.

KƆLOOSIDIMA 2:2

N tumni lala ni di ti kyɛ ka ba sufu ti kpamsi, ka ba mari la nangbanyinni ni wurilim ni taaba. Lala ka ba nin ti baŋŋi Naawunni bunsuma zaa, birisigu ka ni, halli nti baŋŋi Naawunni yɛlisɔ'ara maa gbinni - din nyɛ Kirisita la.

I TIMƆTI 2:4

ka boori ni sɔkam zaa ti tuligi ka baŋŋi yɛlimaŋni ŋɔn nyɛ seelli.

I TIMƆTI 3:16

Sɔ ku toaai n‑kyiisi, ni, ti Naawunni soori yɛlisɔ'ara wa bu galisi. Dina n nyɛ, ni#:- “U daa leebi ninsaala n‑yi paalu, Naawunni Sii Kasi mun daa zɛ u nyaaŋŋa: Malaakadima gba daa nya u. Ba daa mooli u yɛla n‑tiri bura kam zaa, Ka niriba daa niŋi u yɛdda duniya wa ni. Naawunni daa ti duusi u saazugu N‑taasi gyirima zaa ziiya arizana ni.”

I TIMƆTI 6:3

Ka ŋɔnkam wulisiri wulisigu din bɛ di kɔkɔa, ka bu dɔli ti Dugma Yisa Kirisita yɛligu din mari alaafɛ la, bee, Naawunni soori wulisigu tin dɔli seaa la,

II TIMƆTI 2:10

Dizugu ka n niŋni sugru, wahala yɛla zaa puuni. N niŋni lala ni n ti suŋŋi ninvugseeba Naawunni ŋɔn daa gamsi la, ni di kyɛ ka ba gba nin toaai n‑nya tuliginsim din bɛ Kirisita Yisa saani, ka mari gyirima din ku naai la.

II TIMƆTI 2:23

Kur yiisima i nuu ka kyɛ gyɛrilim zaa, ni boosa boosigu zaŋŋi n‑kyaŋŋi yɛttɔ'akyɔ'ama yɛla. I mi halli, ni, a yi taasiri la nangbankpeemni na.

II TIMƆTI 2:25

Di laa n‑sumni ni u bɛ la baalimm n‑wulisiri ban ŋmeeri nangbankpeemni, ni, ba ti baŋŋi din tuusi. Dama di pa seelli ka Naawunni ti kyɛ ka ba takki ba teesibeeri ni ba ala'akyi soori nti baŋŋi yɛlimaŋni ŋɔn nyɛ seelli.

GYEEMSI 1:1

Mani, Gyeemsi, n sɔbri wa m‑puusiri ya. N sɔbri n‑tiri ya Izraɛli za'anɔya pii-ni-ayi niriba, yaseeba ban wurim m‑bɛ duniya tingbana la zaa. Man Gyeemsi mun nyɛ Naawunni ni ti Dugma Yisa Kirisita daabri la.

II PIITA 1:3

Ŋɔn Naawunni yiiko tiri ti tin boori seelli zaa zaŋŋi n‑kyaŋŋi ti beesigu ni ti gyeeŋŋu yɛla. Dama ti baŋŋi u, ni, u booli ti ni ti ti paai u maŋtoori gyirima ni u veelim saani na.

II PIITA 3:11

Dizugu, m mabiisi, a zaa yi ya sa'am lala, n ya m‑boosi ya n‑nya#:- wula niriba ka di sumni ni ya n nyɛa? Ay! - See ka ya beebu nyɛ kasi ka ya zaŋŋi ya mansi n‑ti Naawunni kɔkɔa!

I GYƆNI 2:23

Ninvugsɔ ŋɔn za'asiri Naawunni Bii la, u Ba Naawunni gba ka u za'asira. Ŋɔn mun sakki n‑ti Bii maa, u sakkri n‑tiri u Ba maa gba.

KASIGRI 1:1

Gbaŋŋu wa lahabaari wulisiri la Naawunni ŋɔn daa kyɛ ka Yisa Kirisita Masiiya ti kasigi n‑wulisi n‑ti u nyaandɔliba la. Di nyɛ la lahabaari zaŋŋi n‑kyaŋŋi duniya yɛliseesi an ya n‑niŋi pampaŋŋɔ zaŋŋi n‑kyɛnna. Yɛla wa zugu ka Masiiya maa daa tum u malaakasɔ man Gyɔni saani, man ŋɔn nyɛ u daabri maa.