MATIYU 22:3 - Mampruli

³ U daa tum u daaba ni ba kyaŋŋi nti booli ŋɔn pun zuusi seeba maa, ni, ba kyɛm na. Amaa ba daa bu sakki n‑kyɛ na.

MATIYU 22:3 Iomraidhean Croise

MATIYU 21:34

Tɔ, ka tiisi maa wala saha ŋɔn daa ti pɔri, u daa tum u daaba ni ba kyaŋŋi tuntumniba maa saani nti deaai u puu maa diibu na n‑ti u.

MATIYU 23:37

Ka u daa gbaai kunkuma Gyɛrusalɛm zugu, ni, “Gyɛrusalɛm, Gyɛrusalɛm! Waay, waay, waay! Nyin ŋɔn kuuri anabidima ka zaŋŋni tuumuseeba ban daa tum i saani maa n‑lɔbri ba kuga wa! N da kur boori la n la'asi i niriba luginyinni kaman nɔnyaaŋŋa ŋɔn la'asi u biisi ka yirigri u kpunkpama n‑ligri ba seem la; amaa ya bu sakki n‑ti ma.

MATIYU 3:2

n‑yɛtti, ni, “Ya kyɛli ya teesibeeri ni ya tumbeeri zaa, dama Arizana naam bɛ la ya saani.”

MATIYU 9:15

Ka Yisa labsi n‑yɛli ba, ni, “Dɔsɔ yi ti di pɔ'apaalli ka ba mari la deema di zugu; ammi, pɔ'apaalli maa sira yi ti bɛ u saamma sunsukkuni, ba sufu nin sa'am di saha maa, bee? Ay! Amaa sahanseaa kyɛnni na ka ba nin ti yiisi amriya doo maa ba saani - di dabsa maa puuni ba nin ti lɔa.”

LUUKI 13:34

Ka u daa gbaai kunkuma Gyɛrusalɛm zugu, ni, “Gyɛrusalɛm, Gyɛrusalɛm! Waay, waay, waay! Nyin ŋɔn kuuri anabidima ka zaŋŋni ban daa tum tuumudimseeba i saani maa n‑lɔbri ba kuga wa! N da kur boori la n la'asi i niriba lugri yinni ni, kaman nɔnyaaŋŋa ŋɔn la'asi u biisi ka yirigri u kpunkpama n‑ligri ba seem la; amaa ya bu sakki n‑ti ma.

LUUKI 15:28

Ka bikpeema maa daa gyɛ suuri ka za'asi, ni, u ku kpɛ dundɔŋŋu maa ni. Ka u ba maa daa yi na nti bɛlim u.

LUUKI 19:27

Ni, ‘Amaa n dindaandimseeba ban daa bu boori ni n di naam n su ba la, ya zaŋŋma ba zaa na n‑ku ba ka n nini nya.’ ”

GYƆNI 5:40

Di zaa yɔri, ya mun ku sakki ni ya kyɛ n saani na n‑deaai nyɔvuri.”

TUUMUDIMA TUMA 13:45

Ka Yɛhudiyadima maa ŋɔn daa ti nya daadam wa, nyuuri daa wum ba pam, ka ba daa gbaai kyiisigu, ni, Pɔla ŋɔn wulisiri yɛttɔ'aseesi la pa la yɛlimaŋni, ka tuuri u tupeela.

ROOM DIMA 10:21

Ka tin na kpalim n‑viisiri anabi Aizaaya yɛla maa, u daa laa n‑tɔ'asi n‑ti Izraɛli dima, ni, “Beoo kam ka n daa teaai n nuusi n‑ti n niriba, amaa ba daa nyɛ tuppuwumni dima ni zabbooriba.”

HIBRUU DIMA 12:25

Tɔ, ka dizugu yan di za'asi ŋɔn tɔ'asiri ya yɛttɔ'a wa wumpu. Dama ban Izraɛli dima maa daa za'asi ninvugsɔ ŋɔn bɛ duniya wa puuni la noori, ka daa bu nyaŋŋi n‑tiligi; ka tirima ya niŋi la wula n‑tiligi, ti yi ti za'asi ŋɔn bɛ arizana ni maa noori wumpu?

HIBRUU DIMA 9:15

Dinŋɔ zugu ka u leebi la nangbanyinni zaalipaalli la sindaanzɔtta, ni u ti kyɛ ka ban booli seeba la nya nangbampɔri seaa kan faari m‑basira, ka bu naara. Dama kum daa kuya, ka u daa da ba n‑ti ba mansuulinsi, ni ba ku laa n‑niŋi daaba n‑ti tumbeeri an daa bɛ daŋdaŋ nangbanyinni zaaligu la ni.

KASIGRI 22:17

Naawunni Sii maa gba, ni Pɛbila pɔ'apaalli maa m‑paasi n yɛtti, ni, “Kyɛm na!” Kyɛ ka ŋɔn wumni gba yɛli, ni, “Kyɛm na!” Kɔnyuuri yi mari sɔ zaa, kyɛ ka u kyɛ na, ka sɔ zaa ŋɔn boora: ba nin ti nyu nyɔvuri koom maa yɔri, ka samni ka ni.