MATIYU 3:5 - Mampruli

⁵ Ka daadam pam daa la'am n‑yi n‑kyɛ u saani na; ba daa yi la Gyuudii tingbaŋŋu ni na, ni Gyɛrusalɛm tiŋŋa ni, halli ni tinseesi zaa an bɛ Gyɔdin mɔ'ari duuri m‑paasi.

MATIYU 3:5 Iomraidhean Croise

MAAKI 1:5

Ka daadam daa la'am n‑yi u saani na pam; ba daa yi la Gyuudii tingbaŋŋu ni na, ni Gyɛrusalɛm tiŋŋa m‑paasi. Ka ba daa paai u na ka wulisiri ban tum tumbɛseesi maa, ka u daa su ba tumbeeri kyɛ-m‑pɛŋŋi kɔsuubu, Gyɔdin mɔ'ari la ni.

GYƆNI 5:35

Gyɔni muna - u daa nyɛ la bugum firila n‑nya'asira, ka ya daa sakki ni ya paai u neesim maa na, ka di daa niŋi ya nya'asim ni sufupeelli ka daa yuui beela.

GYƆNI 3:23

Di saha ka Gyɔni gba daa suuri niriba: u daa bɛ la Aynɔn ziiya, ka di bu wɔ'a ni Saalim tiŋŋa. Koom daa zoaai bɛni, ka niriba daa kyɛnni u saani na ka u tiri ba kɔsuubu.

LUUKI 16:16

Ni, “Musa zaaligudima ni anabidima sɔppu yɛla n daa pun bɛ ni, halli ka Gyɔni ti kyɛ na; amaa di saha zaŋŋi n‑kyɛnna ba na kur moonni Naawunni naam lahabasuŋŋu ka sɔkam zaa zaŋŋi kpeeŋŋu m‑moori ni u kpɛ di maasim ni.”

LUUKI 3:7

Tɔ; ka daadam daa la'am Gyɔni saanni na pam, ni u su ba Naawunni koom. Ka u daa yɛli zama maa, ni “Ya bunkyɔ'ama wa! Ya kur ŋmani la hoo wa'abeeri! Ŋɔni n wulisi ya Naawunni ŋɔn ya namsi ya seem ka ya yɛnni, ni, ya nin zɔ n‑yi namsigu maa ni?

MATIYU 4:25

Ka Galilii dima daadam pam daa yi na n‑dɔli u, ni Tinsi Piiya tingbaŋŋu dima, ni Gyɛrusalɛm tiŋŋa, ni Gyuudii tingbaŋŋu dima, ni tingbanseaa zaa an bɛ Gyɔdin mɔ'ari ya'ari wa sa.

MATIYU 2:1

Ban daa ti dɔ'ai Yisa Bɛtlihɛm timpuuni n‑naai, Meegyai daa yi wuntampusiri tinwa'aligu ziiya n‑kyɛ Gyɛrusalɛm na - ban n daa nyɛ ninvugseeba ban baŋŋi saŋmariwuusi yɛla, ni bamsim pam m‑paasi. Di saha maa Bɛtlihɛm daa bɛ la Gyuudiiya naam suulinsi ni, ka NaaHɛroodi mun daa di lala tingbaŋŋu naam maa.

LUUKI 3:3

Dizugu ka Gyɔni daa kyaŋŋi n‑gyinni Gyɔdin mɔ'ari ziiya gyilagyila ni, m‑moonni n‑yɛtti, ni, “Ya kyɛli ya teesibeeri, ni ya tumbeeri tuma, m‑basi. Ka lala zugu ya kyɛm na ka man nin su ya Naawunni koom, ka Naawunni nin kyɛ ya taalli zaa m‑pɛŋŋi ya.”