MATIYU 3:2 - Mampruli

² n‑yɛtti, ni, “Ya kyɛli ya teesibeeri ni ya tumbeeri zaa, dama Arizana naam bɛ la ya saani.”

MATIYU 3:2 Iomraidhean Croise

MATIYU 10:7

Ka ya yi kyɛnna, ya moolima n‑yɛtti, ni, Arizana naam bɛ la ba saani.

MATIYU 11:20

Di saha ka Yisa daa gbaai tinsi maa galiŋŋu - tinseesi ŋɔn daa pun bɛ ni n‑tumni u alahazibu tuma ba saani la; ka di zaa yɔri ba daa za'asi, ni, ba ku wum u yɛligu n‑kyɛ ba tumbeeri ni ba teesibeeri yɛla.

MATIYU 12:41

Niniva dima gba daa wum Gyoona wa'azu yiisigu la ka daa kyɛ ba tumbeeri m‑basi ka niŋi tuuba, ka dizugu ba nin doaai n‑galim zuna niriba wa Zaadaari maa, dama ŋɔn gaari anabi Gyoona bɛ la kpa zuna ka ba bu ya wum.

MATIYU 13:11

Ka u daa labsi n‑yɛli ba, ni, “Dama Naawunni siri ti yarima soori ni ya baŋŋi u naam yɛlisɔ'ara ŋɔn nyɛ seem, amaa ban kpalim la ku nya lala soori.

MATIYU 13:24

Ka Yisa daa yɛli ba nyɛsiseaa m‑paasi, ni, “Arizana naam maa ŋmanni la nŋɔa#:- Dɔsɔ n daa bɛ ni ka u daa buri bumburisuma u puu.

MATIYU 13:31

Ka Yisa daa yɛli ba nyɛsiseaa m‑paasi, ni, “Arizana naam ŋmanni la hoo zinzambeelli nira ŋɔn zaŋŋi m‑buri u puu ni.

MATIYU 13:33

Ka u daa laa n‑yɛli ba nyɛsiseaa, ni, “Arizana naam ŋmanni la dabinseesi pɔ'asɔ ŋɔn daa zaŋŋi n‑gyɛri zum ni, ni u ti sɛ paanu. U daa zaŋŋi dabina beela n‑niŋi zum pam puuni - hoo zum kuriba ata - ka a dɔla, halli nti kyɛ ka zum maa zaa ti du n‑fuusi.”

MATIYU 13:47

Ni, “Arizana naam laa n‑ŋmanni la nŋɔa#:- zingbaariba daa lɔbi ba laama mɔ'ari ni n‑gba zaasim balibu kam zaa.

MATIYU 13:52

Di saha ka u daa yɛli ba, ni, “Dinŋɔ wulisiri, ni, zaaligu karimbasɔ ŋɔn labgi Arizana naam yɛla nyaandɔla ŋmanni la yiridaana ŋɔn kpeeri u neema duu ni n‑yiisiri bumpaala na, ka yiisi bunkura na m‑paasi.”

MATIYU 18:23

Ka Yisa daa yɛli, ni, “Dama arizana naam yɛla ŋmanni la nŋɔa#:- Nasɔ n daa bɛ ni, ka u daa yɛ gɔsi u kpamma ŋɔn mari u ligri n‑tumni seem.

MATIYU 20:1

Ka Yisa daa laa n‑yɛli, ni, “Arizana naam yɛla ŋmanni la nŋɔa#:- Yiridaansɔ n daa bɛ ni, ka u daa daŋŋi asuba n‑doaai n‑yi na, ni u ti bɔ tuntumniba ni ba tum u puu tuma n‑ti u.

MATIYU 22:2

“Arizana naam yɛla ŋmanni la nŋɔa#:- Nasɔ n daa bɛ ni, ka u daa sɛ'asi pɔ'adiri kyuu n‑ti u biiya.

