GYUUDA 1:21 - Mampruli

²¹ ka kur kpalimma Naawunni wurilim la puuni. Ya dim sugru n‑guusiri ti Dugma Yisa Kirisita nambɔzoaa saha la, dama lala saha maa ka ya nin ti nya nyɔvuri kan ka tariga.

GYUUDA 1:21 Iomraidhean Croise

GYƆNI 1:17

Musa saani ka Naawunni daa kyɛ ka u zaaligu maa daa paai ti na, amaa Yisa Kirisita Masiiya saani ka ti nya veelim ni yɛlimaŋni.

GYƆNI 14:21

Ŋɔnkam deaai la n noori zaaligu ka sakkri n‑tumni lala, ŋɔna n nyɛ sɔ ŋɔn wuri ma. Ka ŋɔnkam wuri ma muna - m Ba nin wuri di daama, ka man gba nin wuri u, ka nin kasigi m maŋŋa n‑wulisi u.”

TUUMUDIMA TUMA 11:23

Ŋɔn daa paai bɛni nti nya Naawunni ŋɔn daa pun tisi piinisuma n‑tiri bɛni niriba maa, u sufu daa maaya: ka u daa kpamsi ba, ni, ba kpaŋŋma ba mansi n‑zɛ ti Dugma maa nyaaŋŋa ni nimbirimoaa.

ROOM DIMA 5:21

Tumbeoo zugu n‑daa la, dama tumbeoo daa mari kum yiiko n‑su niriba fukumsi, amaa lala ka Naawunni piinisuŋŋu mari yɛlimaŋni yiiko n‑su ba fukumsi, halli ka ba ti nya nyɔvuri kan ka tɔriga, Yisa Kirisita Masiiya zugu.

ROOM DIMA 5:5

Ka tama maa paasigu ku kyɛ ka ti di vi, dama Naawunni zaŋŋi u Siiya n‑ti ti ka ti baŋŋi u wurilim ŋɔn zoaai seem di zugu.

ROOM DIMA 6:23

Dama Ala'akyi yoori yoori n‑tiri ka tuntumniba, ka lala yoori nyɛ la kum. Amaa Naawunni mun tiri la u piini yɔriyɔri, ka lala piini nyɛ la nyɔvuri kan ka tɔriga, Kirisita Yisa ti Dugma saani.

II TƐSALƆNIKA DIMA 3:5

Ti Dugma kyɛ ka ya baŋŋi u wurilim ŋɔn nyɛ seem, ka ya diri sugru hoo Kirisita Masiiya ŋɔn diri di seem la zaa.

I TIMƆTI 1:2

N sɔbri ka n‑tiri nyini, Timɔti, m bimaŋni ti yɛdda niŋbu soori maa ni. Ti Ba Naawunni ni ti Dugma Yisa Kirisita nin zɔ i namboo ka niŋi bunsuma n‑niŋi i ni, ka ti i sufudoaa.

II TIMƆTI 1:16

Amaa n susiri ti Dugma Naawunni, ni, u zɔma Ɔneesifɔru ni u yiri dima namboo, dama u daa kur nyɛ la ŋɔn kpamsiri n sufu sahakam; ka vi bu mari u ban kpari ma dansarika duu wa zugu.

II TIMƆTI 1:18

Ti Dugma kyɛ ka u ti nya namboo ŋɔn ti Dugma saani Zaadaari maa! Ka nyin mun mi ŋɔn daa tum tunsunseesi Ɛfɛsusi n‑suŋŋi ma.

II TIMƆTI 1:2

N sɔbri n‑tiri nyini, m biwuttigu Timɔti. Ti Ba Naawunni ni ti Dugma Kirisita Yisa nin zaŋŋi piinisuma n‑ti i ka zɔ i namboo, ka ti i sufudoaa ni alaafɛa!

II TIMƆTI 4:8

Seela bu laa n‑kpalim n‑ti ma, di yi pa la n yɛlimaŋni tuma wa laara deaari. Ti Dugma Yɛlimaŋni Daana nin ti kari sariya Zaadaari maa, ka ŋɔn saani ka n nin deaai ka. Laara n dɔya n‑guri ma, ka di pa la man kɔkɔ ka u ti ya n‑zaŋŋi ka n‑tisi, amaa u nin ti zaŋŋi n‑ti bankam zaa sufu boori u lappu na.

HIBRUU DIMA 9:28

lala ka Yisa zaŋŋi u maŋŋa m‑maali yummu maa. Ka u nin ti labi na yaasa: ka di pa la u kari tumbeeri sariya zugu, amaa ni u tiligi seeba ban ziya n‑guusiri u ni nimbirimoaa la.

II PIITA 3:12

Yan guri ti Dugma Naawunni kyɛnni dabsiri na maa, ya kpaŋŋma ya mansi ka ka kyɛ na yooma. Di daari maa ka sangbana nin di bugum n‑sa'am, ka saazugu ni tingbaŋŋu tuga ni a neema zaa nin nyɛligi m‑basi.

I GYƆNI 4:16

Ka ti mammansi mi wurilim seaa Naawunni ŋɔn mari n‑tiri ti maa, ka ti niŋni lala wurilim yɛdda. Naawunni nyɛ la wurilim, ka sɔ yi bɛ wurilim beesigu ni, di daama la'am la ni Naawunni m‑bɛ ni, ka Naawunni gba la'am ni u m‑bɛ ni.

I GYƆNI 5:18

Tɔ: ti mi halli, ni, ninvugsɔ zaa ŋɔn nyɛ Naawunni biiya - u bu kpalim n‑tumni tumbeeri; dama Yisa, Naawunni ŋɔn dɔ'ai sɔ, nin ti gɔsi u yɛla; ka Sintaani ŋɔn su tumbeeri fukumsi la ku niŋi u seela.

I GYƆNI 5:21

Tɔ, ka dinŋɔna, m biisi, ya mari ya mansi ka di gyeem ba'a bee buga.

GYUUDA 1:1

Man Gyuuda, Gyeemsi sunzɔ la, n sɔbri gbaŋŋu wa n‑tiri ya; man ŋɔn nyɛ sɔ ŋɔn tumni n‑tiri Yisa Kirisita Masiiya hoo u daabri la. Yarima ka n sɔbri gbaŋŋu maa n‑tiri ya, dama n wuri ya ti Ba Naawunni yɛla zugu, ka ba pun booli ya Naawunni saani na ka Yisa Kirisita mari ya suŋŋa.

GYUUDA 1:22

Ya zɔm namboo n‑ti ninvugseeba ban birisira.

GYUUDA 1:24

Naawunni kɔkɔ n nyɛ ti tiligra, ka ŋɔn nin toaai n‑guri ya n‑kyɛ ka ya kpalim m‑bɛ kasi. U nin zaali ya u gyirima zii tooni, ka da'ari ka ni, ka kyɛ ka ya sufu pɛligi zaa di zugu. Ya kyɛ ka ŋɔn Naawunni nya gyirima ti Dugma Yisa Kirisita Masiiya maa zugu, ka nya duusigu, ni kpeeŋŋu, ni yaa. Ka di daa daŋŋi m‑bɛ la lala, ka na bɛ la lala zuna, ka di nin kpalim m‑bɛ lala saha din ka naari. Ammi.

KASIGRI 12:11

Pɛbila ziim la zugu ka ba nyaŋŋi u - Ba nyaŋŋi u Naawunni yɛla la zugu; Dama ba daa moonni Naawunni yɛla - ban daa nya ka wum u saani yɛttɔ'aseesi la. Ba pa la seeba ban boori ba nyɔvuya Halli ni ba kum ni.