MATIYU 5:1 - Mampruli

¹ Tɔ. Yisa ŋɔn daa nya niriba maa, u daa kyaŋŋi nti du zoori la ni. U daa zinni bɛni ka u nyaandɔliba daa kyɛ u saani na.

MATIYU 5:1 Iomraidhean Croise

MATIYU 13:2

Daadam pam daa la'am u saani na, ka dizugu u daa kpɛ nyariŋŋu puuni nti zinni. Nyariŋŋu maa daa bɛ la koom puuni ka daadam maa daa zɛ mɔ'ari maa gbiriŋŋu.

MATIYU 15:29

Di saha ka Yisa daa bakki n‑kyaŋŋi n‑dɔli Galilii mɔ'ari kpaŋŋa, nti du zoori zugu n‑zinni bɛni.

MATIYU 4:25

Ka Galilii dima daadam pam daa yi na n‑dɔli u, ni Tinsi Piiya tingbaŋŋu dima, ni Gyɛrusalɛm tiŋŋa, ni Gyuudii tingbaŋŋu dima, ni tingbanseaa zaa an bɛ Gyɔdin mɔ'ari ya'ari wa sa.

MATIYU 5:2

Ka u daa gbaai ba wulisigu n‑yɛli, ni#:-

MAAKI 3:13

Di saha ka Yisa daa du zoori zugu, ka booli ŋɔn boori seeba ka ba daa kyaŋŋi nti paai u saani na.

MAAKI 3:20

Tɔ; ka Yisa daa kyaŋŋi nti kpɛ yiri ni, ka daadam daa laa n‑la'amni na halli ka ŋɔn ni u nyaandɔliba maa daa bu nyaŋŋi n‑di bundirigu gba.

MAAKI 4:1

Tɔ; ka Yisa daa laa n‑gbaai yɛttɔ'a n‑wulisiri niriba, Galilii mɔ'ari kpaŋŋa. Niriba ban daa la'am u saani maa daa zoaaya pam, dizugu u daa kpɛ la nyariŋŋu puuni nti zinni. Nyariŋŋu maa daa bɛ la koom puuni ka daadam maa daa kpalim mɔ'ari maa gbiriŋŋu n‑wumna.

LUUKI 6:12

Tɔ. Ka di saha maa ka Yisa daa yi n‑kyaŋŋi n‑du zoori zugu ni u ti susi Naawunni, ka daa kur kpalim m‑bɛ ni yuŋŋu maa zaa n‑susiri Naawunni.

LUUKI 6:17

Ka ŋɔn ni u tuumudima wa n daa yi zoori maa zugu n‑sigi na, ka u nyaandɔliseeba pam daa la'am na, ka daadam daa zoaai m‑paasi ba zugu; baseeba ban daa yi Gyuudiiya na, ni Gyɛrusalɛm, ni tinseesi an bɛ teeku duuri ziiya hoo Taaya ni Saidoon. Ba zaa daa kyɛ na ni ba ti wum u yɛttɔ'a maa ka tibi ba dooru balibu kam la.

LUUKI 6:20

Ka u daa ŋmaligi n‑gɔsi u nyaandɔliba maa ka yɛli#:- “Zugsuŋŋu bɛ ni n‑ti yaseeba ban nyɛ faradima, dama Naawunni naam nyɛ la ya dinni.

LUUKI 9:28

Tɔ. Yisa ŋɔn daa tɔ'asi lala nyaaŋŋa, di daa niŋi kaman daba anii ka u daa zaŋŋi Piita, ni Gyɔni, ni Gyeemsi m‑paasi u zugu, ka ba daa du zoori maa zugu ni ba ti susi Naawunni.

GYƆNI 6:15

Yisa daa pun mi, ni, ba nin kyɛ na m‑mugsi u n‑diisi u naam; dinzugu u daa bakki ka laa n‑kyaŋŋi n‑du zoori maa u kɔkɔa.