ƐFƐSUSI DIMA 5:2 - Mampruli

² Ya kyɛ ka ya beesigu zaa kur nyɛ la wurilim, hoo Kirisita ŋɔn daa wuri ti ka zaŋŋi u maŋŋa m‑maali n‑tisi Naawunni, nti kyɛ ka ŋɔn Naawunni daa wum u sara wa nya'asim.

ƐFƐSUSI DIMA 5:2 Iomraidhean Croise

MATIYU 20:28

Kaman man Ninsaala Bii bu kyɛ na ni ba tumni n‑suŋŋni ma, amaa n kyɛ na ni n ti tumni n‑suŋŋni niriba, ka zaŋŋi n nyɔvuri m‑pa talima ka niriba pam nya tiliginsim.”

GYƆNI 13:34

N zaanni la zaalipaalli n‑tiri ya, ni, ya wuri taaba; hoo man daa wuri ya seem la, yan mun wuri taaba lala.

GYƆNI 6:51

Mani n nyɛ nyɔvuri boroboro kan yi arizana ni na maa. Ŋɔn kam zaa ŋɔbi lala boroboro maa, u nin bɛ ni halli saha kan ka naari. Boroboroseaa man ŋɔn tisiri maa nyɛ la n ningbiŋŋu, ka n zaŋŋni n‑tisira, din nin kyɛ ka duniya wa dima ti nya nyɔvuri.”

ROOM DIMA 15:16

U ti ma, ni, n niŋi Yisa Kirisita tuntumna ban pa Yɛhudiyadima maa saani. N tuma mun nyɛ la Naawunni lahabasuŋŋu tuma, nti kyɛ ka ban pa Yɛhudiyadima la ti la'asi na ka Naawunni Sii Kasi kyɛ ka Naawunni deaai ba la kasikasi. Ka tuma wa ŋmanni la ŋɔn maanni sara tuma, hoo ban la'asi la puri ni antaam na, m‑maali n‑ti Naawunni seem la.

ROOM DIMA 4:25

Ti tumbeeri zugu ka ba daa zaŋŋi ŋɔn Yisa n‑tisi ni u kpi; ka u mun yisigi kum ni, ni ti ti yi na hoo yɛlimaŋni dima.

ROOM DIMA 8:3

Ban daa sɔbi zaaligu seaa n‑dooli la muna, di daa kɔŋŋi yiiko, duniya wa ni ninsaalidima ningbina ŋɔn boori tumbeoo maa zugu. Amaa Naawunni mammaŋŋa daa zaŋŋi u yiiko n‑tumna. U daa kyɛ ka u toori Biiya kyɛ ti saani na nti leebi ŋɔn mari duniya wa ni ningbina, hoo tumbeeri dima ŋɔn mari seem la - halli tumbeeri zugu ka u daa kyɛ na gba. Lala ka Naawunni daa nyaŋŋi n‑kari sariya n‑lusi Ala'akyi; dama duniya wa ni ningbina maa ni ka tumbeeri bɛ ni n‑tumna.

ROOM DIMA 8:37

- Ay! Anŋɔ zaa puuni ti nin nya nyaŋŋni, Yisa ŋɔn wuri ti maa zugu.

I KƆRINTI DIMA 16:14

See ka ya niŋi bunseelli kam wurilim zugu.

I KƆRINTI DIMA 5:7

Tɔ, ka dinŋɔna ya yiisim dabinkura la m‑basi, ka ya leebi boroboropaalli, an ka dabina. Halli, ya siri pun bɛ la lala, dama ba pun kɔrigi Kirisita, hoo ti Yakki-n‑Gaari pɛbila maaligu la - pa paanu kan ka dabina n nyɛ Yakki-n‑Gaari dinni?

II KƆRINTI DIMA 2:14

Amaa ti puusiri Naawunni dama u suŋŋni ti sahakam. Ka Kirisita ŋɔn nyaŋŋi zaa ka kyɛnni u gyirima gyingaari ni kyɛnni sahanseaa la, ŋɔn Naawunni n kyɛ ka ti dɔli la Kirisita nyaaŋŋa. Halli u kyɛ ka tirima zugu ka ba baŋŋi u bamsim maa seela zaa, hoo nyunya'asiri ŋɔn kpeeri yiri ya'akam zaa puuni la ka niriba zaa wumna.

