GALƐSEAA DIMA 4:1 - Mampruli

¹ Amaa n yɛtti ya wa, ni, bisɔ yi di u ba faari ka na nyɛ bipɔlli, lala saha maa u yi bɛ la kaman daabri ŋɔn bɛ seem la, halli ŋɔn kur su bunseelli kam maa zaa yɔri.

GALƐSEAA DIMA 4:1 Iomraidhean Croise

GALƐSEAA DIMA 3:29

Ya yi nyɛ la Kirisita ŋɔn su seeba, tɔ, ka dinzugu ya nyɛ la Ibrahim nyaaŋŋa dima, ka ya nin ti deaai Naawunni ŋɔn daa basi nangbambasiseesi maa.

GALƐSEAA DIMA 4:2

Ŋɔn yi na nyɛ bipɔlli sahaseaa maa, seeba n yi su u fukumsi ka maanni u yɛla kam zaa n‑tiri u, halli ka u ba maa ŋɔn daa zaali sahaseelli maa yi ti paai.

GALƐSEAA DIMA 4:23

Ba daa kur dɔ'ai u bisɔ ŋɔn daa nyɛ pɔ'adaabri bii maa la hoo pɔ'a ŋɔn kur dɔ'ari bii kam zaa seem maa; amaa u bisɔ ŋɔn daa nyɛ birikyimpɔ'a la bii maa ŋɔna, ba daa dɔ'ai ŋɔnla Naawunni nangbambasiri basibu puuni.

GALƐSEAA DIMA 4:29

Lala saha maa ka bisɔ ban daa dɔ'ai kaman pɔ'a ŋɔn kur dɔ'ari seem maa daa niŋi la alaka n‑niŋi bisɔ ban daa dɔ'ai Naawunni Sii nangbambasiri puuni la; ka pampaŋŋɔ di kur nyɛ la lala taataabu maa.

I GYƆNI 5:10

Nira kam ŋɔn niŋi Naawunni Bii maa yɛdda mari la lala sɛhara maa u maŋtoori sufu ni. Ŋɔn kam mun ku sakki, ni, u niŋi Naawunni yɛla yɛdda, di daama n kur yɛtti, ni, Naawunni nyɛ la ziri daana, dama u bu niŋi Naawunni ŋɔn di sɛharaseaa yɛdda, sɛhara zaŋŋi n‑kyaŋŋi u Bii maa yɛla maa.