GALƐSEAA DIMA 1:1 - Mampruli

¹ Man Pɔla n sɔbri gbaŋŋu wa n‑tiri ya: mani ka ba booli ma nti leebi tuumu la, ka di daa bu yi ninsaala saani, bee, ninsaala kpaŋmantiri puuni, amaa ka yi la Yisa Kirisita Masiiya saani, ni ti Ba Naawunni ŋɔn daa doaai u kum ni saani na.

GALƐSEAA DIMA 1:1 Iomraidhean Croise

GYƆNI 10:30

Man ni m Ba maa - ti nyɛ la yimmu.”

GYƆNI 20:21

Ka Yisa daa laa m‑puusi ba yaasa, ka daa yɛli ba, ni, “M Ba ŋɔn daa tum ma na seem la, lala ka n ya n‑tum yarima gba.”

GYƆNI 5:19

Ka Yisa labsi n‑yɛli ba, “Yɛlimaŋni ka n yɛtti ya: Bii maa ku toaai n‑niŋi bunseela u mammantoori; u niŋni la u yi nya u Ba ŋɔn niŋni seelli la kɔkɔa. U Ba maa ŋɔn tumni seem, lala ka Bii maa gba tumna.

TUUMUDIMA TUMA 22:10

Ka n daa gyɛrigi n‑yɛli, ‘Ka dinŋɔna, n Dugma, n niŋma wula?’; ka u yɛli, ‘Doaam saazugu n‑kyaŋŋi nti paai Damasikusi. Ba nin ti yɛli i man pun gbaai, ni, i niŋi seem.’

TUUMUDIMA TUMA 3:15

ka ku Nyɔvuri Daana maa. Naawunni mun daa neaai u kum ni. Tirima n daa nya ka baŋŋi, ni, lala n nyɛ yɛlimaŋni.

TUUMUDIMA TUMA 9:6

Ni, “Doaam saazugu yooma n‑kyaŋŋi nti paai Damasikusi. Ba nin ti yɛli i nyin ya n‑niŋi seem.”

ROOM DIMA 1:1

Man Pɔla n sɔbri gbaŋŋu wa n‑tiri ya. Mani n nyɛ sɔ Naawunni ŋɔn booli ma ni n ti leebi u tuumu la, ka laa n‑gaŋŋi ma n‑zaali u lahabasuŋŋu tuntumna.

ROOM DIMA 10:9

Ni, ‘ya nɔya’, dama i yaari la i noori n‑sakki, ni, Yisa nyɛ la i Dugma; ni, ‘ya sufu’, dama i niŋni i sufu ni yɛdda, ni, Naawunni daa neaai Yisa kum ni. Ka anŋɔ abayi zaa zugu ka ya nin nya tuliginsim.

ROOM DIMA 14:9

Dinŋɔ zugu ka Kirisita daa kpi ka laa n‑yisigi kum ni: ni, u leebi ban pun kpi, ni ban na bɛ ni maa zaa, Dugma.

I KƆRINTI DIMA 1:1

Man Pɔla n‑sɔbri gbaŋŋu wa n‑ti ya, man ni ti mabii Sɔsitɛniisi. Man nyɛ sɔ Naawunni ŋɔn booli ma ni n ti leebi u tuumu, dama lala ka u sufu yuubu daa wulisi.

II KƆRINTI DIMA 1:1

Man Pɔla n‑sɔbri gbaŋŋu wa - man ŋɔn nyɛ Yisa Kirisita Masiiya tuumu, Naawunni yuubu zugu - man ni ti mabii Timɔti: ti sɔbri n‑tiri ya, yan bɛ Kɔrinti tiŋŋa n‑la'amni n‑gyeemni ti Dugma la, ni Naawunni niriba zaa ban bɛ Akaaya tingbaŋŋu ni.

GALƐSEAA DIMA 1:15

Amaa Naawunni piinisuma zugu, u daa pun yiisi mani pɔi ka ba daa naayi dɔ'ai ma, ka daa ti booli ma ni n tum n‑ti u. Ka sahanseaa ŋɔn daa yi ti boori maa,

GALƐSEAA DIMA 1:17

n mun daa bu kyaŋŋi Gyɛrusalɛm nti nya tuumudima ban daa bɛ ni n‑daŋŋi n tooni tuumu tuma puuni la. Amaa n daa na'a kyaŋŋi la Arabii tingbaŋŋu la ni, ka naayi labi Damasikusi timpuuni na.

ƐFƐSUSI DIMA 3:8

Man muna - halli ni Naawunni niriba zaa ŋɔn gaari ma zaa yɔri, u daa zaŋŋi piini wa n‑ti ma na, ni n ti moonni lahabasuŋŋu n‑tiri ban pa Yɛhudiya dima la. Ka lala ka ba ti baŋŋi Kirisita nya'asim ŋɔn tibsa seem, halli ni sɔ ku toaai m‑baŋŋi di gbinni zaa yɔri.

II TIMƆTI 1:1

Mani Pɔla n sɔbri gbaŋŋu wa n‑ti i, man ŋɔn nyɛ Kirisita Yisa tuumu, ka Naawunni daa yiisi ma ni u ti diisi ma lala kpamni maa. Ŋɔn Naawunni mun daa pun basi nangbambasiri zaŋŋi n‑kyaŋŋi nyɔvuri din bɛ Kirisita Yisa saani yɛla.

TAITUUSI 1:3

Ka saha maa deede ŋɔn daa ti paai, u daa kasigi u yɛligu maa n‑tiri niriba. Naawunni ŋɔn nyɛ ti tuligra la n daa zaŋŋi lahabasuŋŋu maa n‑niŋi n nuusi ni, ka m moonni ka: ka lala lahabaari puuni ka u wulisiri u yɛligu yɛla.

HIBRUU DIMA 13:20

Naawunni nyɛ la Sufudoaa Daana: nangbanyinni zaaligu ziim zugu ka u daa yisigi ŋɔn nyɛ PɛguriZuguraana la kum ni - ŋɔn nyɛ la ti Dugma Yisa.

I PIITA 1:21

Naawunni daa neaai u kum ni, ka ti u gyirima. Ŋɔnŋɔ zugu ka ya niŋni Naawunni yɛdda, ka ya kur kyɛ ka ya yɛdda niŋbu ni ya tama zaa bɛ la Naawunni saani.

KASIGRI 1:18

Di saha ka u laa n‑yɛli, “Mani n nyɛ ŋɔn nɛ maa! N daa kpi ni, ka neaai nti kpalim saha din ka tariga; di zugu kum ni kpiimma tiŋŋa fukumsi zaa bɛ la n saani.

KASIGRI 1:5

Yisa Kirisita n daa tuui n‑neaai kum ni, ka nyɛ yɛdda daana ni sɛharaditta maa; ŋɔn gba nin zɔ ya namboo ka ti ya sufudoaa. Dama ŋɔna n nyɛ duniya zaa nadima Naaba. Ŋɔn Yisa wuri ti pam, ka lala zugu ka u daa kpi n‑yiisi ti ti tumbeeri taalli ni.

KASIGRI 2:8

Ni, “Sɔbma dinŋɔ n‑ti malaaka sɔ ŋɔn su fukumsi zaŋŋi n‑kyaŋŋi ban bɛ Simeena tiŋŋa n‑la'amni n‑gyeemni ma#:- ‘Ŋɔn n nyɛ piiligu ka laa n‑nyɛ naari yɛligu nŋɔa: u daa kpiya, ka laa n‑yisigi n‑nɛa. Ŋɔna n yɛtti ya, ni#:-