MATIYU 23:13

Zugbeoo bɛ yarima karimbadima ni Farisidima zugu! Yan birikɔnsi dima wa! Dama ya kpari la bamsim bamsigu za'anɔri, ka niriba ku toaai n‑kpɛa. Yarima mammansi ku sakki n‑kpɛa, ka laa n‑ta'ari ban kpeeri la soori.

MATIYU 25:1

Yisa daa laa n‑yɛli, ni, “Dirindaari maa ka Arizana naam yɛla nin ti ŋmanni nŋɔa#:- Pɔ'asara piiya n daa bɛ amriya kyuu tuma ni; ba zaa daa zaŋŋi ba firiladima n‑guusiri amriya doo maa yiri, ni ba ti yi na n‑tuusi doo maa soori, u yi ti taasi pɔ'apaalli maa n‑kunni na.

MATIYU 25:14

Tɔ: ka Yisa daa laa n‑yɛli ba, ni, “Di ŋmanni la nŋɔ : dɔsɔ n daa bɛ ni, ka u boori ni u kyaŋŋi soori, ka u daa booli u toori daaba u saani na n‑zaŋŋi u marigu n‑niŋi ba nuusi ni.

MATIYU 4:17

Di saha maa zaŋŋi n‑kyɛnna ka Yisa daa gbaai mooligu n‑tɔ'asiri Naawunni yɛla n‑yɛtti, ni, “Ya takkma ya beebu ni ya teesibeeri! Dama Arizana naam la bɛ la ya saani.”

MATIYU 4:23

Ka u daa gyiligi Galilii tinsi zaa n‑kpeeri ba la'aŋŋu duri ni n‑wulisiri ka moonni lahabasuŋŋu zaŋŋi n‑kyaŋŋi Arizana naam yɛla, ka tibri niriba ban daa beeri zaa bɛni ka dooru balimbalim m mari ba, bee, ban kɔŋŋni yaa ni alaafɛa.

MATIYU 5:10

Zugsuŋŋu bɛ ni n‑ti ban namsiri seeba Naawunni soori maa zugu la, dama Arizana naam nyɛ la ba dinni.”

MATIYU 5:3

“Zugsuŋŋu bɛ ni n‑ti ninvugseeba ban nyɛ faradima ba sufu ni, dama Arizana naam nyɛ la ba dinni.

MATIYU 6:10

Kyɛ ka i naam kyɛ na; Kyɛ ka ba tumni i yuubu yɛla N‑niŋi duniya wa ni, Hoo ban niŋni arizana ni seem.

MATIYU 6:33

Ay, see ka ya daŋŋi n‑zaŋŋi ya Ba naam yɛttɔ'a, ni u yɛla zaa, m‑mugsi ya mansi pɔi, ka ŋɔn nin naayi zaŋŋi bunseelli din kpalim zaasa m‑paasi ya.

MAAKI 1:15

Ni, “Saha maa paaya; Naawunni naam la bɛ la ya saani. Ya takkma ya beebu, ni ya teesibeeri, ka niŋni lahabasuŋŋu maa yɛdda.”

MAAKI 1:4

Tɔ; ka dizugu dɔsɔ n daa bɛ ni, ka u yuuri Gyɔni - ŋɔn daa suuri niriba Naawunni koom la n‑daa la. U daa bɛ la moo ni m‑moonna n‑yɛtti, ni, “Ya kyɛli ya tumbeeri m‑basi, ka lala zugu ya kyɛm na ka n su ya Naawunni koom, ka ŋɔn Naawunni nin kyɛ ya taalli zaa m‑pɛŋŋi ya.”

MAAKI 6:12

Tɔ; ka ba daa ti yi n‑tɔ'asiri Naawunni yɛligu, ni, niriba takkma ba beebu ka zɔ n‑yi ba tumbeeri ni.

