ƐFƐSUSI DIMA 5:3 - Mampruli

³ Amaa yan di kyɛ ka zina bɛ ya ni, bee da'ari tuma bee zinyuu - halli yan di kyɛ ka ba tɔ'asiri m‑boonni anŋɔ taabu yuya ya saani, dama anŋɔ bu sumni Naawunni niriba.

ƐFƐSUSI DIMA 5:3 Iomraidhean Croise

MATIYU 15:19

Dama teesibeeri zaa yiiri ninsaala puuni, ni u sufu ni na; an kyɛ ka u tumni tumbeeri - n‑kuuri niriba, n‑tumni la zina, m‑boori seeba pɔ'aba, n‑zuura, m‑ma'ari ziri n‑lusiri niriba kootu ni; ka tuuri ninsaala ni Naawunni.

LUUKI 12:15

Di saha maa ka u daa yɛli ba, ni, ba gbaam ba mansi ka di boori ligri nti yakki, dama ninsaala nyɔvuri bu bɛ la u marigu ŋɔn nyɛ seem ni kɔkɔa.

LUUKI 16:14

Tɔ; ka Farisii dima daa nyɛ ban wuri ligri pam: ba daa wum Yisa ŋɔn daa yɛli seem maa ka ba daa maanni u ansarisi.

TUUMUDIMA TUMA 15:20

See ka ti sɔbi gbaŋŋu n‑ti ba, ni, ba di ŋɔbi numda'aseesi ban kɔrigi m‑maanni ba'a ni buga la, bee, a seesi an bu kɔrigi, bee, an na mari ziim; ka ba di tum tumbeeri zaŋŋi n‑kyaŋŋi dɔgoora ni pɔ'agoora yɛla.

TUUMUDIMA TUMA 20:33

N kɔrisi daa ka sɔsɔ ligri ni, bee, u sutura ni.

ROOM DIMA 1:29

Lala maa zugu ba yi bɛ la tumpoosa ni, ni tumbeeri ni beem tuma, ni ala'akyi tuma ni; ba yɛla zaa nyɛ la nyuuri zappu, ni ninvugkuubu; ba boori la zaba, n‑yɔmsiri niriba, m‑mari halibeoo, ka zuuri la niriba nyaaŋŋa;

ROOM DIMA 16:2

Ya deaam u hoo din sumsi ni ya deaai ya mabii seem la, ti Dugma yuuri zugu. U yi ti boori seelli ya saani, ya suŋŋma u yan nin toaai seem zaa, dama ŋɔn gba suŋŋi niriba pam halli ni man gba.

ROOM DIMA 6:13

Ya di laa n‑zaŋŋi ya ningbina luga zaa n‑tiri Tumbeoo, ka a ti leebi Tumbeoo tuma neema. Amaa ya zaŋŋma ya ningbina luga zaa n‑tiri Naawunni ka a ti leebi u yɛlimaŋni tuma neema, dama ya nyɛ la seeba ban pun neaai kum ni.

I KƆRINTI DIMA 10:8

Ti di laa n‑niŋi zina tuma, hoo ban seeba ŋɔn daa niŋi seem, ka ba niriba tusa pisi ni ata daa kpi dahinyinni la.

I KƆRINTI DIMA 5:1

Lahabaari siri yi na, ni, zina m bɛ ya saani - ka ka taabu ka ni, halli ban bu dɔli Naawunni soori la saani gba: ni, dɔsɔ n di u ba pɔ'a.

I KƆRINTI DIMA 6:13

Ni, ‘Diibu nyɛ la puuri dinni, ka puuri mun su diibu yɛla.’ - tɔ, amaa Naawunni nin kyɛ ka abayi wa zaa ti baasi yɔri. Pa zina n su ningbina fukumsi, amaa ti Dugma n su a; ningbina maa Dugma n nyɛ u.

I KƆRINTI DIMA 6:18

Ya zɔma n‑yi zina tuma ni; dama tumbeeri zaa pa la nira ningbiŋŋu puuni yɛttɔ'a, na'ala zina tuma nyɛ lala; amaa ŋɔn niŋi zina tuma zaa niŋni lala tumbeeri u toori ningbiŋŋu ni.

