GYUUDA 1:6 - Mampruli

⁶ Halli malaakadima maa gba - baseeba ban daa bu sakki, ni, ba ti kpalim ba maŋtoori naam fukumsi yɛla ni, ka daa kyɛ ba beebu ziiya m‑bakki la - ban ka Naawunni daa lɔ la kyɔrimseesi an ku toaai n‑lɔrigi sahakam, n‑kpari zibsim zii maa ni, halli n‑guri sariya karibu daari maa.

GYUUDA 1:6 Iomraidhean Croise

MATIYU 10:15

Yɛlimaŋni ka n yɛtti ya wa, ni, toom seebu Sɔdoom ni Gɔmɔra tinsi ninvugbeeri ŋɔn nin ti nya Zaadaari maa ku ti ŋmanni lala tiŋŋa niriba toom maa ŋɔn nin nyɛ seem.”

MATIYU 25:41

Tɔ: ka di saha maa u nin ti tɔ'asi n‑ti baseeba ban zɛ u nuzaa zii maa, ni, ‘Ya kyɛma sa! Zugbeoo bɛ ya zugu, ya kyɛm Bugum bun bu kpiira ziiya, dama ba maali bu siri n‑ti Sintaani ni u tuntumniba zaa.

MATIYU 8:29

Di saha ka ba daa tasi n‑yɛtta, “I ya niŋi ti la wula, nyin Naawunni Ŋɔn Ka Kpeaa biiya? I kyɛ kpa na ni i ti namsi ti, halli ka di saha maa na bu paai, bee?”

GYƆNI 8:44

Ya nyɛ la ya ba Sintaani biisi, ka ya dɔli la ya ba maa sufu yuubu ŋɔn boori seem zaasa. Piiligu ni sa u daa pun nyɛ la ninvugkuura, ka daa na zi n‑labi yɛlimaŋni ya'ari na, dama yɛlimaŋni ka u ni. U naaŋŋu pun nyɛ u ma'ai ziri, dama ŋɔna n‑nyɛ ziridima zaa ba.

ROOM DIMA 2:5

Ay! I tuppuwumni zugu ka i ku sakki n‑ŋmaligi ka kyɛ i yɛlibeeri maa, ka lala ka i la'asiri toom yɛla n‑zaantiri n‑tiri i maŋŋa, zaŋŋi n‑kyaŋŋi Naawunni suuri daari; sahanseaa ka u laa n‑nyɛ la ŋɔn katti sariya ni yɛlimaŋni ka sɔkam zaa nya.

ƐFƐSUSI DIMA 6:12

Dama ti bu moori ni ninsaalidima, amaa saazugu yiiko dima ka ti zabra, ni saazugu naam dima, ni seeba ban su duniya wa fukumsi ka bɛ la zibsim ni la - halli siseeba ban bɛ saazugu m‑mari yɛlibeeri yiiko la zaasa.

HIBRUU DIMA 10:27

Ay! - Din kpalim nyɛ la dabeem zaŋŋi n‑kyaŋŋi sariya karibu din kyɛnni na, ni bugum seelli bun nin di baseeba ban kyiisiri Naawunni yɛla.

II PIITA 2:4

Naawunni daa bu kyɛ halli malaakadima galiŋŋu n‑ti ba - baseeba ban daa tum taalli maa - amaa u daa zaŋŋi ba n‑niŋi la mugsigu ni, ka ba ba ba zibsim ni. Bɛni ka u guri ba halli ni ba sariya karibu daari.

II PIITA 2:9

Anŋɔ zaa zugu ka ya ti baŋŋi, ni, ti Dugma siri mi ŋɔn nin niŋi seem n‑fa ninvugsuma m‑basi; ka laa m‑mi sariya karibu yɛla, ka kyɛ ka ninvugseeba ban bu dɔli soori la bɛ wahala puuni halli ni ba sariya karibu daari.

GYUUDA 1:13

Ba laa n‑ŋmanni la teeku kooma; a damni la kɔmiisi n‑tumni la toom n‑yiisiri la fufukka - ba vi tuma nla; bee, saŋmariwuusi n nyɛ ba, seesi an goori n‑goora, halli ka zibsim din ka naari ti deaai ba m‑mara.

KASIGRI 20:10

Ka Yɔmsira maa, Yibrisi Sintaani la, sɔ ŋɔn daa kyɛ ka niriba maa bɔrigi la, ŋɔna ka ba daa gbaai n‑zaŋŋi n‑lɔsi farinwuta bugum mɔ'ari maa ni, ya'aseaa ba daa pun lɔsi bunkɔbbeoo maa, ni u ziri anabi maa. Ka ba zaa bɛ bɛni n‑diri wahala wuntaŋŋa ni yuŋŋu, saha din ka tariga.

KASIGRI 20:2

U daa gbaai Nyɛbga maa n‑lɔ u, ni u yuui lala n‑niŋi yuuntusiri; kurilim ni sa Waafu nla, ban boonni sɔ ‘Yibrisi’, bee, ‘Sintaani’ la.