II KƆRINTI DIMA 2:15

Ii, ti siri ŋmani la hoo Kirisita turaali n‑tiri Naawunni, ka di nyɛ la ban nyari tuliginsim maa saani, ni ban bɔrigri la gba saani.

II KƆRINTI DIMA 8:9

Dama ya mi ti Dugma Yisa Kirisita tunsuŋŋu veelim ŋɔn nyɛ seem maa: ni, u daa su arizikki zaa, amaa yarim zugu ka u daa leebi fara daana, ni lala ti kyɛ ka ya mun leebi bundaandima.

GALƐSEAA DIMA 1:4

Din yɛ n‑kyɛ ka ti tuligi n‑yi zuna tumbeeri sahabeoo puuni nŋɔa#:- ŋɔn Yisa Kirisita daa zaŋŋi u maŋŋa n‑tisi, ti tumbeeri zugu; ka di daa dɔli ti Ba Naawunni ŋɔn daa boori seem.

GALƐSEAA DIMA 2:20

Dinzugu di laa m‑pa la mani m bɛ ni, amaa di nyɛ la Kirisita m bɛ ma ni zugu. Nyɔvuriseaa ni man bɛ duniya wa ni pampaŋŋɔa, Naawunni Bii maa yɛdda zugu ka m bɛ ni, dama u wuri ma pam ka daa yiisi u nyɔvuri n‑tisi man zugu.

ƐFƐSUSI DIMA 1:4

U daa yiisi ti ni, n‑niŋi ti u maŋtoori dina pɔi, ka naayi naam duniya wa. U daa yiisi ti lala, ni ti ti leebi u dina, m‑bɛ kasi, ka laa n‑ka taalli u saani. U wurilim zugu

ƐFƐSUSI DIMA 3:17

Ka n laa n‑susiri, ni, Kirisita nin bɛ ya sufu ni la, ya yɛdda niŋbu zugu; ka lala nin kyɛ ka wurilim nin kyɛ ka ya zɛ yummu, hoo tiiya kan mari nya'asuma, bee duu kan mari nyeebkpeema.

ƐFƐSUSI DIMA 4:15

Ay! - Ti nin lee n‑yɛtti yɛlimaŋni, wurilim zugu. Ti nin zoaai na m‑paai ŋɔn Kirisita ŋɔn sa'ai seem, dama u nyɛ la ti zaa zuguraana.

ƐFƐSUSI DIMA 4:2

Ya bɛ baalimm n‑sigsi ya mansi, m‑mari sugru ni taaba, ka kyɛri taaba taalli wurilim zugu.

ƐFƐSUSI DIMA 5:15

Anŋɔ zaa zugu, ya baŋŋma yan bɛ seem suŋŋasuŋŋa; di tumni gyɛrilim, amaa ka ya tumni yɛm tuma.

ƐFƐSUSI DIMA 5:25

Ya dɔppa muna - ya wuri ya pɔ'aba hoo Kirisita ŋɔn daa wuri u niriba seem, n‑zaŋŋi u maŋŋa n‑tisi ba zugu.

FILIPAAI DIMA 4:18

Man mun daa pun deaaya, ka di gaari zaa. N nya man boori seelikam, dama Ɛpafrɔditusi daa mari ya piini maa zaa na n‑ti ma. Ka di niŋi Naawunni nya'asim, hoo turaali nyoobu nyunya'asiri, bee, hoo ban maanni maaligu n‑ti u ka u deaai ni sufumaasim.

KƆLOOSIDIMA 3:14

Anŋɔ zaa n nyɛ bunsuma, amaa see ka ya zaŋŋi wurilim m‑paasi a zugu, ni a zaa ti tɔŋŋni taaba ka niŋi suŋŋa deede.

I TƐSALƆNIKA DIMA 4:9

Di bu kpa talasi ni n‑sɔbi n‑wulisi ya yan nin wuri taaba seem, dama Naawunni pun wulisi ya yan nin wuri ya mabiisi seem, ka ya bamsi lala u saani suŋŋa.

I TIMƆTI 2:6

Ŋɔn Yisa daa zaŋŋi u maŋŋa m‑pa talima sɔkam zaa zugu, ni u yɔlisi ba. Dinŋɔa n daa niŋi sahasuŋŋu maa deede nti wulisi, ni, di zaa nyɛ la yɛlimaŋni.

