ƐFƐSUSI DIMA 4:5 - Mampruli

⁵ Ya Dugma yinni ka ya gyeemna, yɛdda yinni ka ya niŋna, Naawunni kɔsuubu yinni ka ba daa su ya.

ƐFƐSUSI DIMA 4:5 Iomraidhean Croise

MATIYU 28:19

Dizugu ya kyɛma n‑yi m‑paai duniya wa lugri kam zaa n‑wulisiri tinsi zaa niriba. Ya deaama ba n‑su Naawunni koom ya Ba Naawunni yuuri zugu, ni u Biiya, ni u Siiya Vuusim Kasi yuuri zugu gba.

TUUMUDIMA TUMA 10:36

Yɛttɔ'a maa nyɛ la Naawunni ŋɔn zaŋŋi lahabasuŋŋu n‑ti Izraɛli dima, ni, ba nin nya sufudoaa Yisa Masiiya zugu; ni, ŋɔn Yisa siri nyɛ la sɔkam zaa Dugma maa.

TUUMUDIMA TUMA 2:36

Lala zugu ya kyɛ ka ya Izraɛli niriba zaa sakki ka baŋŋi, ni, halli ni ya daa zaŋŋi Yisa n‑ku u maa zaa yɔri, Naawunni daa zaŋŋi u n‑kyɛ ka u ti niŋi ti Dugma, ni Masiiya ti Tuligra.”

ROOM DIMA 3:30

Yɛlimaŋni u nyɛ la sɔkam zaa Naawunni, dama Naawunni yinni kɔkɔ m bɛ ni; u deaari Izraɛli dima, ban guni la, ni, yɛlimaŋni dima ba yɛdda niŋbu zugu, ka laa n‑deaari ban pa Izraɛli dima ka bu guni la gba, ni, yɛlimaŋni dima ba yɛdda zugu.

I KƆRINTI DIMA 1:13

Ammi, ba purigi Kirisita zii bunaasi? Ba daa kpaasi Pɔla n‑tabli dɔpulli zugu ni ya ti nya tuliginsim, bee? - Ay! pa lala. Bee, ba daa su ya Pɔla koom? - Ay, halli fiiŋ gba!

I KƆRINTI DIMA 1:2

N sɔbri n‑tiri yarima, yaseeba ban la'amni Kɔrinti tiŋŋa maa ni n‑gyeemni Naawunni: yan bɛ Yisa Kirisita Masiiya saani maa zugu n kyɛ ka ya nyɛ la Naawunni maŋtoori niriba. Lala zugu ka u boonni ya u saani, ka laa m‑paasiri ya zugu ninvugseeba ban leebi Naawunni dinni tiŋŋa kam zaa ni, ka ba zaŋŋi la Yisa Kirisita yuuri m‑puri ba, dama u nyɛ la ba Dugma, ni ti gba Dugma.

I KƆRINTI DIMA 12:13

Sii yinni maa zugu ka ti zaa daa su Naawunni koom, ka di daa kyɛ ka ti la'am n‑niŋi ningbiŋŋu yinni; halli ni ti seeba daa nyɛ Yɛhudiyadima ka seeba mun daa nyɛ Griikadima gba; ka seeba daa nyɛ daaba, seeba mun daa su ba mansi; ti zaa daa la'am n‑nyu Sii yinni maa.

I KƆRINTI DIMA 12:5

Gyeeŋŋu sɔya balibubalibu m bɛ ni, amaa ti Dugma yinni ka ti gyeemna.

I KƆRINTI DIMA 8:6

di zaa yɔri, dama tirima saani ka Naawunni yinni bɛ ni. Ti Ba Naawunni n nyɛ u, ka bunseelli kam yi la u saani na, ka ti gba bɛ ni n‑tiri u. Ka ti Dugma yinni gba bɛ ni: Yisa Kirisita n nyɛ u, ka bunseelli kam bɛ ni ŋɔn Yisa zugu, halli ŋɔn zugu ka ti gba bɛ ni.

II KƆRINTI DIMA 11:4

Dama sɔ yi kyɛ na m‑moonni Yisa sɔ yɛla, ka di pa la tirim Yisa wa, ya nin sakki n‑deaai lala; bee, yan deaai la sisɔ ŋɔn pa yan pun deaai Sisɔ wa, bee, lahabasuŋŋu kan pa yan deaai seaa wa, anŋɔ zaa ka ya nin sakki n‑deaai lala ni nimbirimoaa.

GALƐSEAA DIMA 5:6

Ka tin ni Yisa yi la'am n‑niŋi yinni, sɔ yi guni, bee, u bu guni, a zaa ka yaa halli beela; kulla yɛdda mara, din mun tumni wurilim zugu.

