MATIYU 12:3 - Mampruli

³ Ka Yisa yɛli ba, “Ammi, ya na zi n‑karim NaaDauda yɛla maa? Ni, ŋɔn ni u taaba daa bɛ ni ka kɔm daa gbaai ba,

MATIYU 12:3 Iomraidhean Croise

MATIYU 12:2

Ka Farisidima daa nya lala, ka yɛli u, “Nyama! I nyaandɔliba wa tumni la puri tuma. Ba galimni zaaligu maa zaŋŋi n‑kyaŋŋi Vuusim Dabsiri wa.”

MATIYU 12:4

ka u daa kpɛ Naawunni gyeeŋŋu zii maa, n‑zaŋŋi boroboro n‑ŋɔbi. Pa boroboro anŋɔ taabu ka ba dooli Naawunni tooni ka a kyisiri ni? Ii! A kyisiri n‑tiri u taaba - halli n‑tiri u mammaŋŋa gba - see maalimaanniba kɔkɔ n ŋɔbri a.

MATIYU 12:5

Bee, ya na zi n‑karim Musa zaaligu yɛla? Ni, maalimaanniba tumni la ba tuma Naawunni Gyeeŋŋu Yiri puuni Vuusim Dabsiri. Ban n tumni la Vuusim Dabsiri maa ka bu deaari taalli di zugu.

MATIYU 19:4

Ka Yisa daa labsi m‑boosi ba, ni, “Ya bu karim Litaafi la? Ni, Naawunni ŋɔn daa piili duniya naaŋŋu la, u daa naam ba doowa ni pɔ'a,

MATIYU 21:16

Dinŋɔ zugu ba daa boosi Yisa, ni, “I bu wum ban yɛtti seem wa?” Ka u daa labsi n‑yɛli ba, ni, “Ii, n wumiya. Ammi, ya na bu karim Sɔppu maa yɛla? - ni, ba pɛ'ari Naawunni, ni, ‘Nyin, Naawunni, bamsi la biisi - halli bileesi gba - ni ba tiri pɛ'abu.’ ”

MATIYU 22:31

Amaa zaŋŋi n‑kyaŋŋi ban kpi kum yisigri la yɛla, ya bu karim Naawunni ŋɔn daa yɛli seem? - ni,

MAAKI 12:10

Ammi, ya na bu karim Sɔppu la? - ni#:- ‘Kugseaa tammeeriba ŋɔn daa za'asi la Kana daa leebi kan gbaai nyeebri maa, N‑gbaari ka zaa ni kpeeŋŋu;

MAAKI 12:26

Amaa zaŋŋi n‑kyaŋŋi kum yisigri la yɛla, ya bu karim Musa bukku la? Ŋɔn daa sɔbi bugum ni tutuuri yɛla Suuriseaa ni ka u daa yɛli, ni, Naawunni daa yɛli, ‘Mani n nyɛ Naawunni ka i badima gyeemni ma. Halli Ibrahim Naawunni n nyɛ ma, ni Yisahaaku Naawunni, ni Yaakubu gba.’

LUUKI 10:26

Ka Yisa yɛli u, “Wula ka di sɔbi Naawunni zaaligu ni? I Litaafi kariŋŋu wulisiri i la wula?”

LUUKI 6:3

Ka Yisa daa labsi n‑yɛli ba, “Ya na zi n‑karim NaaDauda yɛla wa? Ni, ŋɔn ni u taaba n daa bɛ ni ka kɔm daa gbaai ba,