MATIYU 17:3 - Mampruli

³ Dinsaha u nyaandɔliba ata maa daa nya ka Musa ni anabi Ilaygya daa bɛ ni ka ban ni ŋɔn daa sɔsira.

MATIYU 17:3 Iomraidhean Croise

MATIYU 17:2

Ban daa gɔsiri maa, ba daa ti nya ka Yisa takki ni, ka u nindaa daa ti nya'asiri hoo wuntaŋŋa la, ka u neema daa pɛligi nyain!

MATIYU 17:4

Ka Piita daa yɛli Yisa, ni, “Ti Dugma, ti kpa wa beesigu veela! I yi boori lala, n nin ti suga ata, i dinni yinni, ni Musa dinni, ni Ilaygya mun dinni!”

MAAKI 9:4

Dinsaha ka u nyaandɔliba ata maa daa nya anabi Ilaygya, ni Musa, ka ba daa bɛ ni n‑sɔsiri ni Yisa.

LUUKI 1:17

nti zaŋŋi anabi Ilaygya sii maa ni u yiiko gba n‑daŋŋi Naawunni tooni na. U nin kyɛ ka yaseeba ban nyɛ yaadima la sufu ti labi m‑pɛligi ba ya'ansi zugu, ka kyɛ ka tuppuwumni dima ti takki n‑nya yɛm hoo ninvugseeba ban wumni Naawunni noori ŋɔn mari seem la, ka laa n‑kyɛ ka niriba maali siri n‑guri ti Dugma.”

LUUKI 16:16

Ni, “Musa zaaligudima ni anabidima sɔppu yɛla n daa pun bɛ ni, halli ka Gyɔni ti kyɛ na; amaa di saha zaŋŋi n‑kyɛnna ba na kur moonni Naawunni naam lahabasuŋŋu ka sɔkam zaa zaŋŋi kpeeŋŋu m‑moori ni u kpɛ di maasim ni.”

LUUKI 24:27

Di saha ka u daa gbaai u yɛttɔ'a m‑piili n‑wulisiri ba u mammaŋŋa yɛla Naawunni Litaafi ni. U daa piili la Musa sɔppu ni, halli nti paai anabidima ban daa dɔli u nyaaŋŋa.

LUUKI 24:44

Di saha maa ka u yɛli ba, “Yɛttɔ'a wa ka n daa pun tɔ'asi ya, man ŋɔn daa na bɛ ya saani sahanseaa la. N daa yɛli ya, ni, yɛttɔ'a pam pun sɔbi n‑dooli zaŋŋi n‑kyaŋŋi n yɛla Musa zaaligu maa ni, ni anabidima yɛla ni, halli Yuuma sɔppu maa ni gba. Di kpa la talasi ni anŋɔ zaasa ŋɔn wulisi seem la nin baasi n‑niŋi.”

LUUKI 9:33

Ka niriba ayi maa ŋɔn daa ti ya n‑ŋmaligi n‑kyaŋŋi ka kyɛ Yisa sahaseaa maa, Piita daa yɛli u, “N Daana, ti kpa wa beesigu veela! Kyɛ ka ti ti suga ata - i dinni yinni, ni Musa dinni, ni Ilaygya mun dinni yinni.” (Piita daa bu mi ŋɔn yɛtti seem maa gbinni).

GYƆNI 1:17

Musa saani ka Naawunni daa kyɛ ka u zaaligu maa daa paai ti na, amaa Yisa Kirisita Masiiya saani ka ti nya veelim ni yɛlimaŋni.