ƐFƐSUSI DIMA 4:1 - Mampruli

¹ Man bɛ sarika ni ti Dugma yɛla zugu, ka n bɛlimni ya ni, ni, ya mari beesiseaa din sumsi ya, dama ŋɔn Naawunni booli ya u saani na.

ƐFƐSUSI DIMA 4:1 Iomraidhean Croise

TUUMUDIMA TUMA 9:31

Tɔ; di saha ka Yisa niriba daa laa n‑ka daaŋŋu Gyuudii tingbaŋŋu zaa ni, halli Samɛrii tingbaŋŋu ni Galilii gba ba daa bu nya yɛttɔ'aseaa. Ba daa nɔbri ni, n‑tumni ti Dugma ŋɔn boori seem, ka bɛ ni Naawunni Sii Kasi sufukpeemni zugu.

ROOM DIMA 11:29

Dama Naawunni yi ti ya zaŋŋi u fa-m‑basi piini n‑tisi seeba, bee, u yi ti booli seeba u saani na, u bu ya takki u lala teesa maa.

ROOM DIMA 12:1

Dizugu n susiri ya ni, m mabiisi, Naawunni nambɔzoaa zugu, ni, ya zaŋŋma ya mansi m‑maali sara n‑ti Naawunni ka u nini tigi. Di nyɛ la: yan na nɛ wa, ya nin leebi Naawunni dinni, dama dina n nyɛ gyeeŋŋu maŋni n‑tiri u.

I KƆRINTI DIMA 4:16

Lala zugu ka n susiri ya, ni, ya dɔli n beesigu soori.

II KƆRINTI DIMA 10:1

Man, Pɔla, n‑sɔbri wa: ka n susiri ya, Kirisita sugru zugu, ni u nirilim zugu. Halli ban yɛtti n yɛla seem maa yɔri ka n susiri ya - dama ba yɛtti, ni, n yi bɛ ya saani n nyɛ la sɔ ŋɔn zɔri vi ni dabeem, amaa n yi ka ya saani muna m mari la sufukpeemni ni dablim.

II KƆRINTI DIMA 5:20

Dama Naawunni tum ma, hoo ŋɔn tum bisɔ ni u ti mari ŋɔn Naawunni kukɔri n‑kyɛ na n‑susira. Lala ka u tum ti zaa gba. Ti susiri niriba nimmoosi Kirisita zugu, ni, ba labi Naawunni saani na n‑niŋi nangbanyinni.

II KƆRINTI DIMA 6:1

Naawunni tuntuntaaba n nyɛ ti, ka Naawunni pun zaŋŋi u piini n‑ti ti, halli ka ti bu sumsi lala; tɔ, ka di zugu ti kpamsiri ya, ni, yan di kyɛ ka Naawunni piini wa basi yɔri.

GALƐSEAA DIMA 4:12

M mabiisi, n bɛlimni ya ni, ni, ya bɛ ni hoo man bɛ seem wa, dama man gba daa bɛ la hoo yan bɛ seem maa. Ya bu tum ma taaliseaa zaa.

ƐFƐSUSI DIMA 2:10

Dama Naawunni nuusi tuma n nyɛ ti, ka u maali ti la Kirisita Yisa saani. U maali ti, ni ti tumni la tunsuma - tunseesi Naawunni ŋɔn pun daŋŋi n‑zaali ni ti ti tumni maa.

ƐFƐSUSI DIMA 3:1

Dinŋɔ zaa zugu ka man Pɔla gbaantiri n‑susira - man ŋɔn bɛ dansarika duu ni Kirisita Yisa zugu. Ka di nyɛ la yaseeba ban pa Yɛhudiya dima suŋŋsim maa zugu ka n susira.

ƐFƐSUSI DIMA 4:17

N yɛtti ya la nŋɔa#:- n kukɔri ka n yɛtti ni, Naawunni zugu, ni, yan di kyɛ ka ya beesigu na bɛ la hoo ban bu mi Naawunni la ŋɔn bɛ seem, ba sufu ni teesiyɔya ziilinsi zugu.

ƐFƐSUSI DIMA 4:4

Ti zaa nyɛ la ningbiŋŋu yinni niriba, sii yinni dima, hoo ban daa booli ya na la ni ya ti mari tama yinni.

ƐFƐSUSI DIMA 5:2

Ya kyɛ ka ya beesigu zaa kur nyɛ la wurilim, hoo Kirisita ŋɔn daa wuri ti ka zaŋŋi u maŋŋa m‑maali n‑tisi Naawunni, nti kyɛ ka ŋɔn Naawunni daa wum u sara wa nya'asim.

FILIPAAI DIMA 1:27

Yɛttɔ'a seelikam zaa yɔri, ya na kpalimma m‑bɛ beesisuŋŋu din sumsi Kirisita lahabasuŋŋu niriba la. Di yi bɛ lala, man yi kyɛ ya saani na n‑nya yan bɛ seem, bee, n na bɛ wa'aligu ka kur wumni ya damni, di zaa nyɛ la yimmu. Dama n nin baŋŋi, ni, ya la'amni m‑bari n‑zaani Sii maa nangbanyinni ni, n‑tumni lahabasuŋŋu yɛdda tuma ni nimbirimoaa.

FILIPAAI DIMA 3:14

N ŋmani la hoo ninvugsɔ ŋɔn zɔri zoaa: m moori n‑kyɛnni tooni ni n ti daŋŋi m‑paai tɔriga maa na n‑deaai ŋɔn daŋŋi tooni piini maa. Ka di nyɛ la: Naawunni ŋɔn booli ma ni m paai u saani saazugu na, Kirisita Yisa zugu.

