MATIYU 2:13 - Mampruli

¹³ Ban daa ti gaari n‑kuli n‑naai, Gyoosɛfi daa zaasi zaasimni n‑nya ka ti Dugma malaaka daa kyaŋŋi u saani na nti yɛli u, ni, “Doaama n‑zaŋŋi bii maa ni u ma la n‑zɔ n‑kyaŋŋi Igyipti. See ka ya kpalim m‑bɛ bɛni halli ka man ti laa n‑ti ya kukɔri; dama NaaHɛroodi ya boori la bii maa ziiya ni u gbaai u n‑ku.”

MATIYU 2:13 Iomraidhean Croise

MATIYU 1:20

Ŋɔn daa na kur teesiri lala yɛla maa, ka u daa zaasi zaasimni, ka ti Dugma malaaka daa kyɛ u saani na n‑yɛli u, “Nyini Gyoosɛfi ŋɔn nyɛ NaaDauda ya'aŋŋa wa, di zɔri dabeem ni i kyɛ ka ba taasi Mariama i yiri na, dama ŋɔn mari puseaa maa yi la Naawunni Sii Kasi yiiko ni na.

MATIYU 10:23

Ba yi ti mugsi ya tinseaa ni, ya kur yima n‑zɔ n‑kyaŋŋi tinseaa yaasa. Dama yɛlimaŋni ka n yɛtti ya wa, ni, ya na ku kyaŋŋi n‑dɔli Izraɛli tingbaŋŋu tinsi zaa n‑naai ka Ninsaala Bii ti kyɛ na.

MATIYU 2:12

Tɔ; ka Naawunni daa kyɛ ka ba zaasi zaasimni m‑bugsi ba, ni, ba di naa n‑labi NaaHɛroodi saani, ka dizugu ba daa lɔkki sɔseaa n‑labi n‑kuli ba tiŋŋa.

MATIYU 2:14

Ka u daa doaai yuŋŋu n‑zaŋŋi u pɔ'a ni bii maa n‑yisigi n‑kyaŋŋi Igyipti.

MATIYU 2:16

Ka NaaHɛroodi ŋɔn daa ti baŋŋi, ni, Meegyai maa yɔmsi u ka sɔ'ai n‑kuli, u sufu daa yisigiya pam. Ka u daa zaali zaaligu, ni, ba kyaŋŋi Bɛtlihɛm, ni tinkpanseesi an bɛ gyilagyila la ni, nti ku biisi maa - bidibseeba ban dɔ'ai ka ba nyɛ dahinyinni halli nti paai yuuma ayi biisi la zaa. U lala zaaligu maa daa dɔlisi la sahaseaa Meegyai maa ŋɔn daa wulisi u la.

MATIYU 2:22

Amaa ŋɔn daa ti wum, ni, NaaHɛroodi bii Arikyileesi n diri u ba Hɛroodi naam n‑su Gyuudiiya maa, dabeem daa gbaai u ni u kyaŋŋi bɛni. Ka u daa zaasi zaasimni ka di wulisi u, ni, u kyɛm Galilii tingbaŋŋu ni nti zinni bɛni.

TUUMUDIMA TUMA 10:22

Ka ba daa labsi n‑yɛli u, ni, “Naawunni malaaka ŋɔn sa wulisi Kɔniiliyusi seem la zugu. Ŋɔn Kɔniiliyusi mun nyɛ la soogya toondaana, ka u dɔli la soori ka gyeemni Naawunni, ka Yɛhudiyadima zaa tiri u gyirima. Malaaka maa sa yɛli u, ni, u kyɛ ka nyin kyɛ u yiri maa na ka u ti wum yɛttɔ'aseesi nyin mari n‑yɛli u maa.”

TUUMUDIMA TUMA 10:7

Tɔ, ka malaaka maa ŋɔn ti u lahabaari wa n‑naai, u daa bakki ka kyɛ u. Ka Kɔniiliyusi daa booli u yiri niriba ayi ni u soogyadima yinni ŋɔn gba daa dɔli Naawunni soori ni nimmoaa ka bɛ u yiri la ni.

TUUMUDIMA TUMA 12:11

Di saha ka Piita daa ti baŋŋi din daa niŋi, ka yɛli, “M baŋŋiya! Di nyɛ la yɛlimaŋni. Naawunni n siri tum u malaaka ni u kyɛ na n‑tiligi ma NaaHɛroodi nuu ni, ni Yɛhudiyadima ŋɔn yɛli, ni, ban nin niŋi ma seem la ni zaa.”

TUUMUDIMA TUMA 12:7

Di saha ka ti Dugma malaaka gbirigi n‑yi bɛni na, ka neesim daa neaai sarika duu maa ni. U daa gbaai Piita bɔkku n‑neaai u, ka yɛli u, “Doaam yooma!” Ka kyɔrimidima maa daa yi Piita nuusi ni n‑lu tiŋŋa.

TUUMUDIMA TUMA 16:36

Dizugu dansarikadaana maa daa yɛli lala n‑ti Pɔla, ni, “Zugudaandima maa yɛliya, ni, ti yiisim nyin ni Sailasi m‑basi; dizugu ya kyɛma, ka Naawunni nin paasi ya sufumaasim.”

TUUMUDIMA TUMA 5:19

Amaa yuŋŋu daa ti paai ka ti Dugma malaaka daa yoaai sarika maa dunɔya maa ka daa yiisi ba na,

TUUMUDIMA TUMA 7:19

ka daa zaŋŋi u teesibeeri n‑namsiri ti yaadima ka mugsiri ba. U daa kyɛ ka ba zaŋŋi ba bileesi m‑basira, ni ba ku laa n‑nya biisi ban vu yaasa.

KASIGRI 12:14

Amaa ba daa zaŋŋi wubga kpunkpanyigra ayi n‑ti pɔ'a maa, ni u ti yikki saazugu n‑kpɛ yoo ni m‑paai u maŋtoori ziiya; ka ba ti guri u bɛni n‑niŋi saha yinni, saha buyi ni purigri, ka Wa'abeoo maa ku ti paai u na.

KASIGRI 12:4

Ka u zuuri daa daari saŋmariwuusi purigri yimmu buta zugu m‑basiri tingbaŋŋu maa na. Ka Nyɛbga wa zɛ pɔ'a maa tooni u dɔ'am maa saha, ni, u yi ti dɔ'ai bii maa sahanseaa, ŋɔn nin ŋɔbi u.

KASIGRI 12:6

Ka pɔ'a maa mun daa zɔ n‑kpɛ yoo ni, seela Naawunni ŋɔn daa pun maali u beebu ziiya siri n‑ti u. Bɛni ka ba nin guri u ka diri dabsa tusiri ni kɔbsiyi ni pisiyoobu la.