MATIYU 4:12 - Mampruli

¹² Ka Yisa ŋɔn daa ti wum, ni, ba gbaai Gyɔni n‑kpari, u daa bakki n‑kyaŋŋi m‑paai Galilii tingbaŋŋu ni.

MATIYU 4:12 Iomraidhean Croise

MAAKI 1:14

Ka Naaba ŋɔn daa gbaai Gyɔni n‑kpari sahanseaa la, di saha ka Yisa daa kyaŋŋi m‑paai Galilii tingbaŋŋu ni n‑tɔ'asiri Naawunni lahabasuŋŋu maa yɛla.

LUUKI 3:20

Dinzugu NaaHɛroodi daa laa n‑tum tumbɛseaa kan gaari ŋɔn pun tum tunseesi la zaa ka kyɛ ka ba gbaai Gyɔni n‑kpari dansarika ni.

MATIYU 14:3

Ka di gbinni n‑daa nŋɔa: Pɔ'asɔ n daa bɛ ni ka u yuuri boonni Hɛroodiyasi. Ŋɔn Hɛroodiyasi daa nyɛ la NaaHɛroodi beeri, Filipi, pɔ'a, ka Naaba daa fa u n‑di u. Dizugu ka Gyɔni daa yɛli Naa maa, ni, “Di ka soori ni i di pɔ'a maa!” Ka u pɔ'a Hɛroodiyasi zugu daa kyɛ ka NaaHɛroodi daa tum n‑gbaai Gyɔni m‑ba u kutti ka kpeesi u dansarika.

GYƆNI 3:24

(Di saha maa ka ba daa na bu gbaai Gyɔni n‑kpari duu.)

LUUKI 4:14

Tɔ; ka di nyaaŋŋa ka Sii Kasi kpeeŋŋu daa paali Yisa maa ni, ka u labi Galilii tingbaŋŋu ni na. Ka bɛni tinkpansi maa, ni an zɛ gyilagyila zaa, daa wum u lahabaari maa.

MAAKI 6:17

Ka di gbinni n‑daa nŋɔa: NaaHɛroodi daa pun tum n‑gbaai Gyɔni m‑ba u kutti ka kpeesi u dansarika. Hɛroodiyasi zugu ka u daa pun niŋi lala: ŋɔn mun Hɛroodiyasi daa nyɛ la u beeri Filipi pɔ'a, ka Hɛroodi daa fa u n‑di.

GYƆNI 4:54

Makkri tunkanŋɔ daa paasi la buyi ka Yisa daa tum, ŋɔn daa yi Gyuudiiya n‑kyɛ Galilii tingbaŋŋu na maa.

GYƆNI 4:43

Yisa ŋɔn daa niŋi u daba ayi bɛni n‑naai, u daa doaai n‑kyaŋŋi Galilii tingbaŋŋu ni.

LUUKI 4:31

Tɔ; ka Yisa daa kyaŋŋi n‑sigi m‑paai Kapirinyum - Galilii tingbaŋŋu tinseaa n nyɛ ka. U daa paai m‑bɛ ni, ka daa la'amni ni Kapirinyum dima n‑wulisiri ba, Vuusim Dabsiri kam zaa.

MATIYU 11:2

Di saha ka Gyɔni daa bɛ dansarika ni - Gyɔni sɔ ŋɔn daa su niriba Naawunni koom la. U daa ti wum Yisa ŋɔn daa tumni seem, ka daa tum u nyaandɔliba Yisa saani na,

LUUKI 23:5

Amaa ka toondaandima nini kur moaai ka ba maali n‑yɛtta. “U wulisiri niriba Izraɛli dima tinsi zaa, n‑daa piili la Galilii halli nti paai kpa na, ka daamni niriba sufu pam.”

GYƆNI 1:43

Beoo ŋɔn daa laa n‑neaai, Yisa daa yɛli, ni, u ya doaai n‑kyaŋŋi Galilii tingbaŋŋu maa ni. Di saha ka u daa nya Filipi, n‑yɛli u, ni, “Kyɛm na n‑dɔli n nyaaŋŋa!”

GYƆNI 2:11

Dinŋɔ n nyɛ alahazibu tunseelli Yisa ŋɔn daa daŋŋi n‑tum n‑wulisi u yiiko ŋɔn daa nyɛ seem la. Galilii tingbaŋŋu tinkpanseelli kan boonni Kanna ka u daa tum alahazibu tumni maa. Ka u nyaandɔliba daa ti niŋi u yɛdda di zugu.