KƆLOOSIDIMA 1:10

Ni, lala nin kyɛ ka ya bɛ beesisuŋŋu din sumsi ti Dugma niriba, ka kyɛnni tooni n‑wanni wala - di nyɛ la: yan tumni tunsuma zaa ka ya Naawunni bamsim gba zoaari sahakam.

KƆLOOSIDIMA 2:6

Yan daa sakki n‑ti Kirisita Yisa, ni, u nyɛ la ya Dugma la - dinŋɔna, ya kyɛ ka ya dɔli u soori maa.

KƆLOOSIDIMA 4:12

Ya timbisɔ gba bɛ ni, Ɛpafraasi, ka ŋɔn gba puusiri ya ni. U nyɛ la Kirisita Yisa nyaandɔlisuŋŋu. U moori sahakam n‑susiri Naawunni n‑tiri ya, ni, ya nin zɛ yummu Naawunni soori maa ni n‑dɔli Naawunni yuubu zaa sahakam.

I TƐSALƆNIKA DIMA 2:12

Ti daa kpaam ya, ka kpamsi ya, ka zaali ya noori, ni, ya mari beesiseelli din kyɛ ka Naawunni nini tigra, dama u boonni ya ni, ni yan ni Ŋɔn ti la'am u naam puuni n‑nya u gyirima.

II TƐSALƆNIKA DIMA 1:11

Di zugu ka ti kur susiri Naawunni n‑tiri ya. Ti susiri Naawunni, ni, u ti kyɛ ka ya bɛ beesisuŋŋu hoo ŋɔn booli ya ni ya bɛ seem la, ka zaŋŋi u yiiko n‑suŋŋi ya ka ya tum ya sufu yuubu tuma, ni ya yɛdda tuma, n‑naai; ka bu pɔsigi seela.

II TIMƆTI 1:9

Ŋɔn Naawunni n daa tuligi ti ka booli ti, ni di kyɛ ka ti bɛ kasi. Di pa la ti tunsuma zugu, amaa di nyɛ la u mammaŋŋa ŋɔn daa pun gbaai seem: dama u daa daŋŋi n‑yiisi u bunsuma, ni u ya n‑zaŋŋi n‑ti ti Kirisita Yisa zugu pɔi, ka sahaseelli din daa pun gaari la daa na bu piili.

TAITUUSI 2:10

Ka ba di zuuri ba dugmadima neema, amaa ba kyɛ ka ba beebu kasigi n‑wulisi, ni, ba nyɛ la yɛdda dima ka zɛ yummu ni yɛlimaŋni. Dina nin kyɛ ka Naawunni ŋɔn nyɛ ti tuligra maa yɛla wulisigu la ti nya gyirima, ban n niŋni bunseelikam zaa zugu.

HIBRUU DIMA 13:21

Ŋɔn Naawunni ti ya bunni kam zaa kan nin kyɛ ka ya niŋni u sufu yuubu la, n‑tumni tunsuma zaa. U nin bɛ ya puuni n‑tumni bunseelli kam din nin kyɛ ka u nini tigi, Yisa Kirisita yuuri zugu. Ŋɔna n su pɛ'abu saha kam. Ammi.

HIBRUU DIMA 3:1

M mabiisi, ya nyɛ la Naawunni dinni ka nyɛ kasi; ka ya gba ka Naawunni daa booli ka ya sakki. Tɔ! - ya teaama sɔ ŋɔn nyɛ ti toondaana yɛla - di nyɛ la: sɔ tin sakki u yɛla, ni, ti tuumu n nyɛ u, ni ti gyeeŋŋu toondaana - Yisa nla.

I PIITA 2:11

N kpaamni ya ni, m mabiisi, dama ya kur nyɛ la saamma m‑bɛ ya kyɛnni ni, duniya wa puuni, ni, ya gbaam ya mansi ka kyɛ ningbina kɔri kan zabri n‑sa'amni ya siiya yɛla.

I PIITA 3:9

Yan di zaŋŋi beeri n‑yɔ beeri, bee, tuuri n‑labsi tuuri; amaa kyɛ ka ya labsigu nyɛ la: ya susi bunsuma n‑tiri ba. Dama dinŋɔ zugu ka ba daa booli ya, ni ya ti di Naawunni bunsuma maa faari.

I PIITA 5:10

Ka ya yi sakki n‑namsi beela, ti Dugma Naawunni nin mari ya suŋŋa n‑ti ya yaa, ka seelli ku daam ya. Ŋɔn Naawunni n nyɛ sɔ ŋɔn tiri piinisuma zaa maa, ka u daa booli ya ni ya laa n‑di u nya'asim din ku naai, Yisa Kirisita zugu.

II PIITA 1:3

Ŋɔn Naawunni yiiko tiri ti tin boori seelli zaa zaŋŋi n‑kyaŋŋi ti beesigu ni ti gyeeŋŋu yɛla. Dama ti baŋŋi u, ni, u booli ti ni ti ti paai u maŋtoori gyirima ni u veelim saani na.

II GYƆNI 1:5

Tɔ, m ma, wumma! Pampaŋŋɔ n susiri i, ni, ti kyɛ ka ti wuri taaba. Di pa la n sɔbri la zaalipaalli n‑tiri i, amaa di nyɛ la zaaliseaa tin daa deaai piiligu ni la maa.