ƐFƐSUSI DIMA 4:2 - Mampruli

² Ya bɛ baalimm n‑sigsi ya mansi, m‑mari sugru ni taaba, ka kyɛri taaba taalli wurilim zugu.

ƐFƐSUSI DIMA 4:2 Iomraidhean Croise

MATIYU 11:29

Kyɛ ka man ni yarim la'am n‑tumna: di ŋmani la hoo nigi ayi ŋɔn darigri na'adoo seem, ya nin ti bamsi tuma man saani, dama ninvugmaŋni n nyɛ ma, ka laa m‑mari sufubaalim. Ya nin vuusi ni sufudoaa.

MAAKI 9:19

Yisa daa yɛli ba, “Ah! Ya yɛdda kɔŋŋniba wa! N ya n‑yuui la wula ya saani? Bee man nin di sugru ya saani ka di yuui wula? Yan mari bii maa n‑kyɛ n saani na!”

TUUMUDIMA TUMA 20:19

N daa gyeemni Naawunni ni mansigsigu, ni kunkuma; halli ni Yɛhudiyadima ban daa boori ni ba tum ma tumbeeri zaa.

ROOM DIMA 15:1

Tɔ; ka dizugu di sumsi ni tirima ban mari yaa ti yɛdda zugu la ti mari sugru n‑tiri ban ka yaa la: see ka ti maari ba sufu, ka ti di boori ti maari ti mammansi sufu.

I KƆRINTI DIMA 13:7

Wurilim ta'ari ni, m‑mari yɛdda seelikam puuni, ka laa m‑mari tama ka diri sugru seelikam puuni.

GALƐSEAA DIMA 6:2

Ya suŋŋma n‑zi taaba zitibsa, ka ya yi tumni lala, ya nin dɔlisi Kirisita Masiiya zaaligudima zaa.

ƐFƐSUSI DIMA 1:4

U daa yiisi ti ni, n‑niŋi ti u maŋtoori dina pɔi, ka naayi naam duniya wa. U daa yiisi ti lala, ni ti ti leebi u dina, m‑bɛ kasi, ka laa n‑ka taalli u saani. U wurilim zugu

KƆLOOSIDIMA 1:11

Ni, ŋɔn Naawunni nin kyɛ ka ya mari kpeeŋŋu zaa, dama u gyirima mari la yiiko, ka di zugu u nin kpamsi ya kirikiri. Ni, u kyɛ ka ya maali siri ni ya zɛ yummu bunseelikam puuni n‑di sugru, ka laa m‑mari sufupeelli

I TIMƆTI 6:11

Amaa nyin ŋɔn nyɛ Naawunni nira wa, kur gbaam i maŋŋa ka kyɛ anŋɔ zaa. Kpaŋŋma i maŋŋa n‑dɔli yɛlimaŋni soori maa; ka zaŋŋi yɛdda, ni wurilim, n‑gyeemni Naawunni ka laa n‑zɛ yummu m‑bɛ baalimm.

II TIMƆTI 2:25

Di laa n‑sumni ni u bɛ la baalimm n‑wulisiri ban ŋmeeri nangbankpeemni, ni, ba ti baŋŋi din tuusi. Dama di pa seelli ka Naawunni ti kyɛ ka ba takki ba teesibeeri ni ba ala'akyi soori nti baŋŋi yɛlimaŋni ŋɔn nyɛ seelli.

GYEEMSI 1:21

Dizugu ya basima dɔgoorilim ni pɔ'agoorilim, ni yɛlibeeri an zoaari pam zuna wa, ka deaai yɛttɔ'aseaa ban pun buri i sufu ni la. Kana nin fa ya m‑basi.

I PIITA 3:15

Ya sufu ni teesa puuni ya tim Kirisita gyirima hoo ya Dugma. Sɔkam yi ti boosi ya zaŋŋi n‑kyaŋŋi yan mari tama seem maa, ya kyɛ ka ya pun sɛ'asi ni ya labsi n‑wulisi lala nira di gbinni ŋɔn nyɛ seem.

I PIITA 3:8

Dinŋɔ zaa nyaaŋŋa, ya zaa la'am m‑bɛ ni taaba suŋŋa. Ya zɔm taaba namboo. Ya wuri taaba hoo mabiitiri. Ya mari namboo ni taaba ka di duusiri ya mansi.