MATIYU 2:4 - Mampruli

⁴ Di saha ka u la'asi Izraɛli dima kpamma ban nyɛ Naawunni Gyeeŋŋu Toondaandima, ni zaaligu baŋŋniba la, m‑boosi ba zaŋŋi n‑kyaŋŋi Naawunni ŋɔn ya tum sɔ na ni u ti tiligi niriba n‑naayi di naam la; ka yɛli, ni, “Tinkani ka di wulisi, ni, ba nin ti dɔ'ai Masiiya la?”

MATIYU 2:4 Iomraidhean Croise

MATIYU 13:52

Di saha ka u daa yɛli ba, ni, “Dinŋɔ wulisiri, ni, zaaligu karimbasɔ ŋɔn labgi Arizana naam yɛla nyaandɔla ŋmanni la yiridaana ŋɔn kpeeri u neema duu ni n‑yiisiri bumpaala na, ka yiisi bunkura na m‑paasi.”

MATIYU 2:3

Ka NaaHɛroodi ŋɔn daa wum ba lala boosigu maa, di daa gyɛri u pampam - ŋɔn ni u niriba ban bɛ Gyɛrusalɛm zaa - ka ba sufu daa sa'am.

MATIYU 2:5

Ka ba daa labsi n‑yɛli u, ni, Bɛtlihɛm tiŋŋa kan bɛ Gyuudiiya suulinsi ni la ka ba nin dɔ'ai u. Ni, dama anabidima daa sɔbi n‑zaali, ni#:-

MATIYU 21:15

Ka gyeeŋŋu toondaandima, ni karimbadima maa sufu daa yisigi zaŋŋi n‑kyaŋŋi alahazibu tunseesi Yisa ŋɔn daa tumni la; ni biisi ban daa bɛ Gyeeŋŋu Yiri maa ni n‑tasiri n‑yɛtta, “Hoosana! Tiliginsim daana! NaaDauda Biiya!”

MATIYU 21:23

Ka Yisa daa kyaŋŋi Naawunni Gyeeŋŋu Yiri maa, ni u ti wulisiri niriba la. Ka gyeeŋŋu toondaandima daa kyɛ u saani na, ban ni tiŋŋa maa kpamma la, m‑boosi u, ni, “Ŋɔni n ti i soori ni i tum i lala tuma maa, bee, yiiko bɔ ka i mara?”

MATIYU 26:3

Dinsaha ka gyeeŋŋu toondaandima ni Izraɛli kpamma maa daa la'am Kayafasi yiri - sɔ ŋɔn daa di gyeeŋŋu suulinsi la.

MATIYU 26:47

Ŋɔn daa na kur tɔ'asiri maa, nnya Gyuudasi ŋɔn paari na, sɔ ŋɔn daa nyɛ u nyaandɔliba pii ni ayi la ni yinni. Niriba pam daa dɔli u: ba daa yi la gyeeŋŋu kpambaya ni Izraɛli kpamma saani na, ka ba daa mari ba takoobidima ni dɔya na.

MATIYU 27:1

Ka beoo ŋɔn daa ti kaai, gyeeŋŋu toondaandima ni tinkpamma maa zaa daa la'asi n‑gbaai gbaari zaŋŋi n‑kyaŋŋi ban nin ku Yisa seem.

MATIYU 7:29

Dama u daa tɔ'asi yɛttɔ'amaŋni, ka u bu birisira halli beela; ni, di pa la kaman ba zaaligu baŋŋniba la ŋɔn yi wulisiri seem la.

MAAKI 8:31

Yisa daa piili n‑wulisiri ba, ni, Ninsaala Bii nin namsi pam, ka kpamma nin ti za'asi u, ban ni zaaligu karimbadima ni gyeeŋŋu toondaandima zaa. Ni, ba nin ku u, amaa dabsa ata daari u nin yisigi kum ni.

LUUKI 20:19

Di saha ka karimbadima ni gyeeŋŋu toondaandima maa daa baŋŋi, ni, Yisa nyɛsiri galimni la bana, ka dizugu ba daa boori la ba gbaai u, amaa ba daa zɔri la daadam maa dabeem.

LUUKI 23:10

Ka gyeeŋŋu toondaandima ni karimbadima daa kur zɛ bɛni n‑samni u ni nimmoaa.

GYƆNI 18:3

Dizugu ŋɔn Gyuudasi daa mari soogyadima, ni ninvugseeba ban daa nyɛ gyeeŋŋu toondima ni Farisii dima niriba, ka ba daa kyaŋŋi bɛni. Ba daa mari ba tɔppu neema ni bugum mɔkpala ni firiladima n‑kyaŋŋi nti paai puu maa ni.

GYƆNI 3:10

Ka Yisa daa yɛli u, “Nyini n nyɛ karimba n‑tiri Izraɛli dima, ka i na zi anŋɔa, fa?

GYƆNI 7:32

Farisii dima maa daa wum daadam maa ŋɔn daa waasiri n‑tɔ'asiri Yisa yɛla seem maa. Dinzugu Farisii dima maa ni gyeeŋŋu toondaandima maa daa tum ba Pirinsi ni ba ti gbaai Yisa.

GYƆNI 8:3

Di saha ka zaaligu karimbadima ni Farisii dima daa pun gbaai pɔ'asɔ ka u bɛ zina tumpu ni. Ka ba daa mari pɔ'a maa n‑kyɛ na, ka zaali u ba zaasa tooni.

TUUMUDIMA TUMA 23:9

Ka dinzugu vuuri pam daa doaaya, ka seeba ban daa nyɛ zaaligu karimbadima ka bɛ la Farisii dima ya'ari la daa yi paalu na n‑yɛtti, ni, “Ti bu nya doo wa taaliseaa; di bu ya'ai malaaka bee siiya n tɔ'asi n‑ti u maa.”

TUUMUDIMA TUMA 4:5

Tɔ; ka beoo ŋɔn daa ti neaai, ba daa mari ba Gyɛrusalɛm timpuuni m‑booli zuguraandima ni ba kyam na n‑tɔ'asi yɛttɔ'a maa - ban ni tinkpamma ni karimbadima maa zaa.

TUUMUDIMA TUMA 6:12

Ban daa tɔ'asi ba ziri yɛttɔ'a lala maa, ba daa kyɛ ka niriba zaa daa doaai n‑gbaai Sitiivin, ban ni ba kpamma ni ba karimbadima maa m‑paasi, m‑mari u n‑kyaŋŋi tiŋŋa maa kpambaya saani ni ba kari u sariya.