GYUUDA 1:4 - Mampruli

⁴ Dama ninvugseeba pun sɔ'ai n‑kpɛ ya saani na, ka za'asiri Naawunni gyeeŋŋu yɛla. Halli ba daa pun sɔbi lala niriba yɛla, ni, ba nin kari ba sariya n‑lusi ba. Ninvugbeeri wa n kur zeemni ti Dugma Naawunni piinisuma, halli nti takki Naawunni yɛla ka a leebi la da'ari tuma an bu dɔli soori; ka ba za'asiri ti Dugma Yisa Masiiya yɛla, halli ni ŋɔn kɔkɔ ŋɔn su ti yɛla zaa gba.

GYUUDA 1:4 Iomraidhean Croise

MATIYU 13:25

Ka yunseaa, sɔkam zaa ŋɔn daa ti gbisi, ka u dindaana daa kyaŋŋi nti buri niimbɛŋni n‑niŋi puu maa bumbula maa sunsukkuni, ka bakki.

GYƆNI 17:3

Nyɔvuri kan ka tariga wa nŋɔa: ni, ba ti baŋŋi nyini, m Ba, ni, nyin kɔkɔ n nyɛ Naawunni yinni ni yɛlimaŋni; ka laa m‑baŋŋi Yisa Kirisita, nyin ŋɔn tum sɔ la na.

TUUMUDIMA TUMA 11:23

Ŋɔn daa paai bɛni nti nya Naawunni ŋɔn daa pun tisi piinisuma n‑tiri bɛni niriba maa, u sufu daa maaya: ka u daa kpamsi ba, ni, ba kpaŋŋma ba mansi n‑zɛ ti Dugma maa nyaaŋŋa ni nimbirimoaa.

TUUMUDIMA TUMA 15:24

Ti wumiya, ni, seeba daa yi ti saani m‑paai ya na - tirima mun daa bu tum ba - ka daa daamni ya n‑sa'amni ya sufu ni yɛttɔ'aseesi ban yɛtti maa.

GALƐSEAA DIMA 2:4

Ay! - di daa nyɛ la yɔmsigu dima maa zugu, baseeba ban daa ma'ai ziri, ni, ba nyɛ la ban niŋi yɛdda: niriba wa daa kpɛ ti saani na, ni ba ti sɔ'ai m‑baŋŋi ti yɔlisimma yɛla maa - tin mari yɔlisinseaa Yisa Masiiya dɔligu zugu la - dama ba daa boori la ba zaŋŋi ti n‑leebi daaba.

GALƐSEAA DIMA 5:13

M mabiisi, yarima ŋɔna - ba daa booli ya yɔlisimma zii na, ka mugsigu zaa ka ya saani. Amaa yan di kyɛ ka mugsigu kaalinsi din bɛ ya saani wa leebi soori n‑ti ya, ka ningbina ni kɔribeeri ti deaai ya beebu zaasa. Amaa ya lee n‑kyɛ ka di nyɛ la wurilim zugu ka ya tumni n‑tiri taaba.

ƐFƐSUSI DIMA 4:14

Ka ti ku laa n‑nyɛ bileesi, ti ku laa n‑dɔli wulisigu balibubalibu hoo pɛsigu ŋɔn zɛ ti yɔriyɔri seem; ti ku laa n‑kyɛ ka yɔsimyɔmsiriba nin ma'ai ti ziri n‑yɔmsiri ti.

I TIMƆTI 5:8

Ninvugsɔ yi bu gɔsiri u dɔ'ariba, halli m‑bu gɔsiri u toori yiri dima gba, u kyiisiri la u yɛdda niŋbu soori, halli ni ninvugsɔ ŋɔn pa Yisa nyaandɔla n nyɛ bunsuŋŋu n‑gaari u.

II TIMƆTI 2:12

Ti yi kpalim n‑niŋni sugru, Tin ni ŋɔna nin ti la'am n‑di naam. Ti mun yi za'asi u, Ŋɔn gba nin za'asi ti.

