GALƐSEAA DIMA 3:1 - Mampruli

¹ Yarim Galɛseaa dima wa! Yan gyɛra dima wa! Ŋɔni n lee n‑zaŋŋi u tiima n‑kyirim ya wa? Ya mammantoori nini n daa nya m‑baŋŋi Yisa Masiiya kum maa yɛla, ni, ba daa kpaasi u n‑tabli dɔpulli zugu!

GALƐSEAA DIMA 3:1 Iomraidhean Croise

MATIYU 24:24

Seeba nin ti doaai na m‑ma'ari ziri, ni, ban n nyɛ Masiiya, bee, ban n nyɛ anabidima; ba nin tum alahazibu tunkara ni ba ti yɔmsi niriba m‑basi, halli ni Naawunni ŋɔn yiisi seeba maa gba, amaa Naawunni ku sakki lala.

MATIYU 7:26

Ŋɔnkam zaa mun wum n yɛligu ka bu dɔli ka, u ŋmanni la gyɛrigu sɔ ŋɔn daa mɛ u yiri n‑tɔm tambisigu ni.

LUUKI 24:25

Ka ŋɔna n daa yɛli ba, ni, “Yarima yamkɔŋŋniba wa! Ya bu wumni anabidima ŋɔn daa pun tɔ'asi yɛttɔ'aseesi la, ka bu sakki n‑niŋi a yɛdda yooma!

TUUMUDIMA TUMA 16:6

Tɔ: ka ba daa gɔ n‑dɔli Firigyii ni Galɛseaa tingbana dama Naawunni Sii Suŋŋu daa bu ti ba soori ni ba tɔ'asiri lahabaari maa Ɛseaa tingbaŋŋu maa ni.

TUUMUDIMA TUMA 6:7

Tɔ; ka di nyaaŋŋa ka Naawunni wulisigu wumpu maa daa kur yɛligri ni, ka ban daa dɔli Yisa soori maa kaaligu daa nɔbi Gyɛrusalɛm puuni, halli ka Yɛhudiyadima maalimaanniba pam daa sakki n‑deaai Yisa yɛdda.

ROOM DIMA 10:16

Amaa pa sɔkam zaa n daa sakki n‑ti lahabasuŋŋu maa; hoo Aizaaya ŋɔn daa yɛli seem la, ni, “Ti Dugma, ŋɔni n niŋi ti kukɔri la yɛdda? - Ay, sɔ zaa bu niŋi!”

ROOM DIMA 2:8

Ban mun mari halibeoo n‑kur boori ba mansi ka za'asiri yɛlimaŋni ka dɔli yɛlibeeri, ban ka Naawunni sugyeaa nin kpeesi namsigu ni toom ni.

ROOM DIMA 6:17

Amaa ti puusiri Naawunni barika! Dama ni ya daa bɛ Ala'akyi suulinsi ni n‑wumni Tumbeoo yɛligu hoo daaba maa zaa, ya daa wum yɛlimaŋni mooligu la ka doaai n‑takki ya sufu ni teesa ka sakki n‑deaai wulisigu maa.

I KƆRINTI DIMA 11:26

Tɔ, ka sahanseaa kam ya yi ti di bundira wa ka nyu kɔbeaa wa bunnyuura, ya moonni la ti Dugma kum yɛla, halli ni u lappu na.

I KƆRINTI DIMA 2:2

Ay! - n daa yɛli, ni, man ŋɔn bɛ ya saani la m bu ya sakki m‑baŋŋi seelli na'ala Yisa Kirisita Masiiya yɛla kɔkɔ ka n nin baŋŋi - halli ban daa kpaasi u n‑tabli dɔpulli zugu gba.

II KƆRINTI DIMA 10:5

m‑paasi bunseelikam zaa kan duusiri kamaŋŋa ka za'asiri Naawunni yɛla bamsim. Ti mun zabri ni ti ti gbaasi sufu ni teesa zaa, n‑kyɛ ka a zaa ti wum n‑ti Kirisita.

II KƆRINTI DIMA 11:3

Amaa dabeem mari ma, dama n teaari Hawa yɛla, ni, waafu daa zaŋŋi u putɔyam n‑yɔmsi u n‑nyaŋŋi u; man mun n zɔri, ni, di yi pa seem ya nin burigi n‑yi yɛlimaŋni sɔseaa yan nin mari n‑dɔli Kirisita wa ni.

GALƐSEAA DIMA 1:2

Man ni ti mabiseeba ban bɛ kpa m‑paasi n zugu n‑sɔbri n‑tiri yarima - ya Naawunni la'aŋŋu dima zaa ban bɛ la Galɛseaa tingbaŋŋu ni.

GALƐSEAA DIMA 1:6

Di gyɛri ma pam ya yɛla zugu! Dama di na bu yuui ka ya zaa daa ŋmaligi n‑za'asi ninvugsɔ ŋɔn daa booli ya u saani na, u piinisuma la zugu, ka ya daa dee n‑sakki n‑tiri lahabasunseaa.

GALƐSEAA DIMA 2:14

Man ŋɔn daa ti nya ka ba daa bu dɔli lahabasuŋŋu maa soori ni yɛlimaŋni, n daa zɛ la ba zaa tooni nti yɛli Siifasi, ni, “Nyin nyɛ la Yɛhudiya nira, amaa ka i bɛ la ban pa Yɛhudiyadima maa beesigu, ka bu ŋmani Yɛhudiyadoowa. Ka di kyaŋŋi la wula ka i boori i mugsi ban pa Yɛhudiyadima maa ka ba bɛ ni kaman Yɛhudiyadima?”