ƐFƐSUSI DIMA 4:13

Halli nti paai sahanseaa ti zaa ŋɔn ti ya niŋi nangbanyinni ti yɛdda niŋbu maa ni, ka naayi baŋŋi Naawunni Bii maa yɛla. Lala ka ti nin kyɛ biilim n‑la'am n‑leebi ninvugkurigu m‑bɛ hoo Naawunni ŋɔn boori zaa, ka naayi ŋmanni la Kirisita ŋɔn bɛ seem la zaa.

FILIPAAI DIMA 2:11

Ka sɔkam zaa nin ti mooli u yuuri Ka sakki, ni, Yisa Kirisita nyɛ la ti Dugma, Ka di kyɛ ka u Ba Naawunni nya gyirima.

FILIPAAI DIMA 3:8

M‑paasi lala, m ba'a ka bunseelikam zaa ni, di yi pa la man mari bamsim seaa m‑baŋŋi n Dugma Yisa Kirisita la - lala gaari a zaa halli nti yakki. Ŋɔn Kirisita zugu ka n gɔsiri bunseelikam hoo sa'ari ni bunkyɔ'ama: m bukyi zaa nyɛ la, ni, n nin nya ŋɔn Kirisita Yisa Masiiya,

TAITUUSI 1:1

Gbaŋŋu wa yi la man Pɔla saani na. Man mun nyɛ daabri n‑ti Naawunni, ni tuumu n‑ti ti Dugma Yisa Kirisita Masiiya. Naawunni n daa gaŋŋi ma ka tum ma ni n‑kyaŋŋi nti kpamsi u ninvuggamsa la yɛdda. U daa laa n‑tum ma ni n kyaŋŋi nti kyɛ ka ba baŋŋi yɛlimaŋni zaŋŋi n‑kyaŋŋi Naawunni soori ni.

TAITUUSI 1:4

N sɔbri n‑tiri la nyini, Taituusi, dama i nyɛ la m bimaŋni, ti zaa ŋɔn mari yɛdda yinni zugu. Ti Ba Naawunni ni Kirisita Yisa nin niŋi bunsuma zaa n‑niŋi i, ka ti i alaafɛa.

HIBRUU DIMA 13:7

Ya teaama ya tooni dima yɛla, ban daa tɔ'asi Naawunni yɛligu n‑ti ya la. Ya teesima n‑nya ba beebu ŋɔn daa naayi niŋi seem; ka ma'asiri ba, ya yɛdda niŋbu puuni.

GYEEMSI 2:18

Di yi pa seem ka ninvugsɔ ya n‑yɛli, ni, “Tɔ; nyin mari la yɛdda, ka man mun mari tunsuma. Di zaa nla!” Tɔ! - man nin kyɛ ka n tunsuma wulisi i n yɛdda maa ŋɔn nyɛ seem; ka nyin mun ya niŋi la wula n‑wulisi ma i yɛdda ŋɔn nyɛ seem, halli i yi ka tunsuma?

I PIITA 3:21

Tɔ, ka lala koom wulisi ya ya Naawunni kɔsuubu yɛla, din fa ya m‑basi seem. Di pa la ya su koom m‑peaai ya ningbina da'ari m‑basi, amaa ya ŋmaligi Naawunni saani ni u ti peaai ya sufu ni taalli m‑basi. Ka u niŋi lala Yisa Kirisita kum yisigri zugu.

II PIITA 1:1

Mani Saimoon Piita, Yisa Kirisita Masiiya tuumu, ni u daabri - mani n sɔbri n‑tiri ya. Yarima ka Naawunni Yɛlimaŋni Daana ni ti Tiligra Yisa Kirisita, daa kyɛ ka ya nya soori ni ya niŋi yɛdda - yɛdda tibsiri din ŋmanni ti dinni wa.

GYUUDA 1:20

Yarima muna, m mabiisi, ya kpalimma n‑zɛ yummu ya yɛdda maa ni, dama di zaa nyɛ la Naawunni dinni. Ya puusima Sii Kasi maa yiiko ni,

GYUUDA 1:3

M mabiisi, n wuri ya pam ka di zugu n da yi boori la n sɔbi gbaŋŋu n‑ti ya zaŋŋi n‑kyaŋŋi man ni yan zaa ŋɔn la'am n‑nya tiliginsim seem maa; amaa di kpa la talasi ni n daŋŋi n‑sɔbi yɛttɔ'a n‑susiri ya, ni, ya kpaŋŋma ya mansi n‑zaŋŋi ya kpeeŋŋu zaa m‑moora, ni ya ti zɛ yɛdda yɛla maa nyaaŋŋa - yɛdda yɛliseesi Naawunni ŋɔn daa pun zaali n‑ti u niriba la.