MATIYU 2:6 - Mampruli

⁶ “Nyin Bɛtlihɛm tiŋŋa wa, Nyin bɛ Gyuudiiya suulinsi ni la, I bu poora Gyuudiiya nabiisi sunsukkuni; Nasɔ m bɛ ni ŋɔn ti ya n‑guri ya - Ya Izraɛli dima maa - Hoo ban guri bunkɔbri seem la: Ŋɔnwa ti ya n‑yi nyin Bɛtlihɛm saani na.”

MATIYU 2:6 Iomraidhean Croise

MATIYU 2:1

Ban daa ti dɔ'ai Yisa Bɛtlihɛm timpuuni n‑naai, Meegyai daa yi wuntampusiri tinwa'aligu ziiya n‑kyɛ Gyɛrusalɛm na - ban n daa nyɛ ninvugseeba ban baŋŋi saŋmariwuusi yɛla, ni bamsim pam m‑paasi. Di saha maa Bɛtlihɛm daa bɛ la Gyuudiiya naam suulinsi ni, ka NaaHɛroodi mun daa di lala tingbaŋŋu naam maa.

MATIYU 28:18

Yisa daa paai ba na ka yɛli ba, ni, “Ba ti ma la yiiko zaa duniya wa ni, ni arizana ni gba.

GYƆNI 21:16

Ka u daa maali n‑yɛli u yaasa, ni, “Saimoon, nyin Gyɔni bii wa, i wuri ma, bee?” Ka u daa yɛli, “Ii, n Dugma; i mi, ni, n nyɛ la i zɔa.” Ka u yɛli u, “Kur guri n peesi.”

GYƆNI 7:42

Litaafi yɛliya, ni, Masiiya maa yɛ yi la NaaDauda za'anɔri ni na, ka u ti yi Bɛtlihɛm tiŋŋa ni na, tinseaa NaaDauda ŋɔn daa bɛ ni la.”

ƐFƐSUSI DIMA 1:22

Naawunni siri zaŋŋi bunseelikam n‑niŋi ŋɔn Yisa napɔna ni, ni u ti noora; ka yiisi u, ni u leebi zuguraana nti su yɛttɔ'a zaa fukumsi n‑ti baseeba ban la'am n‑dɔli Naawunni la.

KƆLOOSIDIMA 1:18

U bɛ la u niriba ban la'amni taaba n‑dɔli u la saani hoo zugu ŋɔn bɛ ningbiŋŋu saani seem la. Ba toondaana n nyɛ u, sɔ ŋɔn daa daŋŋi ba zaa n‑doaai kum ni; lala daa niŋi nti kyɛ ka u leebi ba toondaana bunseelikam puuni.

KASIGRI 11:15

Ka malaaka ŋɔn paasiri buyɔpɔi daa peebi u kikaa, ka kukɔya daa tasiri n‑yiiri arizana ni na n‑yɛtti, ni#:- “Duniya zaa naam leebi ti Dugma naam, Ni ŋɔn daa diisi sɔ Masiiya, Yisa, dinni. U naam ku ti mari baasigu Halli saha din ka tariga.”

KASIGRI 2:27

U nin guri ba hoo bunkɔbgura, U nin zaŋŋi kutti damni n‑guri ba. U yi ti zaŋŋi ka n‑ŋmeera, Ba nin ŋma hoo dukku ŋɔn ŋmaari seem la.’

KASIGRI 7:17

Dama Pɛbila maa bɛ la naam zizii puuni, ka u nin guri ba suŋŋa hoo pɛgura ŋɔn guri u peesi seem; U nin kyɛ ka ba dɔli kɔsuŋŋu bulisi n‑nya nyɔvuri, ka u laa n‑nyeesiri ba nini nintam n‑tiri ba sahakam.”