I TIMƆTI 4:12

Di kyɛ ka sɔ zeemni i, nyin ŋɔn bu kurigi zaa zugu. Amaa kyɛ ka i yɛttɔ'a wulisi yɛddaniŋniba maa din sum ni ba bɛ seem - i yɛttɔ'a, ni i beebu, ni i wurilim, ni i yɛdda niŋbu, ni i tuma kasikasi tumpu la zaa.

TAITUUSI 2:14

Ŋɔn Yisa n daa zaŋŋi u nyɔvuri n‑tisi, ni u yɔlisi tirima ni ti ti leebi u toori niriba maa. Ka u laa n‑yiisi ti tumbeeri kam zaa ni, ka nyeesi ti ka ti leebi kasi, ka ti sufu kur nin boori la ti tumni din veela.

HIBRUU DIMA 8:3

Dama Gyeeŋŋu Toondaana zaa tumni nyɛ la: u zaŋŋni piini m‑maali, ka lala zugu ka di sum ka ti Gyeeŋŋu Toondaana wa gba mari u bunseelli din nin tisi.

HIBRUU DIMA 9:14

Dinŋɔna Yisa Kirisita ŋɔn daa ka galimni ka zaŋŋi u maŋŋa n‑ti Naawunni hoo ban maanni bunkɔbri seem maa, u lala maaligu gaari ban dinni. Naawunni Siiya daa sakki, ni, u zaŋŋi u maŋŋa n‑tisi; ka u tuma wa kyɛ ka ti sufu ni teesa bu laa n‑galimni ti ti tumbeeri zugu, tunseesi an daa kuuri ti la. Ka ti naayi baŋŋi n‑gyeemni Naawunni Nyɔvuri Daana.

HIBRUU DIMA 9:23

Dama buna wa ka ba daa maali ni a ti ŋmani arizana ni buna la. Ka di daa tu ni ba mari a m‑maanni a zugu, ni ba ti kyɛ ka a nyɛ kasi. Ka dinŋɔna arizana buna mammansi boori la maaligu kan gaari anŋɔa.

HIBRUU DIMA 9:26

Dama di yi daa nyɛ lala, u daa naa m‑bɛ ni n‑kpiiri n‑kpiira, duniya piiligu ni zaŋŋi m‑paai zuna. Amaa din nyɛ seem pampaŋŋɔa, u kyɛ na yimmu, sahanseaa duniya wa naari ŋɔn pɔtti na la: u kyɛ na ni u zaŋŋi u maŋŋa m‑maali maaliseaa kan nin kyɛ ka Naawunni di sugru n‑ti ti, ti tumbeeri zugu.

I PIITA 4:8

Din gaari a zaa nyɛ la, ya zaŋŋma ya sufu zaa n‑wuri taaba ni yɛlimaŋni, dama wurilim sɔ'ai la tumbeeri pam taalli.

I GYƆNI 3:16

Nŋɔ zugu ka ti baŋŋi wurilim ŋɔn nyɛ seela: ni, tirima zugu ka ŋɔn Yisa daa bu za'asi ka ba ku u. Tirim gba, di sumni ti di za'asi kum ti mabiisi zugu.

I GYƆNI 3:23

U lala zaaligu maa nŋɔa: ni, ti niŋi Naawunni Bii maa yɛdda, Yisa Kirisita, ka laa n‑wuri taaba hoo ŋɔn Naawunni ŋɔn wulisi ti seem la.

KASIGRI 1:5

Yisa Kirisita n daa tuui n‑neaai kum ni, ka nyɛ yɛdda daana ni sɛharaditta maa; ŋɔn gba nin zɔ ya namboo ka ti ya sufudoaa. Dama ŋɔna n nyɛ duniya zaa nadima Naaba. Ŋɔn Yisa wuri ti pam, ka lala zugu ka u daa kpi n‑yiisi ti ti tumbeeri taalli ni.

KASIGRI 5:9

Ka ba daa yuumni n‑yɛtti, ni#:- “Nyin n sumsi ni i deaai bukku maa, I mun sumsi ni i lakki ka buntabinna! Dama nyini ka ba daa pun kɔrigi, Ka i lala kum zugu daa yɔ sɔkam samni N‑da ba n‑ti Naawunni na: Zuliya pam, ni yɛttɔ'azuna pam dima, Ni tinsi pam niriba, ni bura pam.