GYUUDA 1:24 - Mampruli

^24-25 Naawunni kɔkɔ n nyɛ ti tiligra, ka ŋɔn nin toaai n‑guri ya n‑kyɛ ka ya kpalim m‑bɛ kasi. U nin zaali ya u gyirima zii tooni, ka da'ari ka ni, ka kyɛ ka ya sufu pɛligi zaa di zugu. Ya kyɛ ka ŋɔn Naawunni nya gyirima ti Dugma Yisa Kirisita Masiiya maa zugu, ka nya duusigu, ni kpeeŋŋu, ni yaa. Ka di daa daŋŋi m‑bɛ la lala, ka na bɛ la lala zuna, ka di nin kpalim m‑bɛ lala saha din ka naari. Ammi.

GYUUDA 1:24 Iomraidhean Croise

MATIYU 16:27

Ya bu nya? - Ninsaala Bii maa siri nin zaŋŋi u Ba Naawunni gyirima ka kyɛ ka Naawunni malaakadima dɔli u ka u kyɛ na: lala saha maa ka u nin yɔ sɔkam samni hoo di daama tuma ŋɔn daa bɛ seem la.”

MATIYU 19:28

Yisa daa yɛli, “Yɛlimaŋni ka n yɛtti ya wa, yaseeba ban pun dɔli man nyaaŋŋa la, ni, Ninsaala Bii maa yi ti zi u naam zizii maa ni, ka di bɛ la duniya paalli din kyɛ na la puuni - lala saha maa ka ya niriba pii ni ayi wa nin ti zini naam gbana zugu n‑katti Izraɛli za'anɔya pii ni ayi niriba sariya.

MATIYU 25:31

Ni, “Dama Ninsaala Bii ŋɔn ya zaŋŋi u gyirima neesim n‑kyɛ na sahanseaa la, ka malaakadima zaa ŋɔn nin la'am n‑dɔli u, di saha u nin zini u naam ziziveelli zugu.

MATIYU 5:12

Ya kyɛ ka ya sufu maai m‑pɛligi pam dizugu, dama ya laara zoaaya pam arizana ni. Ya bu nya? - lala ka ba daa daŋŋi n‑niŋi anabidima la.”

LUUKI 9:26

Ninvugsɔ yi zɔri vi man ni n yɛligu maa zugu, ŋɔna zugu Ninsaala Bii maa nin ti zɔ vi, sahanseaa u yi mari u gyirima n‑kyɛ na, ni u Ba gyirima, ni malaakadima zaa m‑paasi u zugu.

ROOM DIMA 14:4

I nyɛ la ŋɔni n‑katti sɔ daabri sariya? Di ti nyɛ la ŋɔn su u maa n nin baŋŋi u nyaŋŋiya, bee, u luya. Halli u nin nyaŋŋi n‑zɛ yummu, dama u dugma nin toaai n‑kyɛ ka u nyaŋŋi.

ROOM DIMA 8:31

Tɔ, ka dinŋɔna wula ka ti ya yɛli di zugu? Naawunni yi bɛ ti saani, ŋɔni n nin toaai n‑zabri ti? Ay! sɔ ka ni.

II KƆRINTI DIMA 11:2

N gɔsiri ya yɛla suŋŋasuŋŋa, ka a dɔli la Naawunni soori. Di ŋmani la hoo m bii n nyɛ ya, pɔ'asariga, ka m pun basi noori, ni, ya nin kuli sira yinni - di nyɛ la Kirisita. Lala zugu ka m boori la ni ba taasi ya u yiri hoo pɔ'asarisuŋŋu ŋɔn ka galinsi.

II KƆRINTI DIMA 4:14

Dama ti mi halli, ni, Naawunni daa neaai ti Dugma Yisa kum ni. Ka laa m‑mi, ni, ŋɔna n nyɛ sɔ ŋɔn nin kyɛ ka ti gba neaai, tin ni Yisa ŋɔn la'am m‑bɛ ni maa, ka nin taasi tin ni yarima zaa m‑paai u saani na.

II KƆRINTI DIMA 4:17

Yɛlimugsa mari ti, amaa a bu tibsa ka a mun ku yuui. Ka anŋɔ zaa nin kyɛ ka ti nya tibsim ni gyirima an gaari zaa ka laa n‑ka naari.

ƐFƐSUSI DIMA 3:20

Tɔ: ka dinŋɔna Naawunni mari yiiko din nin toaai n‑tumni n‑gaari tin susi seem, bee, tin teesi seem maa zaa, ka u lala yiiko m bɛ ti ni n‑tumna.

ƐFƐSUSI DIMA 5:27

Yaasa, u daa niŋi lala ni u ti zaŋŋi ba n‑ti u maŋŋa: ba nyɛ la hoo u maŋtoori pɔ'a, pɔ'aveelli ŋɔn ka lasim, bee da'ari, bee lala yɛlibeoo zaa, nti bɛ u dinni ka ka galiŋŋu.

KƆLOOSIDIMA 1:22

Amaa pampaŋŋɔ Naawunni Bii la daa zɔ ya sindaani Naawunni saani ka kyɛ ka nangbanyinni maali n‑niŋi. U daa zaŋŋi u ninsaatiri ningbiŋŋu n‑niŋi lala, dama u daa mari ka halli nti kpi. Dinŋɔ zugu ka u mari ya n‑taasi Naawunni saani ka kyɛ ka ya ku mari taaliseaa, ka ya leebi Naawunni niriba kasi, ka ka galiŋŋu u saani.

KƆLOOSIDIMA 1:28

Tɔ, ŋɔn Yisa Kirisita nyɛ la ti lahabaseaa tin moonni maa. Ti kpaamni sɔkam, ka zaŋŋni yɛm zaa n‑wulisiri ba, ni ti ti zaŋŋi ba zaa n‑taasi ŋɔn Kirisita saani na, ni ba ti leebi niriba ni yɛlimaŋni.

KƆLOOSIDIMA 3:4

Halli ya nyɔvuri n nyɛ Kirisita la, ka ŋɔn Kirisita yi ti yiisi u mammaŋŋa paalu ni, ya gba nin la'am m‑bɛ u saani n‑yi paalu na ni gyirima.

II TIMƆTI 4:18

Ti Dugma nin yiisi ma yɛlibeoo kam zaa ni na, ka nin mari ma halli nti paai u arizana naam ni. Ŋɔna n sum ni tibgri halli ni saha kan ka tɔriga! Ammi!

GYEEMSI 2:10

Dama ninvugsɔ ŋɔn dɔli zaaligudima zaa, amaa ka galim zaaligu yinni kɔkɔa, lala nira galim la zaaligu zaa.

I PIITA 4:13

Amaa ya mari sufupeelli, yan ni Masiiya maa ŋɔn la'am n‑namsi la zugu, dama ya nin mari sufumaasim pam sahanseaa u gyirima ŋɔn ti yi paalu na la.

II PIITA 1:10

Lala zugu, m mabiisi, ya kpaŋŋma ya mansi sahakam zaa n‑sakkri ti Dugma Naawunni booligu, dama ŋɔna n yiisi ya. Ya kyɛ ka u yɛla zɛ suŋŋa ya saani. Ya yi niŋi lala ya ku laa n‑labi nyaaŋŋa.

GYUUDA 1:21

ka kur kpalimma Naawunni wurilim la puuni. Ya dim sugru n‑guusiri ti Dugma Yisa Kirisita nambɔzoaa saha la, dama lala saha maa ka ya nin ti nya nyɔvuri kan ka tariga.

KASIGRI 14:5

Ka ziri ka ba nɔya ni, dama galinsi ka ba saani halli beela.