ƐFƐSUSI DIMA 4:6 - Mampruli

⁶ Naawunni yinni mun n nyɛ ti zaa Ba, ka u gaari sɔkam, ka tumni sɔkam ni, ka bɛ sɔkam zaa ni.

ƐFƐSUSI DIMA 4:6 Iomraidhean Croise

MATIYU 6:13

Ka di kyɛ ka ti nya zamsigu din nin nyaŋŋi ti. Amaa yiisima ti Yɛlibeeri Daana nuusi ni.’

MATIYU 6:9

Dinŋɔ ka ya nin puusi, ni#:- ‘Ti Ba, nyin bɛ la arizana ni, Kyɛ ka i yuuri du.

GYƆNI 14:23

Ka Yisa daa labsi n‑yɛli u, “Ŋɔnkam wuri ma nin deaai n yɛligu, ka m Ba nin wuri u, ka man ni m Ba nin kyɛ u saani na ka ti la'am m‑bɛ ni.

GYƆNI 17:26

N gba pun kyɛ ka ba baŋŋi i, ka kur kyɛ ka ba baŋŋi nyin ŋɔn nyɛ sɔa. Di nin kyɛ ka wurilim bɛ ba saani, ka di nyɛ wurilim seaa nyin mari zaŋŋi n‑ti ma; ka man gba nin bɛ ba saani.”

GYƆNI 20:17

Ka Yisa daa yɛli u, ni, “Di siisiri ma, dama n na bu labi m Ba maa saani. See ka i kyaŋŋi nti yɛli m mabiisi maa, ni, n doaaya ka n ya n‑labi m Ba Naawunni saani, ka u nyɛ la ba gba Ba Naawunni.”

ROOM DIMA 11:36

Dama bunseelikam zaa yi la u saani na, ka ŋɔn zugu ka a bɛ ni, ka a laa m‑paari u saani. Ŋɔna n sum ni pɛ'abu saha din ka tɔriga. Ammi.

I KƆRINTI DIMA 12:6

Tuma balibubalibu gba bɛ ni, amaa Naawunni yinni maa n tumni a zaa sɔkam puuni.

I KƆRINTI DIMA 8:6

di zaa yɔri, dama tirima saani ka Naawunni yinni bɛ ni. Ti Ba Naawunni n nyɛ u, ka bunseelli kam yi la u saani na, ka ti gba bɛ ni n‑tiri u. Ka ti Dugma yinni gba bɛ ni: Yisa Kirisita n nyɛ u, ka bunseelli kam bɛ ni ŋɔn Yisa zugu, halli ŋɔn zugu ka ti gba bɛ ni.

II KƆRINTI DIMA 6:16

Naawunni Gyeeŋŋu Yiri siri bu ŋmanni ba'ari bee bugri ŋɔn bɛ seela. Amaa tirima n nyɛ gyeeŋŋu yiri n‑ti Naawunni Nyɔvuri Daana maa. Hoo ŋɔn Naawunni daa yɛliya#:- “N nin kpɛ ba saani n‑gbɛa; Man ni ban nin kyɛnni n‑gyinna; N nin nyɛ Naawunni n‑ti ba Ka ba mun nin nyɛ n niriba.”

ƐFƐSUSI DIMA 1:21

Ka di gaari naam zaa, ni yiiko zaa, ni kpamma ni gɔmnanti zaa fukumsi marigu. Yuseaa ka ni ka ba putti sɔ n‑gaari ŋɔn Yisa yuuri; ka di pa la beesigu kanŋɔ ni kɔkɔa, amaa ni kan na ya kyɛ na la ni gba.

ƐFƐSUSI DIMA 2:22

Ka ŋɔn saani yaasa ka yarima gba la'amni n‑leebri la ya'aseaa Naawunni ŋɔn nin kpɛ m‑bɛ ni, u Sii Kasi maa zugu.

ƐFƐSUSI DIMA 3:17

Ka n laa n‑susiri, ni, Kirisita nin bɛ ya sufu ni la, ya yɛdda niŋbu zugu; ka lala nin kyɛ ka wurilim nin kyɛ ka ya zɛ yummu, hoo tiiya kan mari nya'asuma, bee duu kan mari nyeebkpeema.

ƐFƐSUSI DIMA 6:23

M puusiri ti mabiisi zaa: Naawunni paasim ba alaafɛa, ni wurilim ni yɛdda - anŋɔ zaa ka ti Ba Naawunni tisira, ni ti Dugma Yisa Kirisita Masiiya.

I GYƆNI 3:24

Ŋɔnkam dɔli u zaaligu yɛla zaa nyɛ la ŋɔn bɛ ŋɔn Naawunni saani, ka Naawunni mun gba bɛ u saani. Din kyɛ ka ti baŋŋi, ni, u kpalim m‑bɛ ti saani nyɛ la: ni, ŋɔn daa zaŋŋi u Siiya n‑ti ti maa zugu.