LUUKI 1:16

U nin ti kyɛ ka ya Izraɛli dima pam nin ti ŋmaligi n‑labi ya Dugma Naawunni saani. Ka u nin mari siiya ni yiiko hoo anabi Ilaygya ŋɔn daa mari seem la,

LUUKI 11:20

Ka m mun zaŋŋi la Naawunni yiiko n‑katti arizimbeeri n‑yiisiri niriba ni, dinŋɔna Naawunni naam pun daŋŋi m‑paai ya na.

LUUKI 13:3

N yɛtti ya, ni, Ay! Amaa faasee ka ya zaa takki ya teesibeeri ka kyɛ ya tunkyɔ'ama zaa: di yi pa lala ya gba nin baasi yɔri hoo ban daa baasi seem maa.

LUUKI 13:5

N yɛtti ya, ni, Ay! Faasee ka ya takki ya teesibeeri ka kyɛ ya tunkyɔ'ama maa: di yi pa lala ya gba nin baasi yɔri hoo ban daa baasi seem maa.”

LUUKI 15:10

Ka n yɛtti ya, ni, lala gba n nyɛ di Naawunni malaakadima saani: ba mari la sufupeelli, ala'akyi daana yinni zugu, sɔ ŋɔn takki u teesibeeri tuma n‑niŋi tuuba maa.”

LUUKI 15:7

Ni, “N yɛtti ya ni, ni, lala gba ka ba mari sufupeelli arizana ni pam, ala'akyi daana yinni zugu, u yi ti takki u teesibeeri tuma n‑niŋi tuuba sahanseaa la: ka di gaari ban mari sufupeelli seem maa zaŋŋi n‑kyaŋŋi ninvugsuma pisiwai ni awai seeba taalli ŋɔn bu dɔli ni ba niŋma tuuba.”

LUUKI 16:30

Ka bundaana maa laa n‑yɛli, ‘N Yaaba Ibrahim, pa lala. Amaa sɔ mun yi da neaai kum ni n‑kyaŋŋi ba saani nti yɛli ba, ba da naa n‑takki ba beesigu n‑niŋi tuuba.’

LUUKI 21:31

Ka di bɛ la lala: ya yi ti nya ka yɛla wa zaa niŋna, ya nin baŋŋi, ni, Naawunni naam saha maa bu ya n‑yuui.

LUUKI 24:47

Ni, ba nin zaŋŋi Masiiya yuuri m‑piili Gyɛrusalɛm timpuuni m‑moonni lahabaari maa n‑ti duniya wa zaa niriba, ni, ba ŋmaligma ka kyɛ ba tumbeeri tuma, ni ba ti nya ba taalli kyɛ-m‑pɛŋŋi.

LUUKI 6:20

Ka u daa ŋmaligi n‑gɔsi u nyaandɔliba maa ka yɛli#:- “Zugsuŋŋu bɛ ni n‑ti yaseeba ban nyɛ faradima, dama Naawunni naam nyɛ la ya dinni.

LUUKI 9:2

U daa tum ba ni ba yi nti mooli Naawunni naam lahabaari, ka tibi baaridima.

TUUMUDIMA TUMA 11:18

Ban daa ti wum dinŋɔ maa, ba daa bu laa n‑ga'ai, ka daa gbaai Naawunni pɛ'abu n‑yɛtti, ni, “Ban pa Yɛhudiyadima gba ka Naawunni ti soori ni ba takki ba teesibeeri n‑niŋi tuuba ni ba ti nya nyɔvuri!”

TUUMUDIMA TUMA 17:30

Sahanseaa din gaari la Naawunni daa pun di sugru zaŋŋi n‑kyaŋŋi ninsaalidima tuma la ni, dama ba daa na zi u yɛla. Amaa pampaŋŋɔ u kpaamni la nira kam zaa, ban bɛ seelikam zaa maa, ni ba takkma ba teesibeeri ka kyɛ ba ala'akyi tuma.

