ƐFƐSUSI DIMA 4:4 - Mampruli

⁴ Ti zaa nyɛ la ningbiŋŋu yinni niriba, sii yinni dima, hoo ban daa booli ya na la ni ya ti mari tama yinni.

ƐFƐSUSI DIMA 4:4 Iomraidhean Croise

MATIYU 28:19

Dizugu ya kyɛma n‑yi m‑paai duniya wa lugri kam zaa n‑wulisiri tinsi zaa niriba. Ya deaama ba n‑su Naawunni koom ya Ba Naawunni yuuri zugu, ni u Biiya, ni u Siiya Vuusim Kasi yuuri zugu gba.

TUUMUDIMA TUMA 15:11

Ay! Amaa tirima niŋni yɛdda, ni, ti Dugma Yisa wurilim tuma zugu ka u kyɛ ka ti nin tuligi, ka lala n nyɛ di n‑tiri ban gba.”

ROOM DIMA 11:29

Dama Naawunni yi ti ya zaŋŋi u fa-m‑basi piini n‑tisi seeba, bee, u yi ti booli seeba u saani na, u bu ya takki u lala teesa maa.

I KƆRINTI DIMA 10:17

Tɔ, ka diibu yinni m bɛ ni, ka tirim ban zoaai la'amni n‑ŋɔbra, ka ti ti leebi ninvugyinni ningbina, dama ti zaa la'am n‑diri diibu yinni.

I KƆRINTI DIMA 12:20

Din nyɛ seem maa, luga maa zoaai ni, amaa a la'amni n‑niŋi ningbimmunni.

II KƆRINTI DIMA 11:4

Dama sɔ yi kyɛ na m‑moonni Yisa sɔ yɛla, ka di pa la tirim Yisa wa, ya nin sakki n‑deaai lala; bee, yan deaai la sisɔ ŋɔn pa yan pun deaai Sisɔ wa, bee, lahabasuŋŋu kan pa yan deaai seaa wa, anŋɔ zaa ka ya nin sakki n‑deaai lala ni nimbirimoaa.

ƐFƐSUSI DIMA 1:18

Ka n laa n‑susiri, ni, ya sufu nin nya ninneesim ka ya baŋŋi tama seaa zugu ŋɔn booli ya la, ka ya laa m‑baŋŋi ya faari ŋɔn ya zoaai seem m‑mari gyirima la, n‑tiri yaseeba ban nyɛ ŋɔn Naawunni dina maa.

ƐFƐSUSI DIMA 2:16

Ka lala ningbiŋŋu yinni wa ni ka u daa kpaasi n‑tabli dɔpulli maa zugu, ka daa zɔ babayi la sindaani Naawunni saani, dama u daa zaŋŋi u mammaŋŋa n‑kpiisi dimni maa.

ƐFƐSUSI DIMA 2:18

Ŋɔna n nyɛ sɔseaa ti bayi zaa ŋɔn la'amni n‑dɔla m‑paari ti Ba Naawunni saani la, ka ŋɔn Naawunni Siiya nyɛ la Sii yinni ka suŋŋni ti.

ƐFƐSUSI DIMA 2:22

Ka ŋɔn saani yaasa ka yarima gba la'amni n‑leebri la ya'aseaa Naawunni ŋɔn nin kpɛ m‑bɛ ni, u Sii Kasi maa zugu.

ƐFƐSUSI DIMA 4:1

Man bɛ sarika ni ti Dugma yɛla zugu, ka n bɛlimni ya ni, ni, ya mari beesiseaa din sumsi ya, dama ŋɔn Naawunni booli ya u saani na.

ƐFƐSUSI DIMA 5:30

Dama tirima, u niriba maa, nyɛ la u ningbiŋŋu tuga, ni ka ya'a.

KƆLOOSIDIMA 1:5

Ya bɛ lala ya tama zugu, dama ya siri mari tama, ni, ya guusiri ya faari diibu saha, ka di bɛ la arizana ni. Ya daa pun wum di lahabaari maa, yan daa wum yɛlimaŋni lahabasuŋŋu maa sahanseaa la.

KƆLOOSIDIMA 3:15

Ya kyɛ ka Kirisita sufudoaa su ya sufu zaa fukumsi, dama di zugu ka ba daa booli ya, ni ya ti leebi hoo ningbiŋŋu yinni. Ka laa n‑leebi seeba ban puusiri Naawunni sahakam.

II TƐSALƆNIKA DIMA 2:16

Ti Dugma Yisa Masiiya mammaŋŋa kpamsima ya sufu, ŋɔn ni Naawunni ti Ba zaa, dama Naawunni wuri ti, halli nti tisi ti sufudoaa din ka naari, ni tama suŋŋu wa. Ka ti Dugma Yisa ni ti Ba Naawunni nin laa n‑kpaŋŋi ya, ya tunsuma ni ya yɛttɔ'asuma kam zaa ni.

I TIMƆTI 1:1

Man Pɔla n sɔbri gbaŋŋu ŋɔa: Yisa Kirisita Masiiya tuumu n nyɛ ma, ka Naawunni ŋɔn nyɛ ti tuligra wa daa zaali ma lala tuma, ŋɔn ni Yisa Masiiya ŋɔn nyɛ ti tama la.

TAITUUSI 1:2

Naawunni n daa daŋŋi m‑basi ti nangbambasiri zaŋŋi n‑kyaŋŋi nyɔvuri kan ka baasigu la pɔi ka duniya naayi piili. Ka lala nyɔvuri tama zugu ka ti mari ti yɛdda ni bamsim maa n‑zɛ yummu.

TAITUUSI 2:13

Ti niŋma dinŋɔ ka guusiri ti tama paalu yiibu na - Yisa Masiiya ŋɔn ti ya zaŋŋi u gyirima n‑yi paalu ni na nla, ka u nyɛ la ti Naawuntitaari, ni ti Tuligra.

TAITUUSI 3:7

U daa niŋi lala ni u ti deaai ti hoo yɛlimaŋni dima u lala wurilim piini la zugu, ka kyɛ ka ti nin mari tama, ni, ti siri nin di nyɔvuri kan ka tɔriga hoo ti faari tɔrli.

I PIITA 1:21

Naawunni daa neaai u kum ni, ka ti u gyirima. Ŋɔnŋɔ zugu ka ya niŋni Naawunni yɛdda, ka ya kur kyɛ ka ya yɛdda niŋbu ni ya tama zaa bɛ la Naawunni saani.

I GYƆNI 3:3

Nira kam ŋɔn mari lala tama maa maanni la u maŋŋa kasi hoo ŋɔn Naawunni ŋɔn nyɛ kasi seem la.