II KƆRINTI DIMA 12:21

Dabeem m mari ma yaasa, ni, n yi kyɛ na ka Naawunni nin laa n‑sigsi ma ya nini ni yaasa, ka n nin nya sufusa'aŋŋu pam ban pun tum tumbeeri la zugu, ka ba ku sakki n‑takki n‑yi lala yɛla ni. Ba tumbeeri wa bɛ la hoo da'ari tuma la, ni zina, ni kɔribeeri tuma an bu dɔli soori halli zaa.

ƐFƐSUSI DIMA 5:12

Dama tunseesi niriba wa ŋɔn sɔ'ari n‑tumni la muna - halli sɔ yi tɔ'asi a yɛla, di nyɛ la vi.

ƐFƐSUSI DIMA 5:5

Ya baŋŋma dinŋɔa: zinyuu daana n nyɛ sɔ ŋɔn gyeemni la buga, ka ŋɔna ni zina nira ni da'ari tuntumna - ba sɔkam ku la'am n‑di faari n‑kpɛ Naawunni naam ni, din nyɛ Kirisita dinni la.

FILIPAAI DIMA 1:27

Yɛttɔ'a seelikam zaa yɔri, ya na kpalimma m‑bɛ beesisuŋŋu din sumsi Kirisita lahabasuŋŋu niriba la. Di yi bɛ lala, man yi kyɛ ya saani na n‑nya yan bɛ seem, bee, n na bɛ wa'aligu ka kur wumni ya damni, di zaa nyɛ la yimmu. Dama n nin baŋŋi, ni, ya la'amni m‑bari n‑zaani Sii maa nangbanyinni ni, n‑tumni lahabasuŋŋu yɛdda tuma ni nimbirimoaa.

KƆLOOSIDIMA 3:5

Lala zugu, see ka ya ku ya duniya wa ni kɔrisi yɛla zaa - zina nla, ni tumpoosa boobu an mari da'ari, ni kɔribeeri, ni ligri ni neema boobu, ka di ŋmani la wuna gyeeŋŋu la, dama ya boori ana n‑gaari ya Naawunni boobu: ya kyɛ ka a zaa basi yɔri.

I TƐSALƆNIKA DIMA 4:3

Naawunni yuubu ya saani nyɛ la: ya maali n‑leebi u niriba ka bɛ kasi, ka di tum zina.

I TƐSALƆNIKA DIMA 4:7

Naawunni daa bu booli ti, ni ti tum la ningbiŋŋu kɔri tuma; amaa u daa booli ti, ni ti dɔli kasitiri beesigu soori.

I TIMƆTI 2:10

Ay! See ka ba zaŋŋi tunsuma m‑maanni ba mansi: lala ka di sum ni pɔ'aba ban gyeemni Naawunni bɛ ni.

I TIMƆTI 3:3

Di bu sumni ni u nyɛ ŋɔn nyuuri daam m‑bugra, bee ŋɔn nyɛ zabboora; amaa di sumni ni u nyɛ la ŋɔn bɛ baalimm ka pa ŋɔn ŋmeeri nangbankpeemni, bee, ŋɔn sufu wuri ligri nti yakki.

I TIMƆTI 6:10

Dama ligri boobu nyɛ la bumbeeri kam zaa nya'ari. Ka ninvugseeba ban sufu daa kur bɛ ligri nyaabu zugu daa burigiya ni, ka kyɛ ba yɛdda halli nti zaŋŋi sufusa'aŋŋu pam n‑kusi ba mansi hoo piima la.

II TIMƆTI 3:2

Niriba nin ti mari beem, ka wuri ligri n‑gaari ninsaalidima. Ba nin nyuuri bara n‑duusiri ba mansi ka tuuri Naawunni ni niriba. Biisi nin ti za'asi ba badima ni ba madima yɛligu ka ba bu ya puusi ban tum tunsuma n‑ti ba. Ba nin za'asi Naawunni beesikasi yɛla.

TAITUUSI 1:11

Ba yɛttɔ'a ka soori - see ka i kyɛ ka ba sina, dama ba wulisiri la wulisiseelli din da bu sumni ni ba wulisi. Lala wulisigu maa ŋmaari la yiya. Nyoori zugu ka ba niŋni lala maa.

TAITUUSI 1:7

Toondaana ŋɔn su Naawunni yiri dima tuma fukumsi zugu, di niŋi la kamaata ka u mari la beesisuŋŋu ka ka galiŋŋu. Di bu sumni ni u nyuuri bara, bee, u sufu yisigi yoomyooma. Di mun bu laa n‑sumni ni u nyɛ danyuura, bee, zabboora bee, ŋɔn ba'a zaa bɛ la ligri boobu ni.

