GYUUDA 1:15 - Mampruli

¹⁵ u kyɛ na ni u ti kari sɔkam sariya. U nin darigi ba zaa tubri ba tumbeeri zugu, ni ban daa tɔ'asi yɛttɔ'abeeri n‑za'asi ŋɔn Naawunni maa zugu - ala'akyi dima n nyɛ ba ka ba za'asiri Naawunni noori.”

GYUUDA 1:15 Iomraidhean Croise

GYƆNI 5:27

Ka laa n‑ti u yiiko ni u kari sariya m‑paasi, ŋɔn nyɛ Ninsaala Bii maa zugu.

TUUMUDIMA TUMA 17:31

Dama u na pun zaali dabsiri, dabsiseaa ŋɔn ya n‑zaŋŋi u yɛlimaŋni maa n‑kari duniya zaa niriba sariya. Ka di nin dɔli dɔsɔ yɛligu - dɔsɔ ŋɔn Naawunni ŋɔn pun yiisi di zugu la. U daa pun wulisi ti zaa, ni, di siri nin niŋi, ka daa zaŋŋi di daama n‑kyɛ ka u neaai u kum nyaaŋŋa.”

ROOM DIMA 14:10

I nyɛ la ŋɔni? - nyin ŋɔn galimni i mabiiya n‑zeemni u lala? Ti zaa nin ti zaani Naawunni maa tooni ka u kari ti sariya.

ROOM DIMA 2:16

Tɔ: anŋɔ zaa nin niŋi la dabsiri seaa Naawunni ŋɔn ya kari saalidima yɛlisɔ'ara sariya la, ka di yi Kirisita Yisa saani na. Lala ka man kur wulisiri niriba, n lahabasuŋŋu mooligu maa ni.

ROOM DIMA 2:5

Ay! I tuppuwumni zugu ka i ku sakki n‑ŋmaligi ka kyɛ i yɛlibeeri maa, ka lala ka i la'asiri toom yɛla n‑zaantiri n‑tiri i maŋŋa, zaŋŋi n‑kyaŋŋi Naawunni suuri daari; sahanseaa ka u laa n‑nyɛ la ŋɔn katti sariya ni yɛlimaŋni ka sɔkam zaa nya.

I KƆRINTI DIMA 4:5

Lala zugu yan di daŋŋi n‑kari sariya ka saha maa na bu paai na; halli ni ti Dugma kyɛnni na. Ŋɔna nin kyɛ ka din sɔ'ai zibsim ni zaa nin ti yi paalu na, ka wulisi saalidima sufu ni teesa an bɛ seem. Di saha ka sɔkam zaa nin ti nya pɛ'abu din sumsi u, Naawunni saani.

I KƆRINTI DIMA 5:13

Seeba ban pa ti niriba muna - Naawunni nin kari ba sariya. Ni, “Ya karima putoo daana n‑yiisi ya puuni.”

I TIMƆTI 1:9

Ka di kpa la talasi ni ti baŋŋi, ni, Naawunni bu zaali u zaaligu dima maa ninvugsuma zugu, amaa u zaali a la zaaligu za'asiriba zugu, ni tuppuwumni dima, ni ban bu gyeemni Naawunni, ni ala'akyi dima zugu. U laa n‑zaali a la ban beebu bu bɛ kasi ka ba ba'a ka Naawunni yɛla ni la zugu, ni ban nyɛ ninvugkuuriba n‑kuuri ba badima ni ba madima la.

GYUUDA 1:16

Niriba wa nyɛ la yɛttɔ'adɔ'asa daandima, ba kur fabinni la yɔriyɔri; ba dɔli la ba kɔribeeri sɔya, n‑tɔ'asiri n‑nyuuri bara; ba bu tiri niriba gyirima, amaa ba ya n‑yɔmsi ba n‑kyɛ ka ba nini tigi ba yɛla.

KASIGRI 13:11

Tɔ; ka n daa laa n‑nya bunkɔbsɔ yaasa, ka u yi tingbantiŋni n‑du na. U daa mari la yiila ayi, kaman pɛbila, amaa u daa tɔ'asiri kaman Nyɛbkarigu la.

KASIGRI 22:20

Sɔ ŋɔn niŋi anŋɔ zaa sɛhara la yɛtti, ni, “Ii pampaŋŋɔ ka n kyɛnni na.” Ammi: n Dugma Yisa kyɛm na!