II TIMƆTI 3:6

Niriba wa taabu yi kur yɔmsiri n‑kpeeri yiya ni, ni ba ti la'ari pɔ'aseeba ban ka yaa n‑gbaasiri ba ni ba ti leebi ba nyaandɔliba. Lala pɔ'aba mun dɔli ba, ba maŋtoori tumbeeri yɛla zugu, ni ba kɔribeeri yɛla zugu m‑paasi.

I PIITA 2:16

Ya bɛ ni hoo ban su ba maŋŋa la, amaa yan di zaŋŋi ya mansuulinsi maa n‑ligi ya mansi ka tumni tumbeeri. Kur kyɛ ka ya bɛ ni hoo Naawunni tuntumniba.

I PIITA 2:8

Ni#:- “Kugseaa kan nin kyɛ ka niriba tuui n nyɛ ka, Ni tampiiya ŋɔn kyɛ ka ba lu tiŋŋa.” Ba nin ŋmɛ ba nɔba n‑tuui ka saani n‑lu, dama ba daa bu niŋi yɛligu maa yɛdda. Di daa pun bɛ la lala n‑guri ba.

I PIITA 4:18

Di sɔbi n‑dooli, ni#:- “Di yi tɔa, ni ban dɔli Naawunni la n‑nya tiliginsim: Tɔ, ka ban za'asi u yɛla, ni ala'akyi dima muna - Di ya n‑niŋi ba la wula?”

II PIITA 2:10

Ka niriba wa seeba gaari ba zaa - di nyɛ la: baseeba ban zaŋŋi ba zikki zaa n‑niŋi ningbiŋŋu kɔrisi ni, ka za'asi kpamma nɔya wumpu. Lala niriba ba'a ka sɔsɔ yɛla ni, saazugu gyirima daandima ka ba bu zɔra, ka laa n‑tɔ'asiri yɛttɔ'abeeri ka zaŋŋi ba sufukpeemni n‑tuuri ba.

II PIITA 2:7

Amaa u daa fa Lɔti m‑basi. Bɔ zugu? Lɔti daa nyɛ la ninvugsuŋŋu. U daa nyari ninvugseeba ban daa za'asi kaari ni sɔsuma zaa la, ka nya ba tumbeeri an daa nyɛ seem, ka u sufu daa sa'am di zugu.

II PIITA 3:7

Amaa sangbana ni duniya seesi an bɛ ni wa muna - Naawunni daa yɛli u yɛligu yaasa, ni, u ti mari a n‑guri ni a ti nyɔ bugum. Ba mari a n‑guri la ninvugbeeri maa sariya karibu daari, ni ba kari ba sariya ka sa'am ba.

I GYƆNI 2:22

Ŋɔni n nyɛ ziri daana? - Pa ŋɔn kyiisiri, ni, Yisa pa la Masiiya maa? Di daama nyɛ la Masiiya Dindaana maa; u nyɛ la ninvugsɔ ŋɔn za'asiri ti Ba Naawunni ni u Bii Yisa zaa yɛla.

GYUUDA 1:15

u kyɛ na ni u ti kari sɔkam sariya. U nin darigi ba zaa tubri ba tumbeeri zugu, ni ban daa tɔ'asi yɛttɔ'abeeri n‑za'asi ŋɔn Naawunni maa zugu - ala'akyi dima n nyɛ ba ka ba za'asiri Naawunni noori.”

GYUUDA 1:18

Ni, ba daa yɛli, “Saha nin ti kyɛ na din nyɛ naari saha ka ninvugseeba nin ti bɛ ni n‑niŋni ansarisi, n‑dɔli la ba kɔribeeri, ka za'asiri Naawunni yɛla.”

KASIGRI 15:4

Ti Dugma, sɔ ka ni n ku zɔ dabeem Ka pɛ'ai i yuuri maa. Nyin kɔkɔ n nyɛ kasi. Bura kam dima nin kyɛ na Ni ba ti gyeemni i tooni. Dama i sariya karibu mari yɛlimaŋni Ka sɔkam zaa nya ka baŋŋi.”