TUUMUDIMA TUMA 2:38

Ka Piita daa labsi n‑yɛli ba, “Tuuba! Ya kyɛli ya tumbeeri tuma m‑basi, ka ya sɔkam zaa yinni yinni deaai Naawunni koom suubu, Yisa Masiiya Tuligra yuuri zugu. Ka Naawunni nin kyɛ ya taalli zaa m‑pɛŋŋi ya, ka ya nin deaai piini Naawunni saani, piini maa mun nyɛ Naawunni Sii Kasi kpeebu ya sufu ni.

TUUMUDIMA TUMA 20:21

N yɛli Yɛhudiyadima ni Griika dima zaa, ni, ba ŋmaligma n‑kyɛ Naawunni saani na, ka niŋi ti Dugma Yisa yɛdda.

TUUMUDIMA TUMA 26:20

Ay! - n daa daŋŋi n‑kyaŋŋi m‑paai Damasikusi m‑mooli n‑ti ba, ni, ba kyɛli ba teesibeeri ni ba tumbeeri yɛla m‑basi ka ŋmaligi n‑kyɛ Naawunni saani na ka tumni lala tunsuma maa. Ka di nyaaŋŋa n daa kyɛ Gyɛrusalɛm na m‑moonni lala, ni Gyuudii tingbaŋŋu maa ni m‑paasi, ka naayi kyaŋŋi ban pa Yɛhudiyadima maa tinsi gba n‑wulisiri ba yɛttɔ'a wa yɛla.

TUUMUDIMA TUMA 3:19

Dizugu ya niŋma tuuba ka ŋmaligi n‑kyɛ ya tumbeeri tuma zaa, ka Naawunni nin deaai ya taalli zaa sindaani.

II KƆRINTI DIMA 7:10

Naawunni zugu sufusa'aŋŋu wa zugu siri kyɛ ka ti takkri ti sɔbeeri nti nya tuliginsim, ni ti sufu ku laa m‑miligi; duniya wa sufusa'aŋŋu mun taasiri ti kum ni.

KƆLOOSIDIMA 1:13

Ii! - u siri daa pun yiisi ti zibsim yiiko ni na, ka zaŋŋi ti n‑taasi u Biwuttigu naam ni na.

II TIMƆTI 2:25

Di laa n‑sumni ni u bɛ la baalimm n‑wulisiri ban ŋmeeri nangbankpeemni, ni, ba ti baŋŋi din tuusi. Dama di pa seelli ka Naawunni ti kyɛ ka ba takki ba teesibeeri ni ba ala'akyi soori nti baŋŋi yɛlimaŋni ŋɔn nyɛ seelli.

HIBRUU DIMA 6:1

Dizugu ti kyɛm tooni ka kyɛ ban daa piili n‑wulisi ti yɛliseesi zaŋŋi n‑kyaŋŋi Yisa Masiiya yɛla maa, yɛliseesi an bu tɔ la. Ya kyɛ ka ti beebu ŋmanni la bunkura dinni ka bu laa n‑dɔli ti yɛdda piiligu yɛla, hoo ti beebu takkri, tin daa yi ti yɛliyirima sahanseaa la, bee, tin daa daŋŋi n‑niŋi Naawunni yɛdda seem la.

II PIITA 3:9

Ti Dugma Naawunni bu maasi ni u nangbambasiri, hoo seeba ŋɔn teesiri seem maa. Ay! - u kur mari la sugru n‑tiri ya, dama u bu boori sɔ sa'aŋŋu, amaa u boori la sɔkam zaa ti ŋmaligi ka kyɛ u tumbeeri.

KASIGRI 2:21

N pun ti u saha ni u takki u teesibeeri ni u beesigu la, amaa u bu sakki, ni, u kyɛ u zina tuma la.

KASIGRI 2:5

Dizugu ya teaama yan daa du saazugu seem ka baŋŋi yan lu n‑sigi seem; ka takki ya teesa ni ya beesigu, ka laa m‑maali n‑tumni hoo yan daa daŋŋi n‑tumni seem maa. Ya yi bu niŋi lala, n nin kyɛ na n‑yiisi ya firilatɔmnigu la ka zaazii maa ni m‑basi.