GALƐSEAA DIMA 3:3

Wula zugu ka ya lee n‑nyɛ gyɛra lala? Ya daa piili la ni Naawunni Sii Kasi maa; ya boori la ya ti naai ni ya mammantoori yiiko?

GALƐSEAA DIMA 4:9

Amaa pampaŋŋɔ, yan yipa baŋŋi Naawunni wa - bee, ŋɔn Naawunni ŋɔn baŋŋi ya yɛla maa - ka di kyaŋŋi la wula ka ya laa m‑boori ya maali n‑leebi daaba? Ammi, ya yɛ laa n‑labi duniya fukumsi siisi wa saani? - siseeba an ka kpeeŋŋu wa, bumbugsa wa, fa! Bumbɔ n taasi ka ya laa m‑boori lala?

GALƐSEAA DIMA 5:11

M mabiisi, amaa man ŋɔna - ni, n na kur kpalim n‑gyinni m‑moonni, ni, gunibu nyɛ la bunseela din kpa talasi: tɔ, ka di yi bɛ la lala, wula zugu ka n laa m‑bɛ galinsi ni wahala puuni? Dama man yi siri moonni lala, Yisa kum dɔpulli yɛla ku laa m‑bɛ n saani ni ba ti yaai ma di zugu.

ƐFƐSUSI DIMA 3:8

Man muna - halli ni Naawunni niriba zaa ŋɔn gaari ma zaa yɔri, u daa zaŋŋi piini wa n‑ti ma na, ni n ti moonni lahabasuŋŋu n‑tiri ban pa Yɛhudiya dima la. Ka lala ka ba ti baŋŋi Kirisita nya'asim ŋɔn tibsa seem, halli ni sɔ ku toaai m‑baŋŋi di gbinni zaa yɔri.

ƐFƐSUSI DIMA 4:14

Ka ti ku laa n‑nyɛ bileesi, ti ku laa n‑dɔli wulisigu balibubalibu hoo pɛsigu ŋɔn zɛ ti yɔriyɔri seem; ti ku laa n‑kyɛ ka yɔsimyɔmsiriba nin ma'ai ti ziri n‑yɔmsiri ti.

ƐFƐSUSI DIMA 5:15

Anŋɔ zaa zugu, ya baŋŋma yan bɛ seem suŋŋasuŋŋa; di tumni gyɛrilim, amaa ka ya tumni yɛm tuma.

II TƐSALƆNIKA DIMA 1:8

U nin zaŋŋi bugum din dira n‑kyɛ na, ni u ti darigi ban bu mi Naawunni maa tuba, ni ban za'asi ti Dugma Yisa lahabasuŋŋu maa tuba gba.

I TIMƆTI 6:4

di daama nyɛ la karimbaani daana ka na zi bunseela. U naa n‑nyɛ la kɔribeeri daana ŋɔn sufu kur bɛ la nangbankpeemni ŋmeebu ni, ni zabkyɔ'ama zappu zugu. Dinŋɔ taasiri la nyuuri zappu na, ni taaba nyaanzum, ni wɔligri, ni zulisigu.

HIBRUU DIMA 11:8

Yɛdda zugu ka Ibrahim daa sakki, sahaseaa Naawunni ŋɔn daa booli u n‑wulisi tingbanseaa ŋɔn ya n‑zaŋŋi n‑ti u, ka ka ti leebi u faari la. U daa sakki, ka daa doaai n‑kyaŋŋi, ka dinŋɔ zaa daa niŋni maa ka Ibrahim na bu mi ŋɔn wa luginseaa maa.

HIBRUU DIMA 5:9

Ŋɔn daa ti naai seelikam, u daa ti leebi la tiliginsim kan ka naari daana n‑ti seeba ban sakki u yɛligu la.

I PIITA 1:22

Ya pun dɔli la yɛlimaŋni soori, ka deaai Naawunni noori n‑leebi u dinni. Ka lala yi kyɛ ka ya siri wuri ya mabiisi ka yɔmsa ka ni. Dizugu ya na wuri ba, ya sufu ni, ni nimmoaa.

I PIITA 4:17

Saha paaya ni sariya karibu piili. Naawunni niriba mun ya daŋŋi tooni sariya maa ni: tɔ - ka di yi piili ti saani, wula ka di ti ya n‑naai ban bu sakki n‑wum Naawunni yɛligu lahabasuŋŋu la saani?

II PIITA 2:18

Ba tɔ'asiri la karimbaani yɛttɔ'aseesi an mari gyɛrilim. Ka ba zaŋŋni ba ningbinkɔrisi tuma n‑yɔmsiri niriba - ninvugseeba ban na yi ziri yɛla ni n‑niŋni tuuba ka di bu yuui.

KASIGRI 18:3

Dama duniya wa zaa daa nyu u daam maa - U pɔ'agootiri daam bun mari yaa la. Duniya nadima daa doontiri u ni, Ka duniya daa biisi daa nya arizikki U pɔ'agootiri ligri zugu.”

KASIGRI 2:20

Amaa m mari yɛttɔ'aseaa n nin yɛli n‑galim ya, ni, ya kyɛ ka pɔ'a wa, Gyɛzibɛla, wulisiri n‑yɔmsiri n niriba la. U ma'ai la ziri n‑yɛtti, ni, pɔ'a-anabi n nyɛ u, ka yɔmsiri ba ni ba ti tumni zina, ka diri ziri wuna sara.