TAITUUSI 2:3

Wulisima pɔ'akura la gba ka ba beebu mari gyirima; amaa ka pa ni ba leebi ban zuuri niriba nyaaŋŋa, bee, daam ŋɔn su seeba. Kyɛ ka ba wulisiri la din veela.

HIBRUU DIMA 12:16

Halli yan di kyɛ ka sɔ tumni zina, bee, u bɛ kaman Iisɔ ŋɔn ba'a daa ka Naawunni yɛttɔ'a ni, ka daa zaŋŋi u dɔ'am kpamni n‑takki sa'aŋmanni yinni la.

I PIITA 5:2

Ya niŋi hoo bunkɔbguriba n‑guri Naawunni peesi n‑ti u: ba bɛ la ya saani, dizugu see ka ya guri ba suŋŋa hoo Naawunni ŋɔn boori seem, pa la sɔ ŋɔn mugsi ya zugu amaa ya sufu yuubu. Ya tumma ya tuma suŋŋa, pa la ligri boobu zugu, amaa ya maŋŋa ŋɔn boori nimmoosi ka ya tumni zugu.

II PIITA 2:10

Ka niriba wa seeba gaari ba zaa - di nyɛ la: baseeba ban zaŋŋi ba zikki zaa n‑niŋi ningbiŋŋu kɔrisi ni, ka za'asi kpamma nɔya wumpu. Lala niriba ba'a ka sɔsɔ yɛla ni, saazugu gyirima daandima ka ba bu zɔra, ka laa n‑tɔ'asiri yɛttɔ'abeeri ka zaŋŋi ba sufukpeemni n‑tuuri ba.

II PIITA 2:14

Ba nini kur gɔsiri niriba pɔ'aba ka boori ba; ba dɔli la tumbeeri nimbirimoaa. Ba bɛtti ba yɛla hoo kyɛ'ariga ni ba ti gbaasi ninvugseeba ban bu zɛ yummu. Ba moori ni ba ti bamsi tumbeeri sɔya zaa an nyɛ seem. Mbusu bɛ ba zugu!

II PIITA 2:3

Ba zinyuu maa puuni ka ziri karimbadima wa nin sɔlim ziri sɔlima ni ba ti nya nyoori ya saani; amaa m‑mari nti paai zuna, Ŋɔn ya kari ba sariya gba siri biiya; ka din sa'amni ba maa gba bu gbisira.

KASIGRI 2:14

Amaa m mari yɛttɔ'aseesi ni n nin yɛli n‑galim ya, ni, ninvugseeba bɛ ya saani ban dɔli la Beelɛm wulisigu yɛla. Dama ŋɔn Beelɛm daa nyɛ dɔsɔ ŋɔn daa wulisi NaaBalakku ŋɔn nin niŋi seem n‑kyɛ ka Izraɛli dima tum tumbeeri. Ka lala daa kyɛ ka ba daa burigi soori, n‑tɔtti maaligu numni n‑dira, ka a daa yi la ziri wuna la sara ni na; ka u daa laa n‑kyɛ ka ba tumni zina m‑paasi.

KASIGRI 2:21

N pun ti u saha ni u takki u teesibeeri ni u beesigu la, amaa u bu sakki, ni, u kyɛ u zina tuma la.

KASIGRI 21:8

Amaa dabeem dima, ban ka yɛdda, ni putoo dima, ni ninvugkuuriba ni ban tumni zina, ni ban tumni tiima ka gyeemni buga ni ziri kam zaa dima - ban zaa ziiya nyɛ la farinwuta bugum mɔ'ari maa ni. Lala bugum mɔ'ari maa nyɛ la kum din paasiri buyi maa.”

KASIGRI 22:15

Baasi mun kpalimni m‑bɛ kpaŋŋa sa. Ban niŋni tiima, ni zina, ka kuuri niriba nla; ba gyeemni la bunseesi an pa Naawunni.”

KASIGRI 9:21

Ba mun daa bu takki n‑zɔ n‑yi ba ninvugkuubu la ni, bee ba tiima ni, bee ba pɔ'agoorilim bee dɔgoorilim ni, bee ba na'ayiga tuma zaa ni.